"Gələn il pensiyalar 9,3 faiz artırılacaq”.
Bunu parlamentin bu gün keçirilən plenar iclasında büdcə müzakirələri zamanı çıxış edən Milli Məclisin Əmək və sosial siyasət komitəsinin sədri Musa Quliyev “Dövlət Sosial Müdafiə Fondunun 2021-ci il büdcəsi haqqında” qanun layihəsini təqdim edərkən deyib.

Komitə sədri orta aylıq pensiyaların məbləğinin 338 manata yüksələcəyini də anons edib:
“Yaşa görə pensiyaların orta aylıq məbləğinin isə 370 manata çatacağı gözlənilir. Həmçinin müavinətlərdə də xeyli artımlar planlaşdırılır”.