Dövlət başçısı: "Bəyanata müdaxilə etmək cəhdləri var"
1-12-2020, 12:49
98

Dövlət başçısı: "Bəyanata müdaxilə etmək cəhdləri var"

"Danışıqlar prosesi ilə əlaqədar onu da bildirməliyəm, - istəyirəm Azərbaycan xalqı bu məlumatı məndən eşitsin, - təsadüfi deyil ki, işğalda olan rayonların Azərbaycana qaytarılması məsələsi danışıqların mərkəzində yerləşirdi. Bu, bizim mövqeyimiz idi. Ancaq burada da mərhələli həll nəzərdə tutulurdu. Biz də bunun tərəfdarı idik. Birinci mərhələdə 5 rayonun Azərbaycana qaytarılması, ikinci mərhələdə isə Laçın dəhlizi istisna olmaq şərti ilə Kəlbəcər və Laçın rayonunun Azərbaycana qaytarılması. Ermənistan tərəfi hər dəfə məsələ qaldırırdı ki, əgər bu 7 rayon Azərbaycana qaytarılacaqsa, mütləq Dağlıq Qarabağın statusu eyni vaxtda öz həllini tapmalıdır. O başqa məsələdir ki, Ermənistan, sadəcə olaraq, danışıqlarda iştirak edərək imitasiya ilə məşğul idi və heç bir rayonu bizə qaytarmaq fikrində deyildi. Ancaq istənilən halda onların mövqeyi belə idi ki, 5 rayon qaytarıla bilər, amma Laçın və Kəlbəcər rayonlarının Azərbaycana qaytarılması üçün Azərbaycan Dağlıq Qarabağın müstəqilliyini ya tanımalıdır, ya da ki, orada keçiriləcək səsverməni tanımalıdır, səsvermə üçün tarix müəyyən edilməlidir. Dağlıq Qarabağa müstəqillik verilərsə, o zaman Ermənistan Kəlbəcər və Laçın rayonlarını Azərbaycana qaytaracaq, ancaq Laçın dəhlizi Ermənistana veriləcəkdi, özü də dəhlizin eni müəyyən edilməmişdi. Bax, bu idi danışıqlar masasında olan məsələlər".
Bunu Prezident İlham Əliyev xalqa müraciətində deyib.
"Mən deyə bilərəm, bu 17 il ərzində dəfələrlə bizə müxtəlif yerlərdən, xarici dairələrdən belə siqnallar gəlirdi ki, indi beş rayonu alın, bununla da kifayətlənin. Siz müharibədə məğlubiyyətə uğramısınız, Ermənistan müharibədə, - Birinci Qarabağ müharibəsi nəzərdə tutulurdu, - qələbə qazanıb. Siz reallıqlarla razılaşın. İndi beş rayon ki, sizə vəd verilir, o da böyük şeydir, siz onu alırsınız, Laçın, Kəlbəcər də qalsın sonraya, siz nə vaxt müstəqillik versəniz Dağlıq Qarabağa, o vaxt da o rayonların bir hissəsi sizə qayıda bilər.
Mən isə həmişə deyirdim ki, Laçın, Kəlbəcər və Şuşa Azərbaycana qayıtmasa, heç bir razılaşma ola bilməz. Mənim mövqeyim xarici ölkələrdə bir çoxlarını qıcıqlandırırdı. Mən deyirdim ki, bizim ərazi bütövlüyümüz bərpa edilməlidir. Deyirdim ki, müharibə variantı heç vaxt istisna olunmur. Nəinki deyirdim, bütün bu illər ərzində bütün gücümüzü səfərbər edib ölkəmizi gücləndirirdik, güc toplayırdıq - həm beynəlxalq müstəvidə, həm ölkə daxilində, həm iqtisadi məsələlərin həllində, ölkəmizdə həmrəyliyin və birliyin möhkəmlənməsində, ordu quruculuğunda güc toplayırdıq. Bu gücü dəmir yumruq formasına gətirdik, düşmənin belini qırdıq və bu gün biz yeni reallıq yaratdıq. Əgər hətta bir il bundan əvvəl bəziləri bizə deyirdilərsə ki, siz mövcud olan reallıqla barışın, bu gün mən deyirəm, hər kəs mövcud reallıqla barışmalıdır. Noyabrın 10-da imzalanmış Bəyanata əgər kimsə müdaxilə etmək istəsə, bizim sərt mövqeyimizi görəcək. Belə cəhdlər var. Bu cəhdlərin bir məqsədi var ki, bu razılaşma pozulsun. Çünki bu razılaşma bəzilərini çox qıcıqlandırır ki, artıq burada yeni təhlükəsizlik formatı yaranıbdır. Türkiyə-Rusiya Birgə Mərkəzinin yaradılması bəyanatda təsbit edilib. Eyni zamanda, burada təhlükəsizlik tədbirlərinin görülməsi və Bəyanatın müddəalarının icra edilməsi bəzilərini qıcıqlandırır. Ancaq bizim işimizə, əldə edilmiş razılaşmaya heç kim müdaxilə edə bilməz. Razılaşma icra edilir və icra edilməlidir", dövlət başçısı bildirib.

