Anar Kərimov bu dəfə kimi yola sala bilər? - İLGİNC
22-12-2020, 10:07
81

Anar Kərimov bu dəfə kimi yola sala bilər? - İLGİNC

Aktualinfo.org ötən il də,ondan qabaqkı illərdə də Mədəniyyət Nazirliyində,daha doğrusu nazirliyə tabeli qurumlarda baş alıb gedən baxımsızlıq,özbaşınalıq,talançılıq və sair bu qəbildən olan halların baş alıb getməsi barədə silsilə məqalələr dərc etmişdi.Bu məqalələrin hamısında biz bir nazir kimi (artıq keçmiş) Əbülfəs Qarayevə müraciət edərək konkret faktlarla göstərdiyimiz nöqsanların qarşısını almağa çağırırdıq.Lakin hər yazıdan sonra,sanki qurbağa gölünə daş atılırdı.kimdən səs çıxsa da Mədəniyyət Nazirliyinin rəsmilərindən heç bir səs çıxmırdı.Sanki elə belə də olmalıymış kimi hər kəs öz işində idi.Nəticədə baş verənlər artıq hamıya bəllidir.Bu hamıya bəlli olan hadisələrdən sonra təccübünü gizlətməyən,heyrət etməyən nə mədəniyyət işçisi qaldı nə də vətəndaş.Amma bizim üçün burada təəccüblü heç nə yox idi. Çünki biz onları artıq bilirdik.Mədəniyyət Nazirliyinin Xaçmaz, Gəncə, Sumqayıt, Biləsuvar, Ağstafa, Şəki kimi Regional İdarələrində baş alıb gedən korrupsiya hallarının qulaqbatıran sədasını hamı eşidirdi, Əbülfəs Qarayevdən başqa.

Mədəniyyət Nazirliyində baş verənlərdən sonra bir müddət gözləmə mövqeyində duran yuxarıda qeyd etdiyimiz regiional idarələr yenə fəaliyyətə başlayıblar. Amma fərqli. Onların ötən il müxtəlif satınalmalara ayırdıqları vəsaitlər demək olar ki,bu il yarıbayarı azalıb.Bu mədəniyyət evlərinin yüksək səviyyədə olmasından irəli gəlmir. Sadəcə may ayında baş verənlərdən sonra mənimsəmələrə ayaq yeri qoyulmur.Amma ötən illərdə ayrılan vəsaitlərin çoxu kimlərinsə arasındasa bölüşdürülür,kimlərəsə qaytarılır,kimlər tərəfindən isə mənimsənilirdi. Amma indi tərəddud dövrüdür. İndi hamı suyu üfürə-üfürə içir.Axı məlum məsələlərə görə Mədəniyyət nazirliyinin strukturuna daxil bütün idarələrdə yoxlamalar gedir.

Mədəniyyət nazirinin müavini,nazirin səlahiyyətlərini icra edən Anar Kərimovun yoxlamalardan sonra atacağı ilk addımları artıq təxmin etmək olar.Köhnə,talancı komandanın üzvlərindən bir neçəsinin vəzifəsindən yola salındığı artıq hamıya məlumdur.Növbəti kim olacaq,nə vaxt yola salınacaq,zaman göstərəcək. Amma yoxlamaları aparanlara araşdırılması gərəkən bəzi məsələləri də biz demək istərdik.

Aktualinfo.org Şəki Regional Mədəniyyət İdarəsinin əvvəlki illərlə 2020-ci il üçün keçirdiyi tender və kotirovka sorğuları ətrafında kiçik bir müqayisə edib.Bu müqayisədə ortaya çıxanlar sizi heç də təəccübləndirməsin.

Qeyd edək ki,Şəki Regional Mədəniyyət İdarəsi 10.12.2020-ci il tarixdə maşın və avadanlıqların satınalınması üzrə keçirmiş olduğu tenderdə “Stone Construction” QSC-ni qalib elan edərək 42 244 manat məbləğində müqavilə bağladığını bildirib.

Tədbirlərin təşkili işlərinin satın alınması üzrə keçirilmiş tenderin də qalibi 12.08.2020-ci il tarixdə elan olunub və “Xanov” Məhdud Məsuliyyətli Cəmiyyəti ilə 61 449.68 manat dəyərində müqavilə bağlanıb.

