Həkimlər infarkt və insult yarada bilən hipertoniyanın təhlükələrindən danışıblar. Məlum olub ki, hipertansif insanlar yedikləri və içdikləri ilə təzyiqlərini idarə edə bilirlər.
Xarici KİV xəbər verir ki, Toronto Universitetinin alimlər qrupu 12 şəkər tərkibli məhsulu qiymətləndirdikləri bir araşdırma aparıblar.
Belə ki, bir stəkan alma və ya portağal şirəsi içməyin hipertoniya xəstələrinin təzyiqlərini nəzarətdə saxlamağa kömək edəcəyi məlum olub.
Yəni, mütəxəssislərin tapıntılarına görə, pəhriz seçimi hipertoniyaya təsir edir və meyvə şirəsinin orta dərəcədə istehlakı qan təzyiqinin orta hesabla bir qədər azalmasına səbəb olur. Söhbət yalnız təbii şəkərdən ibarət olan şirədən gedir - belə bir içki həqiqətən sistolik qan təzyiqini 3,7 mm Hg azaltmağa kömək edəcək. 
Ürək-damar sisteminə qoruyucu təsir göstərən və iltihabı azaldan bu şirənin tərkibindəki vitaminlər eləcə də flavonoidlərdir. Alimlər qeyd ediblər ki, qan təzyiqi üçün ən böyük fayda gündə 50-150 ml stəkan meyvə şirəsinin uzun müddət istifadəsi ilə müşahidə olunub.