Milli Məclisin Əmək və sosial siyasət komitəsinin iclasında müharibə veteranlarının, qazilərin və şəhid ailələrinin sosial müdafiəsi və sosial psixoloji adaptasiyasına dair komitə daxilində dinləmə keçiriləcək. 
APA-nın məlumatına görə, bu barədə məsələ komitənin bu gün keçiriləcək iclasının gündəliyinə daxil edilib. Həmçinin, iclasın gündəliyinə koronavirus pandemiyası dövründə sosial müdafiə tədbirləri ilə bağlı dinləmə də daxil edilib. 

Eyni zamanda iclasda "Azərbaycan Respublikasının Əmək Məcəlləsində dəyişiklik edilməsi haqqında” qanun layihəsi müzakirə ediləcək. 
Qeyd edək ki, Milli Məclisin Əmək və sosial siyasət komitəsinin sabah keçiriləcək iclasının gündəliyinə 3 məsələ daxil edilib.