Dəftərxana və təsərrüfat malları üzrə 145 661.56 manat dəyərində müqavilə də 12.08.2020-ci il tarixdə elan olunub və “AZƏRİ 20” Məhdud Məsuliyyətli Cəmiyyəti ilə bağlanıb.

07.01.2020-ci il tarixdə elektrik sistemlərinin təmiri üzrə “Xəzri-2011” Məhdud Məsuliyyətli Cəmiyyəti ilə bağlanan müqavilənin dəyəri isə 37 544 manat olub.

Amma gəlin baxaq görək Şəki Regional Mədəniyyət İdarəsi ötən illərdə satınalmalar yolu ilə nə qədər vəsait xərcləyib? Onlardan bəzilərini,maraqlılarını diqqətinizə çatdırırıq.

13.06.2017-ci ildə odun yanacağına 104 713.2 manat məbləğində müqavilə “Səbuhi-O” MMC ilə, 16.05.2018-ci ildə odun yanacağına 101 811.51 manat məbləğində müqavilə “Qarabulaq” MMC ilə,11.04.2019-cu ildə odun yanacağına 100 975 manat məbləğində müqavilə “Qarabulaq”MMC ilə, 16.05.2018 dəftərxana ləvazimatları 103 064.15 manat məbləğində müqavilə “Qarabulaq” MMC ilə,16.05.2018 tədbirlərin keçirilməsi işləri 64263 manat məbləğində müqavilə “Qarabulaq”MMC ilə bağlanılıb.Maraqlıdır,hər il odun yanacağına yüz min pul ayıran Şəki Regional Mədəniyyət İdarəsi 2020-ci ildə nə üçün eyni məqsədlə pul ayırmır? Bəlkə idarə mətbuatın gündəminə gəlməmək üçün odun yanacağı üzrə bağlanılmış satınalma müqaviləsi barədə məlumatı dövlət sanalmalarının rəsmi internet saytında yerləşdirmədən həyata keçirib?Necə olur ki,hər il yüz min pul ayrılırdı,indi yox. İndi Şəkidə qış deyil,qar yağmayıb,mədəniyyət evləri isidilmir? Bəlkə bir il içində regionun bütün kəndləri,mədəniyyət obyektləri,kitabxanalar qazlaşdırılıb? Xeyr,hər şey elə köhnə qaydasındadır.Regionda mədəniyyət evlərinin. kitabxanaların qapıları həmişə olduğu kimi,yenə də aylarla açılmır.Odun lazım olanda da həyət bacadan yığmağa nə var.Sadəcə bu il mənimsəməyə imkan verilmədi.

Bunlardan əlavə Şəki Regional Mədəniyyət İdarəsinin ötən illərdə ən çox vəsit ayırdığı,böyük işlər gördüyü,”otkat” götürdüyü şirkətlərdən ikisinin üzərində dayanmaq istərdik.Bunlar “Qarabulaq” və “Səhər-I” Məhdud Məsuliyyətli Cəmiyyətləridir.

Qeyd edək ki, kommersiya qurumunun hüquqi şəxslərin dövlət reyestrinə daxil edilmiş məlumatlarına görə “Qarabulaq”MMC 18.02.2014-cü il tarixində 13 saylı Ərazi Vergilər İdarəsində dövlət qeydiyyatına alınıb.Hüquqi ünvanı QAX RAYONU, ƏMİRCAN qəsəbəsi göstərilən MMC-nin nizamnamə kapitalı 10 manat,qanuni təmsilçisi isə YUNUSOV ŞAHİN ŞAMİL OĞLUdur.

Kommersiya qurumunun hüquqi şəxslərin dövlət reyestrinə daxil edilmiş məlumatlarına görə “SƏHƏR-I” MMC 26.01.2015-ci il tarixində 11 saylı Ərazi Vergilər İdarəsində dövlət qeydiyyatına alınıb.Hüquqi ünvanı ŞƏKİ RAYONU, ŞƏKİ ŞƏHƏRİ, BAĞBANLAR, ev 59A, m. 34 olan MMC-nin nizamnamə kapitalı 10 manat,qanuni təmsilçisinin isə YUNUSOVA İLAHƏ SƏHƏR QIZI oldugu göstərilir.

Sahibkar Yunusova İlahə Səhər qızı (VÖEN 3001713252) 11.10.2019 mətbəə xərcləri üzrə 21 206.15 manat, 17.12.2019 komputerlərin formatlanması üzrə 6360 manat dəyərində satınalmalarda fiziki şəxs kimi qalib olub.

