İki gün öncə Moskvada konsert verdiyi üçün qınanan Şəbnəm Tovuzlu tənqidlərə cavab verib.
Yenisabah.az xəbər verir ki, sosial şəbəkədə yeni il fotosessiyasını paylaşan ifaçı bu tip fikirləri vecinə almadığını bildirib:
“Dedim axı mən ağıllı xanımam. Uğraşmayın mənimlə. Sizin kimi qıraqdan vızıldayanlar çoxdur. Acından nəfəsləri qoxanlar, dincəlin, başınız özünüzə qarışsın. Mənim üçün dəxilsizsiniz. Şəhidləri bəhanə edib, zəhərinizi tökürsünüz. Qınamıram, bəzi bədbəxtləri. Gözünüz çıxsın, nə deyim?  
Bəli, mən öz xalqımın gücünü bir daha buradakı düşmənlərimizə göstərdim ki, baxın, nə etsəniz də biz yenə güclü xalq olaraq ayaqdayıq. Və qələbə bizimdir. Qarabağ Azərbaycandır. Boş yazıb danışanlara Allahdan ağıl, sonra da səbr diləyirəm”.
Qeyd edək ki, Şəbnəm Tovuzlunun Moskvada konsert verməsi Vətən müharibəsi uğrunda həlak olmuş şəhidlərin ruhuna hörmətsizlik kimi qələmə verilərək, ictimaiyyətdə qınaqla qarşılanıb.