Oxşar xəbərlər

“Xalq bu məlumatı məndən eşitsin…” – Prezident danışıqlardakı sirləri açdı
"Ermənistan hesab edirdi ki, bütün Laçın rayonu onlara dəhliz kimi verilməlidir"
“BBC” Laçının son görüntülərini yaydı: Düşmən var-yoxlarını yandırdı- VİDEO
Kəlbəcər və Laçın qaytarılır? – 4 il əvvəlki sazişin icrası niyə yarım qalıb?
Ermənistanda “Laçın davası” qızışır
“Laçın dəhlizində Azərbaycanın sərhəd qoşunları, gömrüyü durmalıdır”
Laçında nə baş verir? – “Hər şeyi son günə buraxdın ki...”
“Başqa plan mövcud deyil!” - MÜSAHİBƏ
Laçın rayonunun yol nişanları hazırdır
Ermənistan qoşunlarının Ağdam, Kəlbəcər və Laçından çıxarılması davam edir
"Laçın dəhlizi erməni işğalçı qüvvələrindən təmizlənib" - Prezident
Laçın yolunu Ermənistanın özü bağlayıb - Hikmət Hacıyev
Laçında Azərbaycan Himni oxundu - VİDEO
"Son anda Kəlbəcər və Laçının qaytarılmasından imtina etdilər" - Prezident
Azərbaycan Ordusu Kəlbəcərə daxil olmağa başlayıb – Türk mediası
Ermənilər Laçın yoluyla gedib-gəlməkdən qorxur - Azərbaycan ordusu 2 km-likdədir
80 nəfər jurnalist Xankəndindən çıxa bilmir? - AÇIQLAMA
Laçının iqtisadi potensialı : Turizm, kənd təsərrüfatı, heyvandarlıq
Ermənistan təzminat ödəməyə məcburdur
Ermənilər Laçından qaçır - BBC
Ermənilər Laçını tərk edir
İlham Əliyev Azərbaycan xalqını təbrik etdi
“Tələ” bağlananda Yerevan konkret substantiv danışıqlar aparmaq istəyəcək”
İşğalçı Ermənistan ordusu bu torpaqlarımızdan çıxır? – Erməni mətbuaatı yazır...
Laçında komendant postlarının yaradılması ilə bağlı işlərə başlanıldı
“Elə etmək lazımdır ki, Laçın dəhlizindən heç quş da uçub keçməsin”
“Türkiyə sülhməramlıları Laçın dəhlizində olsa, gözümüz arxada qalmaz“ - General Kandemir
BQXK-dan Dilqəm Əsgərovla Şahbaz Quliyevin qaytarılması məsələsi ilə bağlı - AÇIQLAMA
Azərbaycan müxalifəti Putinin müsahibəsi barədə
Paşinyan hökuməti darmadağın edir: Nazirlər bir-bir istefa verir