Test qiymətləri 30 manata qədər endirilməlidir... – Millət vəkili
8-12-2020, 11:57
154

Test qiymətləri 30 manata qədər endirilməlidir... – Millət vəkili

"Test qiymətləri 50 manatı keçməməlidir. Hətta imkan varsa, gəlir səviyyəsi aşağı olan vətəndaşlar üçün 30 manata qədər endirilməlidir”.

Qaynarinfo xəbər verir ki, bunu Milli Məclisin deputatı Fazil Musata deyib. Onun sözlərinə görə, koronavirusla mübarizə xeyli çətinləşib:
 
 

"Xəstəxanalarda yer tapmaq mümkün deyil. Xəstəliyə yoluxmuş insanların çoxu dədə-baba qaydasında evində, necə gəldi müailcə olunurlar. Qoruyucu vasitələrdən istifadə etməməyə görə cərimələrin tətbiqi də prosesi ləngitməyə təsir göstərmir. Əsas problem test üçün təyin olunan qiymətlərin çox baha olması ilə bağlıdır. Əksər insanlar 100-150 manat vəsaitləri olmadığına görə sadəcə müşahidə olunan əlamətlərə görə özləri xəstəliyin başladığını təyin edib yaxınlarının və ya tanışlarının tətbiq etdiyi üsullardan istifadə edirlər. Qeyri-peşəkar müalicənin nəticələri də bir çox hallarda ürəkaçan olmur. Təsəvvür edin ki, test qiymətlərinin bahalığına görə vətəndaş yoxlamadan keçməkdən imtina edir. Bəzən isə bir gün öncə bir klinikada neqativ çıxan test sabah başqa klinikada pozitiv çıxırsa, bu da əlavə maddi və psixoloji problemlər yaradır. Test pozitiv çıxdığında adamlar dərhal qaçırlar kompüter tamoqrafiyası vasitəsi ilə ciyərlərini yoxlatmağa. Burada da 90-110 manat, əgər evə çağırırsansa, 180 manata qədər vəsait ödəməli olurlar. Klinikalarda növbə hədsiz çox olduğundan bu yoxlama da bir neçə gün gecikə bilər. Ardınca dərmanların qiyməti də kəlləçarxa çıxdığından insanlar müalicə almaqda xeyli çətinlik çəkirlər. Bütün bu sıxıntılar dünyanın hər bir ölkəsində olduğu üçün, ayrıca olaraq səhlənkarlığa görə nə müvafiq qurumları, nə də qoruyucu vasitələrdən istifadə etməyən vətəndaşları qınamaq fikrindəyəm”. 

Fazil Mustafa qeyd edib ki, vəziyyətdən çıxış yolu təcili tapılmalıdır:

"Eyni zamanda kompüter tamoqrafiyası üçün də ödənişlər 50 manatı keçməməlidir. Apteklərdə də COVİD-19 üçün istifadə olunan dərmanların da maksimum qiymət standartları nəzarətə götürülməli, möhtəkirliyə qarşı ciddi tədbirlər görülməlidir. COVİD-19 səbəbindən tətbiq olunan məhdudiyyət tədbirləri onsuz da insanların iqtisadi vəziyyətinə ciddi təsir göstərib, gəlir səviyyəsi aşağı düşüb. Bu elə bir xəstəlikdir ki, onun fəsadlarına qarşı dövlət və vətəndaşlar bir-birinə dəstək verərək effektli mübarizə apara bilərlər. Həkimlərimizin və tibb bacılarımızın da durumu hədsiz dərəcədə ağırdır, onların arasında da itkilərimiz böyükdür. Onların da işini asanlaşdırmaqdan ötrü evlərdə müailicə alanlar üçün formal deyil, işləyən qaynar xətt şəbəkəsi qurulmalıdır ki, insanlarımız zəng edib peşəkar tibbi məsləhət və tövsiyyələr ala bilsinlər. Hər evə həkim gedə bilmirsə, xəstələrə vaxtında yetişməyə təcili təcili yardımın imkanları xeyli çətinləşibsə, heç olmasa insanların öz-özlərini xilas etməsi üçün ilkin addımları doğru atmasına yardam etmək vacibdir. Allah bütün xəstələrimizə şəfa versin, dünyasını dəyişənlərə rəhmət etsin, həkimlərimizi və tibb bacılarımızı qorusun, onlara güc versin ki, bu bəlada minimum itkilərlə çıxa bilək”.

Oxşar xəbərlər

Koronavirus testi ölkəyə neçəyə gətirilir? - TƏBİB sualları cavabsız qoyur
Millət vəkili cəbhə bölgələrində kommunal qiymətlərin aşağı salınmasını təklif etdi
Tramp koronavirusu qısa müddətdə müəyyən edən test təqdim etdi
"Özümüzdə soyuqlama əlaməti hiss etsək, sanki COVİD-19 var kimi düşünməliyik"
Karantin sərtliyi geri qaytarılmalıdır - Diqqət, TƏHLÜKƏ!
“İnsanların cibinə girirlər” - Taksi xidmətləri qiyməti niyə qaldırır?
“Azərsun Holdinq”in qəzəb yaradan qiymət artımı: - Buna hüququ varmı?
Apteklərin bayramıdır - Əlaltından 750 manata dərman satırlar
Azərbaycanda 336 nəfərdə koronavirus aşkarlandı, 5 nəfər öldü, 183 nəfər xəstə sağaldı
Səhiyyə sistemimiz koronavirus qarşısında AĞ BAYRAQ QALDIRIB? - GİLEY
"Seroloji test üçün, hələ ki, könüllü müraciətləri qəbul etmirik" - TƏBİB
“Daha sərt karantin rejiminin tətbiqi aktuallaşır” - deputat
Azərbaycanda karantindən istifadə edən işbazlar - VİDEO
“Bu infeksiya ilə birlikdə yaşamaq qaydasına yiyələnməliyik” - Həkim-infeksionist
“Sərt karantinə getmək lazımdır ki...” - İnfeksionist
Meymunlar koronavirus analizlərini oğurlayıb qaçdı - VİDEO
Azərbaycanlı mühəndislər süni tənəffüs aparatı hazırladılar - VİDEO
Məsciddəki səsgücləndirici vasitəsilə virusa yoluxduqlarını bəyan etdilər
Yılmaz Vural yenə koronavirusa yoluxdu
Bu gün 3 506 nəfər imtahan verəcək
"Təəssüf ki, insanlar ancaq yoluxub xəstəxanaya düşəndə “ayılırlar”" - deputat
Koronavirusla bağlı əsas tövsiyələr
Milli Məclisin iclası iyulin 5-ə qədər təxirə salındı - Parlamentdə koronavirus təhlükəsi...
Gələn həftədən xəstələrin sayı artacaq - Gün ərzində 40-50 nəfərin ölməsi halı adiləşəcək
Məktəbli formalarının qiyməti dəyişib? - “Bakı Tikiş Evi”ndən açıqlama
“İstənilən halda hər birimiz bu virusa yoluxacağıq”
“Koronavirusa yoluxmuş xəstəyə bir dərman verib gedirlər...“ - ETİRAZ
“Taksi qalmaqalı”nın SÜRPRİZ NƏTİCƏSİ: - Şirkətlər qiyməti niyə qaldırır?
Antibiotiklərdən yalnız bu halda istifadə edilməlidir
Dərman vasitələrinin təsdiq edilmiş qiymətdən fərqli qiymətə satışı qadağandır - Rəsmi