AXC-nin dövründə kafe müdirinin müavini necə nazir müavini oldusa, Mahir də eləcə deputat oldu…



Bu gün  xırda  araşdırma zamanı  bəlli oldu ki, sən demə  “manıs” sözü  qaraçı sözü imiş…
Bəli,  bizdə  hazırda  manıs deyəndə  çal-çağır əhli, müğənni-zad başa düşülür. 
Amma əslində, manıs sözünün arxasında böyük mətləblər dayanır. 
Siyasətçi də, məmur da, partiya sədri də, rektor da, nazir də, hətta deputat da manıs ola bilər.
Söhbət Milli Məclisin deputatı, Məcburi Köçkünlərin Sosial İnkişaf Fondunun direktoru  Mahir Abbaszadədən düşmüşkən…
Bu adam daş karxanasından parlamentə gəlmiş adamdır…
Vallahi, bütün dünyada, hətta ən geridə qalmış ölkələrdə deputat olmaq üçün uzun bir siyasi mübarizə yolu keçilir və sonda kimsə vətəndaşların səsini qazanaraq qanunverici orqanla xalqı təmsil edir. 
Kimə desən ki, Mahir Abbaszadə  daş karaxanasında işləyə-işləyə gəlib deputat olub….vallah dünya bizə gülər…
Bax, MANIS sözü bu məqamda yerinə düşür. 
Yəni daş karxanasından gəlib deputat olmaq əslində MANIS olmaqdır. 
Yeri gəlmişkən, bu məqamda bir məsələni xatırlayım. 
Deməli, 1992-ci ildə  AXC hakimiyyətə gələndə bir nəfəri nazir müavini qoymuşdular. Onun saxta sənədlərinə baxanda bəlli oldu ki, Göyçayda hansısa kənddə yol qırağında kafe müdirinin müavini olub. 
O vaxtda biz soruşduq ki, kənddə kafe nədir, müdir mədir, hələ allah qoymasa müdir müavini nədir..? 
O vaxt, ümumiyyətlə, kafe sözü yox idi…
Bəli, bu gün də həmin eybəcər hallar davam edir. 
Bax, bunun adı MANIS-çılıqdır. 
Və  Mahir Abbaszadə də bu yolla gəlib deputat olub, həm də Məcburi Köçkünlərin Sosial İnkişaf Fondunun direktorudur. 
Görəsən  Mahir Abbaszadə kimdir, nəçidir ki, buna  2  MÜHÜM VƏZİFƏ  tapşırılıb..? 
Bu adam həm  on minlərlə seçicini parlamentdə təmsil edir, həm də 1 milyondan artıq məcburi köçkünlərin problemi  ilə məşğul olur..
Bunun üçün  bu adamın ƏQLİ  imkanlarını bir kənara  qoyaq, FİZİKİ imkanları necə çatır..? 
ƏQLİ sözünü boşuna işlətmədik ee…
Bir deputat ki, şəhid  bulağının üstündə spirtli içki içib feyziyyab ola, ondan nə gözləyirsiniz…
Söhbət feyziyyabdan düşmüşkən, bu deputatın şair qardaşı  Zahir Abbasın  müğənni  Nazpəri Dostəliyeva haqqında sosial şəbəkədə yazdıqlarını oxuyanda adam xəcalət çəkir. 
Zahir Abbasın müğənniyə ithafən yazdığı şeiri  “Yaralıyam, yarama məlhəmdir o gur səsin” cümləsi ilə başlayır. 
Görəsən, deputatın qardaşının harası yaralanıb..? 
Bəlkə  ermənilərlə vuruşub..?
Laçın camaatının dediyinə görə, ümumiyyətlə,  bu ailədən erməniyə bir daş atan olmayıb. 
Erməniyə nə daş atmaq ee….