Məlumatlardan da görsəndiyi kimi MMC-lərin hərəsi bir rayonda qeydiyyatdan keçmiş,hüquqi ünvanları isə ayrı-ayrı yerlər göstərilmişdir.LakinMərkəzi Seçki Komissiyasyasının seçicilərin adbaad siyahısında hər iki qanuni təmsilçinin, 1964 cü il təvəlludlu Yunusov Şahin Şamil oğlu və 1981-ci il təvəllüdlü Yunusova İlahə Səhər qızının Şəki şəhəri BAĞBANLAR, ev 59A ünvanında daimi qeydiyyatda olduğu göstərilib.

Bunlar Mədəniyyət nazirinin səlahiyyətlərini həyata keçirən Anar Kərimovun ağlına gələrmi? Amma Şəki Regional Mədəniyyət İdarəsinin müdiri Mirvari Zeynalovanın ağlına da gəlib,başına da.Hələ araşdırılsa Mirvari Zeynalovanın bu kimi daha nə qədər gizli işləri üzə çıxa bilər.Adlarını şəkmək istəmədiyimiz MMC var ki, bir müdir kimi Mirvari Zeynalova həmin şirkətlə həm odun yanacağının alınmasına,həm dəftərxana ləvazimatlarının alınmasına,həm tədbirlərin keçirilməsində qoğal,paxlava bişirməyə,həm də təmir-tikinti işlərinin aparılması üçün vəsaitlər ayırıb, müqavilələr bağlayıb.Bunların da hesabının sorulması zamanı deyilmi?

Oxşar xəbərlər

Mədəniyyət Nazirliyində yeni islahatlar başlayır
Anar Kərimov onu direktor müavini TƏYİN ETDİ
Mədəniyyət Nazirliyinin Aparat rəhbəri işdən çıxarıldı
Mədəniyyət nazirinin müşaviri və 2 şöbə müdiri işdən çıxarılıb
Anar Kərimov 2 əsas şöbəyə müdir TƏYİN ETDİ
DTX-nin saxladığı rəis bu şəxslərə şərt qoyubmuş - FOTO
Əbülfəs Qarayevin işlədiyi dövr yoxlanılır
Mədəniyyət Nazirliyində işdən çıxarılanlar və vəzifəyə təyin olunanlar
Adı korrupsiya qalmaqalında keçən İdarə rəisi haqqında tədbir görüləcəkmi? - Foto
Anar Kərimov sabiq Baş prokurorun qardaşını işdən çıxardı
Kürdəmirin mədəniyyət "ŞEFİ" hər ay 9500 manat verirmiş? - İTTİHAM
"Beynəlxalq və yerli ekspertlər Şuşanın tarixi mərkəzinə səfər edəcək" - Anar Kərimov
Anar Kərimov da BACARMADI... - İLGİNC FAKTLAR
Mədəniyyətə ayrılan büdcə pulları ŞƏKİDƏ BELƏ YEYİLİB - FAKTLAR
Əbülfəs Qarayevdən sonra növbə ONUNDUR? - İDDİA
Nazir əvəzi sabiq bələdiyyə sədrinin qızını işdən çıxardı - FOTO
Mədəniyyət Nazirliyində yeni təyinat olub
Anar Kərimov incəsənət xadimləri ilə videogörüş keçirdi
DTX Əbülfəs Qarayevin müavinini saxladı - FOTO
Mədəniyyət Nazirliyində yeni TƏYİNAT
Bakı şəhər Mədəniyyət Baş İdarəsi iki şübhəli tender keçirdi - FOTO
Əbülfəs Qarayev nazir vəzifəsindən azad edildi - SƏRƏNCAM
“Çox layiqsiz adama fəxri ad veriblər“ - Rasim Balayev
MM-in Mədəniyyət komitəsində dinləmələr keçiriləcək
Ekologiya nazirliyini “ESE”MMC ilə başqa nələr bağlayır?
Bakı humanitar kollecində ÖZBAŞINALIQ - İDDİA
Cahangir Novruzova “Xalq artisti” fəxri adı təqdim olundu
DTX-nın həbs etdiyi rəisi o əvəzlədi - Nazirlikdə yeni təyinat (FOTO)
Burda şikayətlər elə bil boş quyuya atılır... - GİLEY
“Xalq artisti”, “Əməkdar artist” lüt soyunub ekrana çıxır”