Bu gün şəhid general-mayor Polad Həşimovun doğum günüdür
2-01-2021, 09:37
399

Bu gün şəhid general-mayor Polad Həşimovun doğum günüdür

“Əsgərlər çox nadir hallarda öz komandirlərini yadda saxlayırlar, o da çox nadir komandirlərdən idi”.
Bu sözləri bir əsgəri şəhid general-mayor, Milli Qəhrəman Polad Həşimov haqqında demişdi.
Bu gün Milli Qəhrəmanın doğum günüdür.
1975-ci il, yanvar ayının 2-də Qəbələ rayonunun Vəndam qəsəbəsində anadan olan Polad Həşimov orta təhsilini ailəsi ilə birlikdə köçdüyü Sumqayıtda alıb.
O, Heydər Əliyev adına Ali Hərbi Məktəbi bitirib və ordu sıralarında xidmətə başlayıb.
Polad Həşimov 2003-cü ildə mayor rütbəsində olarkən Ulu Öndər Heydər Əliyevin Sərəncamı ilə “Hərbi xidmətlərə görə” medalı ilə təltif edilib. 6 il sonra, 2009-cu ildə isə o, artıq polkovnik-leytenant rütbəsi ilə Prezident İlham Əliyevin Sərəncamı ilə “Vətən uğrunda” medalı ilə təltif olunur.
2014-cü il iyunun 25-də III dərəcəli “Vətənə xidmətə görə” ordeni ilə təltif edilən Polad Həşimov, 2016-cı ilin Aprel döyüşlərində göstərdiyi şücaətə görə 2-ci dərəcəli “Vətənə xidmətə görə” ordeni ilə mükafatlandırılır.
Həşimov, 2016-cı ilin 2-4 aprelində cəbhə boyu baş verən döyüşlər zamanı Talış qəsəbəsi uğrunda gedən döyüşləri aparan 1-ci Ordu Korpusunun Qərargah rəisi olub və döyüş vaxtı yaralanıb.
2019-cu il iyunun 25-də Polad Həşimova general-mayor ali hərbi rütbəsi verilir. Həşimov daha sonra Azərbaycan Silahlı Qüvvələrinin 3-cü Ordu Korpusunun Qərargah rəisi təyin olunur. General-mayor 2020-ci il iyulun 14-də Tovuz istiqamətində baş verən şiddətli döyüşlər zamanı Ermənistan Silahlı Qüvvələrinin hücum cəhdinin qarşısını alarkən qəhrəmancasına şəhid olur. Bununla da, Polad Həşimov İsmət Qayıbov və Məhəmməd Əsədovdan sonra, 1988-ci ildən etibarən başlayan Qarabağ müharibəsində şəhid olan üçüncü Azərbaycan generalı oldu.
İyulun 14-də general-mayor Polad Həşimovun nəşi əvvəlcə doğulduğu Qəbələ rayonunun Vəndam qəsəbəsinə, sonra isə yaşadığı Sumqayıt şəhərinə gətirildi. General iyulun 15-də II Fəxri Xiyabanda, polkovnik İlqar Mirzəyev ilə yanaşı dəfn olundu.
Vida mərasimində müdafiə naziri Zakir Həsənov, müdafiə nazirinin müavini Ramiz Tahirov, Prezident Administrasiyasının Hərbi məsələlər şöbəsinin müdir müavini Yaşar Əliyev, Bakı Şəhər İcra Hakimiyyətinin başçısı Eldar Əzizov iştirak edib.
Ona 9 dekabr 2020-ci il tarixində Prezident İlham Əliyevin sərəncamı ilə Milli Qəhrəman adı verildi.

Oxşar xəbərlər

Prezident Kənan Seyidova general-mayor ali hərbi rütbəsi verdi
Polad Həşimovun anası Prezidentə təşəkkür etdi - Video
Müharibə iştirakçıları bu medallarla da təltif ediləcək - SİYAHI
Kamil Zeynallı Polad Həşimovun övladları ilə birgə: Qınayacaqlar ki, niyə gülürsünüz? - FOTO
Prezidentin təltif etdiyi generallar kimlərdir? - FOTO
Daha bir küçəyə Polad Həşimovun adı verildi - FOTOLAR
Polad Həşimovun "sən mənim səngərdə böyüyən zabitimsən" dediyi şəhid - VİDEO
Sağ qalan Milli Qəhrəmanlar kimlərdir? - SİYAHI, FOTO
Cəbrayılın azad olunmasında iştirak edən generallar - FOTOLAR
Prezident şəhid generalın və polkovnikin ailələrinə başsağlığı verib
İlham Əliyev Tehran Mənsimovu da təltif etdi
Şuşa fatehi Hikmət Mirzəyev... - FOTO, VİDEO
“Qarabağ” ordenli şəhid polkovnik-leytenant Mehman Şirvanov - VİDEO
Prezidentin təltuf etdiyi general Tofiq Hüseynov KİMDİR?
Prezidentdən İsa Həbibbəyli ilə bağlı SƏRƏNCAM
Hərbi qulluqçular bu medallarla da təltif olunacaqlar - SİYAHI
5 yaşında çıxdığı Cəbrayılı 30 il sonra azad edən igid - VİDEO
“Milli Qəhrəman” adı verilənlərə Prezidentin aylıq təqaüdü təyin edildi
General Polad Həşimov Rusiyanın sayəsində vurulub – Bir şəhadətin gizlinləri
Metronun yeni stansiyasına Polad Həşimovun adı veriləcək? - Rəsmi açıqlama
Prezident şəhid generalın və polkovnikin ailələrinə ev verib
MM Əli Əsədovun Azərbaycanın Baş Naziri təyin edilməsinə razılıq verib
Milli Məclisin İşlər müdiri xəstəxanaya yerləşdirildi - FOTO
Bu gün Hikmət Hacıyevin ad günüdür
Prezident onlara general rütbəsi verdi
“Zirə”nin şəhid futbolçusu medalla təltif olundu
Şəhid olduğu deyilən mayor evinə sağ qayıtdı - Video
General Zaur Məmmədov Rüstəm Muradovla görüşdü
Qızının yuxusunda gülümsəyən şəhidimiz – VİDEO
Xüsusi təyinatlı şəhidin vəsiyyəti: "Zeynəbimi axtararsız" - VİDEO