Sən demə cənab deputatımız “neqodnu”  imiş…
Bu qardaşlar barəsində yayılan informasiyaları  nəzərdən keçirəndə, adamın yadına görməmişin bir….məsəli düşür…
Təsəvvür edirsiniz, ölkə mediası Mahir Abbaszadənin qiymətli saatlarının nədən hazırlanmasını müzakirə edir..
Ağ və sarı qızıl, timsah naxışları, nə bilim briliyant qaşlar və s 
Bunun bircə adı var: görməmişlik. 
Ölkə mediası yazır ki, Mahir Abbaszadənin  saatı  18 əyar qızıldan hazırlanıb, original "PATEK FİLİPPE" firmasının məhsuludur, su keçirməzdir, mexanik rejimlə işləyir, zərbəyə davamlı şüşəsi var və daha nələr…
Ölkəmizin qarşısında bu qədər problemlərin dayandığı  bir vaxtda  Mahir Abbaszadənin saatını müzakirə etmək….
Heç kimə sirr  deyil ki, Mahir Abbaszadəni atası, babası  maldarlıqla, mal-qara saxlamaqla məşğul olub, yəni bunlar dədə-babadan maldar olublar. 
Maldarın qolunda  3 milyon dəyərində saat, vallahi, gülməlidir…
Bu hələ harasıdır..? 
Mahir Abbaszadə  həyat yoldaşına ad günündə bağışladığı….hədiyyə  ölkə mətbuatının manşetinə çevrildi…. 
Bu adam o dərəcədə milyonçuya çevrilib ki, 14 iyun 2021-ci il tarixdə həyat yoldaşına keçirdiyi möhtəşəm ad günündə ( 42 yaş ) xanımına   420000 yevro dəyəri olan  hədiyyə bağışlayıb. 
Təkcə bu fakt   “Qaçqınkom”dakı  rüşvətin və korrupsiyanın miqyasını göstərir.
Biz kiminsə həyat yoldaşına  nə hədiyyə etməsini müzakirə etmirik. Amma  dövlətdən maaş alan və keçmişi  maldar  olan bu adam bu boyda vəsaiti, milyonlarla pulu haradan əldə edib..? 
Məcburi Köçkünlərin Sosial İnkişaf Fondunun rəhbəri, deputat Mahir Abbaszadə qaçqınlara dövlət tərəfindən ayrılan pulların hesabına milyonçuya çevrilib. 
Məcburi köçkünlər üçün tikilən mənzillərin, qaçqın şəhərçiklərindəki obyektlərin pulla satılması, qaçqınlar üçün tikilən qəsəbələrə, şəhərciklərə ayrılan 100 milyonların öz yaxınlarına tender vasitəsilə verilməsi böyük cinayət əməlidir.
Necə deyirlər, divin canı şüşədə olan kimi Mahir Abbaszadə  kimilərin davamlılığı da bir  yoxlamaya bənddir. 
Bəli, Maliyyə Nazirliyi  Qaçqınların və Məcburi Köçkünlərin İşləri üzrə Dövlət Komitəsində, daha doğrusu,  Məcburi Köçkünlərin Sosial İnkişaf Fondunda ciddi  bir yoxlama aparsa, Mahir Abbaszadənin harada olacağı  bəllidir. 
Çox təəssüf ki, neçə illərdir ki, nə  Maliyyə Nazirliyi, nə də Hesablama Palatası komitədə normal bir yoxlama aparıb həqiqəti üzə çıxartmaq istəmir. 
Məlumdur ki, son illər  Maliyyə Nazirliyi  bir çox dövlət qurumlarında operativ, illik yoxlamalar aparsa da, nəsə “Qaçqınkom”da, Fondda yoxlama aparmaq  istəmir. 
Görünür, buna görə də  Mahir Abbaszadə  kimilər özlərinə çox arxayın olub, milyonlarla  dövlət vəsaitini dağıdırlar. 
Amma geci-tezi  var. Bir gün  bütün bunlara görə, cavab verməli olacaqsınız, cənab deputat..?
Ardı var... 
Qarşı tərəfin mövqeyini dərc etməyə hazırıq.