“Ayağımı götürüb 500 metr tək getdim” - Qazi
3-12-2020, 10:07
91

“Ayağımı götürüb 500 metr tək getdim” - Qazi

"Ali Baş Komandanın əmri, mənim və məndən də güclü əsgərlərimizin sayəsində Qarabağ artıq bizimdir”.
Bu sözləri Oxu.Az-a açıqlamasında 44 günlük Vətən müharibəsində öz igidliyi ilə seçilən qazi Abbas Abbaslı deyib. 
Qəhrəman qazi kimi evinə qayıdan A.Abbaslı xidmətini davam etdirən əsgər yoldaşlarının da sağ-salamat ailələrinin yanına qayıtmasını diləyir.
23 yaşlı qazimiz əslən Cəbrayıl rayonundan olsa da, daha əvvəl uğrunda döyüşdüyü bu torpaqlarda olmayıb:
"Azərbaycanın hər bir qarışı bizim üçün əzizdir. Əslən Cəbrayıl rayonundanıq. Döyüşlər başlayanda hərbi hissədə idim. İki dəfə həyəcan siqnalı verildi. Biz çox istəyirdik ki, üçüncü dəfə həyəcan siqnalı eşidilsin və biz döyüşə gedək. Nəhayət ki, gözlədiyimiz həyəcan siqnalı eşidildi və döyüşə yollandıq. Döyüşdür, bilmək olmaz deyə, əsgər yoldaşlarımızla görüşüb, halallaşdıq”. 
A.Abbaslı deyir ki, döyüşə gedən zaman həyatında heç vaxt görmədiyi analar onun və digər əsgər yoldaşları üçün dua edir, onları ruh yüksəkliyi ilə yola salırdılar.
"Maşının arxasınca qaçanlar, su, siqaret və s. verməyə çalışanlar olurdu. Xalqımızın birliyi bizi daha da sevindirirdi”.
A.Abbaslı Füzuli, Cəbrayıl, Xocavənd, Şuşa istiqamətində gedən döyüşlərdə iştirak edib. Vətən uğrunda topçu kimi mübarizə aparan A.Abbaslı düşmənin yerləşdirdiyi piyada əleyhinə minaya düşərək əlindən yaralanıb, sağ ayağını isə dizdən aşağı itirib:
"Biz irəli getdikcə güclü top atəşinə tutulurduq. Mövqelərimizdə möhkəmlənib verilən hədəflərini məhv edirdik. Bizim artilleriya bütün döyüş tapşırıqlarını tam dəqiq yerinə yetirdi. Biz bu döyüşdən üzüağ çıxdıq. 
Minaya düşməyim isə gözlənilməz oldu. Düşünmürdüm ki, o ərazidə mina olar. Elə ayağımı atmağımla göyə qalxmağım bir oldu. Yıxılanda gördüm ki, ayağım artıq yoxdur, dayanmadan qan axır. Yaxınlıqda heç kim yox idi. Ayağımı əlimə götürüb 500 metr yolu tək gəldim. Yolda bir anlıq ayağımın vəziyyətini görüb qəbul edə bilmədim. Əlimi silahıma atdım ki, özümü vurum. Gördüm ki, silahım yoxdu. O an orada özümü öldürmək istədim. Çətindir, qəbul etmək çox çətin gəlir. Amma bilirəm ki, bundan sonrakı mərhələdə daha da çətin olacaq. Heç kim istəməz ki, belə bir şey yaşansın. Amma bu Vətən uğrunda olubsa, peşman deyiləm. İnşallah ayağa duracağam”.
Qazinin anası oğlu ilə fəxr etdiyini deyir: "Şükür Allaha ki, sağ-salamat qayıtdı. Onun nəfəsi belə mənə bəsdir”.
Evinə qayıdan qazini əzizləri və paytaxt sakinləri böyük izdihamla qarşılayıblar.

Oxşar xəbərlər

18 gün komada qalan qazimiz evinə döndü - VİDEO
Cəbrayılda yaralanan əsgər: “Döyüşə yenə gedərəm” - VİDEO
Sentyabrda COVID-19-a yoluxma sayı hamı üçün həyəcan siqnalı olmalıdır - ÜST
Yaralansa da, 23 hərbçinin həyatını xilas etdi (VİDEO)
Atalar və oğullar: Daşaltı döyüşçüsünün oğlu Qubadlıda qazi oldu (VİDEO)
Düşməni öz silahıyla məhv edən hərbçilərimiz - VİDEO
“Həddindən çox yaralı əsgərimiz var” - Erməni deputat həyəcan təbili çaldı
Xankəndidə həyəcan siqnalı verilir - Şəhər zülmətə qərq oldu (VİDEO)
Hər iki Qarabağ Müharibəsinin şahidləri: “Özünü mina üstünə atanlar da oldu, tank üstünə atanlar da” (VİDEO)
Ana əsgər övladını sürünərək qarşıladı - VİDEO
Şuşa məscidində ilk azanı oxuyan əsgər - FOTO
“Ermənistan Livandan pul və muzdlu əsgər dilənir…” - SƏRDAR ÜNSAL BEYRUTDAN ALDIĞI XƏBƏRLƏRİ AÇIQLADI
Yaralı əsgər əməliyyat masasında “Qarabağ” oxudu - Video
Ordumuzun misilsiz Şuşa əməliyyatı -  İLGİNC DETALLAR
Ordumuz ermənilərdən daha 5 hərbi texnika ələ keçirdi
19 yaşlı qəhrəman: Qəsəbənin 30 ildən sonra ilk şəhidi (VİDEO)
Əsgərini canı hesabına xilas edən komandir - VİDEO
Azərbaycan PUA-ları Xankəndində
Şəhid ailələri və qazilərə veriləcək təqaüdlərin məbləği açıqlandı
Hadrutda düşmənin qurduğu pusqu belə məhv edilib - VİDEO
Mənsum İbrahimov şəhid olan qardaşı oğlundan DANIŞDI: - “Dedi ki, ölsəm, heç kim ağlamasın“
Ürəyindən yaralanan qazimiz Bakıya gətirilib
Yerevanda əsgər anaları növbəti aksiya keçirir
Əsgər məktubu: “Düşmənə qan uddururuq”
Kürdəmirdə qəhrəman əsgərimizin anası ÇƏTİN DURUMDA! - NARAZILIQ...
"Qarabağ" Polşa zəfərini əsgər salamı ilə qeyd etdi - FOTO
Bakıda lombarda basqın edildi
Azərbaycanlı əsgər morqda dirildi
“Şəhid analarına həsəd aparıram“ - Afaq Bəşirqızı
İndi haradasan, əsgər?..