“Azərbaycan və İsveç ikisi də 10 milyon əhalisi olan ölkədir. Azərbaycan dünyanın ən sərt karantinini ən uzun müddət tətbiq edib. İsveç isə demək olar heç bir karantin tətbiq etməyib. Amma 8 ay ərzində orada və burada son 5 ilin “norma”sından artıq olan ölüm sayı eynidir”.
Bunu REAL Partiyasının sədri İlqar Məmmədov social şəbəkədə yazıb.
O bildirib ki, Azərbaycanda koronavirusdan ölüm sayı daha az olmalı idi. Partiya sədrinin qənaətincə, virus deyir ki, sən hansı karantin qoyursan qoy, öz işimi görəcəm:
“Əslində bizdə bir qədər daha az olmalı idi. Çünki Azərbaycanda əhali nisbətən daha gəncdir və hər il ölənlərin sayı bizdə ümumən oradakından azdır. Amma eynidir, hətta Azərbaycanda bir qədər çoxdur. Müqayisədən belə çıxır ki, virus karantinə hörmət eləmir. Eyni əhali sayı olan ölkədə eyni vaxt ərzində eyni qədər adamı öldürür. Elədirsə, onda bu sərt karantinlər nəyə lazım idi?”.