“Azəriqaz” Gəncədə rəsmi maxinasiyalara başladı - İLGİNC FAKT
21-12-2020, 10:40
141

“Azəriqaz” Gəncədə rəsmi maxinasiyalara başladı - İLGİNC FAKT

Azərbaycan iqtisadiyyatının yeganə qarantı hesab edilən "SOCAR"-ın “Azəriqaz” İstehsalat Birliyi Gəncədə abonentlərinə qarşı kütləvi "borc maxinasiyası"na start verib. Əvvəlki illərdə müşahidə edildiyi kimi, qurumun başbilənləri müxtəlif ünvanlara debitor borc barədə qəbzlər yazaraq vətəndaşlara göndərir, istehlakçıların hüququnu pozaraq süni narazılıqlar yaradırlar.
"Demokratik.Az"-ın əldə etdiyi məlumata görə, Gəncə şəhəri, Cavadxan küçəsi bina 9, mənzil 11 ünvanı da "qazsatanlar"ın özbaşınalığa məruz qalıb. Belə ki, ötən ay abonent Nuranə Rzayeva mülkiyyətindəki mənzilə məxsus smartkart tipli sayğacın mexaniki sayğacla əvəz edilməsinə dair ərizə ilə quruma müraciətindən sonra ünvanın guya 2012-ci ildən bu yana 525 manat 45 qəpik debitor borc olması iddiası baş qaldırıb.
“Azəriqaz” İB-nin Gəncə şöbəsi ünvanda borcun olması tələbinə dair vətəndaşa 05 dekabr və 16 dekabr 2020-ci il tarixli rəsmi qəbzlər göndərərək yeni sayğac qoyuluşu üçün birdən-birə idarədaxili bilgisayarda boy göstərən 525 manatı tələb edir. Vətəndaşın narazılığı isə kimsənin umurunda deyil. Bundan başqa, 8 il borcu olmayan bir ünvanın 2020-ci ildə bu qədər məbləğə borclu duruma düşürülməsi, 2012-ci il üçün debitor borc iddiasının indi diqqətə alınması suallar yaradır.
Bu barədə "Demokratik.Az"-a evin keçmiş sahibi danışıb. Vətəndaş Rauf Hüseynovun bildirdiyinə görə, həmin ünvana borcun necə və niyə yazılmasını anlaya bilmir. Çünki həmin mənzil 2017-ci ilin aprel ayınadək Qurbanova Səmayə Hüseyn qızının adına olub, həmin ayda da evi Rauf alıb. Alarkən də ünvanın heç bir kommunal borcunun olmamasına dair "ASAN-Gəncə"-nin təsdiqlədiyi arayışlara istinad edilib.
06.04.2017-ci il tarixli müvafiq arayışdan da aydın olur ki, ünvanın "Azəriqaz İB"-nə həmin tarixədək borcu mövcud olmayıb.
Rauf Hüseynov onu da qeyd edir ki, evə cəmi bir neçə ay sahiblik edib və 2017-ci ilin avqustunda mənzili vətəndaş Nuranə Rzayevaya satıb. Həmin müddət ərzində isə mənzildə ümumiyyətlə mavi yanacaqdan istifadə edilməyib. Daha maraqlısı, 2017-ci ilin aprelindən bu yana ünvanda ümumiyyətlə qaz sərfiyyatı qeydə alınmayıb, yaşayış belə olmayıb.
Rauf Hüseynov bildirir ki, "Azəriqaz"-ın yerli şöbəsi özünün borc iddiasına məntiqi aydınlıq gətirmir, 2012-ci ilə dair əsassız və uydurma fakt irəli sürür. Bundan başqa, qurum ünvana iddia etdiyi borc barədə məlumatı elektron hökumət portalına yalnız ötən ay əlavə edib ki, bu da özbaşınalığın bir sübutudur.
Sadalananlar göstərir ki, rəsmi qurum ya 2012-ci ildə həqiqətən mövcud olan debitor borcu sistemdə 8 il gizlədib, ya da Bakıdan Gəncəyə axan və yekun hesabatlarda "itkin düşən" mavi yanacaq itkisi bu yollarla it-bat edilir. İndiyə qədər də məlumdur ki, Qaz istismarı idarələri qazpaylayıcı missiya icra edərkən aldıqları qazın həcmi ilə abonentlərdən yığılan ödənişlər arasında xeyli fərq ortaya çıxır ki, bu da əslində mavi yanacaq itkisi kimi deyil, "SOCAR"-a istehlakçıların debitor borcu kimi yansıdılır. Belə özbaşınalıqlar isə planlı şəkildə regional qazpaylayıcı qurumlarda korrupsiya və özbaşınalıqlara meydan açır.
Onu da bildirək ki, həmin ünvanda uzun illərdir ki, smart tipli qaz sayğacı quraşdırılıb. Və indiyədək bir dəfə də olsun borc barədə abonent məlumatlandırılmayıb. Bundan əlavə, “Qaz təchizatı haqqında” Azərbaycan Respublikasının Qanununun 6-cı maddəsinin 5-ci abzasına, Azərbaycan Respublikası Nazirlər Kabinetinin 2011-ci il 12 may tarixli, 80 nömrəli qərarı ilə təsdiqlənmiş “Qazdan istifadə Qaydaları”nın (Qaydalar) 6.1.4-cü bəndinə, hətta həmin Qaydaların 2-ci və 3-cü əlavəsində təsdiq olunmuş, məişət və sənaye qaz qurğusu istifadəçiləri ilə bağlanmış qazın alqı-satqısı müqavilələrinin müvafiq olaraq 2.2.6.4-cü və 2.2.7.4-cü yarımbəndlərinə əsasən, “qazpaylayıcısının istehlakçıya verdiyi qazın sayğacla müəyyənləşdirilən hesabı istehlakçıya qaz paylayıcısı tərəfindən təqdim edildikdən (göndərildikdən) sonra bir ay müddətində tam ödənilmədikdə” qazın verilişinin dayandırılmasına dair müddəalar mövcuddur. Belə halda da, 2012-ci ildən bu yana borcu olubsa, ünvana qazın verilişinin dayandırılmaması da abonentin haqlı olduğunu üzə çıxarır.
Ümumiyyətlə, müşahidə olunur ki, “Azəriqaz” İstehsalat Birliyi ilin yekunlarına dair hesabatlarında əhali sektoru üzrə debütor borc məsələsini daha çox qabardır və bu yolla digər irihəcmli borcluları kölgəyə alır. Məsələn, "Azəriqaz" İB vətəndaşlara münasibətdə "Azəristiliktəchizat"-ın 10 milyonluq borcuna, istilikxanalara axan qazın həcmindəki paradoksallığa o qədər də ciddi yanaşmır.
Sonda yalnız bunu düşünmək olar - "Azəriqaz"-ın yerli qurum yetkililəri ciblərinə və havaya sovurduqları mavi yanacağın pulunu gücləri çatan şəxslərdən almaq üçün yeni savaş açıblar.
Dövlət baba vətən və millət naminə "Azəriqaz"-ın fəaliyyətinə və debitor borclarına göz gəzdirsə yaxşı olar...
Qarşı tərəfin söz haqqına sayğılarla...
Osman Nərimanoğlu
Demokratik.Az

