Bəzən ətrafımızdakı insanların çətin vəziyyətlərlə üzləşdiyi zaman fərqli reaksiya və yanaşmalarının şahidi oluruq. Kimisi bu cür situasiyalarda xilasedici jilet geyinərkən, kimisi dalğalı sularda köməksiz qalar.
 
Xarici KİV psixoloji dözümlülüyümüzü inkişaf etdirməyin 8 üsulunu təqdim edir.
1.Özünü tanımaq, dərk etmək: Mən kiməm? Mənim bacarıqlarım nədir? Mən nəyi xoşlayıram? Əvvəlcə bu suallara cavab verərək özünüzdən xəbərdar olun. Maraqlarınızı kəşf edin və onu inkişaf etdirin. Duyğularınıza cəsarət və şəfqətlə yanaşın, mənfi cəhətlərinizlə barışın.
2. Məqsəd: Həyatda nə üçün var olmaq istəyirsən? Nə etmək istəyirsən? Sizin üçün nəyin vacib olduğunu müəyyənləşdirin. Əvvəlcə kiçik, real hədəflər qoyun və hərəkətə keçin. Çünki bu məqsədlərə nail olmaq daha asandır. Beləliklə özünüzə hörmətiniz və motivasiyanız artacaq. Bu, məqsədinizə çatmaq üçün böyük bir addım olacaq.
3. Qəbullanmaq: Razılaşırıq ki, həyat sonsuz bir təcrübə olduğundan, başımıza istənilən vəziyyət gələ bilər. Mənfi duyğulara qapılmaq əvəzinə, təcrübələrimizdən öyrənməliyik. İrəli getməli olduğumuzu dərk etməli və mənzərəyə bütün baxmağa çalışmalıyıq. Dəyişikliyin həyatın bir hissəsi olduğunu qəbul etmək çox vacibdir.
4. Sosial əlaqələr: Sizin üçün yaxşı olan və sizi təkmilləşdirən insanlarla əlaqə saxlayın. Hisslərinizi və düşüncələrinizi hamı ilə deyil, sizi başa düşdüyünü hiss etdiyiniz insanlarla paylaşın. Bacardığınız qədər yaxşılıq edin və bunun qarşılığında heç nə gözləməyin. İnsanlara faydalı olduğunuzu bilmək sizi yaxşı hiss etdirəcək.
5. Rutin yaratmaq: Vərdiş halına gələn gündəlik işlərlə məşğul olun. Rutinlər insanlara həyatlarını proqramlaşdırmağa kömək edir və stressi azaldır. Rutinlər şəxsidir. Bu səbəbdən məmnun olduğunuz hər hansı fəaliyyət təşkil edə bilərsiniz. Məsələn,  səhərlər davamlı olaraq limonlu su içmək adi rutindir.
6.Sağlam həyat: Bədəninizin sağlamlığı da ruhunuz qədər vacibdir. Ehtiyaclarınıza diqqət yetirin. Düzensiz yuxu, qeyri-sağlam qidalanma, oturaq həyat sizə həyatınızın hər sahəsində mənfi təsir göstərəcək. Rutinlərinizə məşq və təbiət gəzintilərini əlavə edin.
7. Mükəmməllik axtarışından uzaqlaşın: Daim tənqid olunan daxili səsə sahib olmaq psixoloji sarsıntı gətirir. Depressiya, narahatlıq, qəzəb kimi duyğular yaşadır. Həmçinin, həyatda sevincləri və əyləncələri qaçırmağınıza səbəb olur.
8.Peşəkar dəstək: Bütün bunlara baxmayaraq özünüzü yaxşı hiss etmirsinizsə mütəxəssislərdən dəstək almaqdan çəkinməyin.