Oxşar xəbərlər

“Azəriqaz” vətəndaşa böyük məbləğdə cərimə yazdığı üçün məhkəməyə verildi - GİLEY
"Azəriqaz"dan daha bir NARAZILIQ... - "...karantinlə bağlı qəbul etmədilər"
“Azəriqaz”dan vətəndaşa qarşı məhkəmə iddiası
“Azəriqaz”dan Misir Mərdanovun ailəsi ilə məhkəmə çəkişməsinə açıqlama gəldi...
Misir Mərdanovun qızı “Azəriqaz”ı məhkəməyə verdi: “Göyərçin" Uşaq Bağçası etiraz edir...
"Azəriqaz" vətəndaşa belə problem yaradır... - GİLEY
"Azəriqaz"da total islahatlar gözlənilir - Kimlər işsiz qalacaq?
Azəriqaz” məşhur iş adamını məhkəməyə verdi - FOTOFAKT
“Azəriqaz”da bəzi regional idarə rəislərinin yerləri dəyişdirildi - Kimlər hara təyin olundu?
Gəncədən "Azəriqaz"a İSMARIC VAR... - "Gəncə şəhəri qırılır soyuqdan"
Mərkəzi Klinika Gəncə Xəstəxanasının baş həkimi İTTİHAM OLUNUR - Şok telefon danışığı...
İşğaldan azad olunmuş ərazilərə qaz çəkilişinə başlanılır
Abşeronun Qobu qəsəbəsində 1147 fərdi yaşayış evi qazlaşdırıldı
Yeddi yaşayış məntəqəsində 800-ə yaxın evə qaz verildi
Qurumun borcuna görə Bakı yenə istiliksiz qaldı
Gəncədə evinə raket düşən daha bir vətəndaş sığorta şirkəti ilə ÜZ-ÜZƏ QALIB... - GİLEY
Vətəndaşın yeni başağrısı: "TƏMİZ QAZ"... - Bu qurumun "Azəriqaz"a dəxli varmı?
İstiliklə təchizatdakı yubanmalara aydınlıq gətirilib - Video
“Azəriqaz”a 100 min manat borcları olan Xətai sakinləri çıxılmaz vəziyyətdə - GİLEY
Gözdən əlili ara fəhləsi kimi işlədirlər... - GİLEY
Səfər Mehdiyev milyonları "Progress"ə asta-asta ötürür... - ŞÜBHƏ!
Xaçmaz sakinləri soyuqdan donurlar... - GİLEY
“Azəriqaz” yaxasını kənara çəkir - Öz başınıza çarə qılın
"Bəzən sayğacların göstərdikləri rəqəm istifadə olunandan 2-3 dəfə artıq göstərir" - NARAZILIQ...
“Azəriqaz”dan deputatın iradlarına CAVAB
17 yeni salınmış yaşayış massivi qazla təmin olunub - FOTO
Gəncədə itkin düşən 3 uşaq anası Bakıda tapıldı
Samuxda 10 manatlıq şirkətə şübhəli ETİMAD - 167 min manatlıq tenderin qalibi oldu
Azad olumuş ərazilərin qazlaşdırılmasına başlanıldı
“Aylardır müraciət etmədiyim təşkilat qalmayıb” - NARAZILIQ!