“Şuşanın baş planının hazırlanmasına başlanılıb” - Samir Nuriyev
7-01-2021, 13:09
173

“Şuşanın baş planının hazırlanmasına başlanılıb” - Samir Nuriyev

“Şuşa şəhərinin ortofoto şəkli çəkilib və topoqrafiya işləri davam etdirilib”.
Bunu Prezident Administrasiyasının rəhbəri Samir Nuriyev Prezident İlham Əliyevin sədrliyi ilə 2020-ci ilin yekunlarına həsr olunmuş videoformatda keçirilən müşavirədə çıxış edərkən deyib.
S.Nuriyev bildirib ki, işğaldan azad edilmiş ərazilərində məsələlərin mərkəzləşdirilmiş qaydada həlli ilə bağlı Əlaqələndirmə Qərargahı yaradılıb:
“Əlaqələndirmə Qərargahı dərhal işə başlayıb. Gündəlik məsələlərin həll edilməsi ilə yanaşı, ortamüddətli planlaşdırma işlərinə də başlanılıb. İlk növbədə, qərargahın üzvləri toplaşaraq aidiyyəti üzrə bütün məsələlərin mərkəzləşdirilməsi məqsədilə müzakirələr aparıblar. Eyni zamanda, işin təşkilini təmin etmək məqsədilə Əlaqələndirmə Qərargahı nəzdində idarələrarası mərkəz yaradılıb. Həmçinin bu mərkəzin nəzdində işçi qrupları yaradılıb.
Möhtərəm cənab Prezident, qeyd etdiyiniz bütün istiqamətlər üzrə 16 işçi qrupu yaradılıb. İlk növbədə, əlbəttə ki, minalardan və partlamamış sursatlardan təmizləmə məsələləri ilə bağlı çox ciddi müzakirələr aparılıb və artıq müəyyən planlar tərtib olunub. Həmçinin sosial, iqtisadi, humanitar, hüquqi və digər məsələlər üzrə işçi qrupları yaradılıb. Ən əsas da şəhərsalma planlaşdırılması, bu çərçivədə tarixi abidələrin qorunması və bərpası məsələlərinə də ciddi yanaşmalar təklif olunur. Eyni zamanda, infrastruktur məsələləri və enerji təminatı üzrə işlər aparılır. Qeyd etmək istəyirəm ki, bu gün qərargahın nəzdində fəaliyyət göstərən işçi qruplarında 55 dövlət qurumunun 160 nümayəndəsi iştirak edir.
Son bir ay ərzində gündəlik məsələlərlə və qəbul olunmuş qərarlarla yanaşı, Strateji Fəaliyyət Planının hazırlanması istiqamətində işlər aparılıb. Artıq bu fəaliyyət planı hazırdır. Həmin planın əsasında tədbirlər planı da hazırlanıb və bütün aidiyyəti qurumlarla razılaşdırılıb. Əlbəttə ki, bütün işçi qruplarının arasında birmənalı olaraq əlaqələr qurulub. Bütün istiqamətlər üzrə daimi olaraq gündəlik əsasda fikir mübadiləsi aparılır, bütün işlər planlı və kompleks yanaşma əsasında həyata keçirilir. Şəhərsalma planlaşdırması ilə bağlı, ilk növbədə, işğaldan azad olunmuş bütün ərazilər üzrə ümumi planın hazırlanması istiqamətində işlərə başlanılıb. Eyni zamanda, artıq işğaldan azad olunmuş ərazilərə yerində baxışlar keçirilir. Bir sıra şəhərlərin yerləşdirilməsi və onların planlaşdırılması ilə bağlı işlərə başlanılıb. Bununla yanaşı, bir sıra beynəlxalq və xarici şirkətlərlə əlaqələr qurulub, danışıqlara başlanılıb. Yerli mütəxəssislərin cəlb olunması təmin edilib.
Cənab Prezident, Sizin Şuşa şəhərinə göndərdiyiniz böyük qrup çərçivəsində şəhərsalma üzrə mütəxəssislər də olub və Şuşa şəhərinin baş planının hazırlanması üzərində işlərə başlanılıb. İlk növbədə, Şuşa şəhərinin ortofoto şəkli çəkilmiş və topoqrafiya işləri davam etdirilib. Eyni zamanda, ərazilərə baxış keçirilərkən orada dəymiş ziyanın qiymətləndirilməsi məsələsinə də diqqət yetirilir. Mövcud vəziyyət dəyərləndirilir və sənədləşdirilir”.

Oxşar xəbərlər

Əliyevdən azad olunan torpaqlarla bağlı mühüm sərəncam – Qərargah yaradıldı
İlham Əliyevin sədrliyi ilə 2020-ci ilin yekunlarına həsr olunmuş müşavirə keçirilib - VİDEO
Prezident İlham Əliyevin sədrliyi ilə 2020-ci ilin yekunlarına həsr olunmuş videoformatda müşavirə keçirilib
Ramiz Mehdiyevin yerinə sədr seçiləcək
Şuşaya ikinci mənbədən içməli su verildi
Şəhid olmuş və xəsarət almış hərbçilərin sığorta ödənişilə təmin olunma qaydası AÇIQLANDI
Azad olumuş ərazilərin qazlaşdırılmasına başlanıldı
Prezidentdən yeni mərkəzin yaradılması ilə bağlı FƏRMAN
Füzuli şəhərinin ərazisi minalardan təmizlənir - İcra başçısı
Siyavuş Novruzov da Tofiq Yaqublunun azad edilməsini istəyir
"Beynəlxalq və yerli ekspertlər Şuşanın tarixi mərkəzinə səfər edəcək" - Anar Kərimov
“Bu mübarizə Qarabağ işğaldan tam azad olunana qədər davam edəcək” - Ərdoğan
FHN Suqovuşan su anbarını mühafizəyə götürdü
İlham Əliyev nazirləri topladı: Yeni tapşırıqlar
Mehdiyev daha bir vəzifəsini itirdi - RƏSMİ
Deputatları cəzalandıran komissiya toplanır
Prezidentin Şuşa ilə bağlı tapşırığı…
Ermənistanın talançılığı ilə bağlı istintaq qrupu yaradılıb
Erməni yalanlarına qarşı yeni sayt yaradıldı
"Vaxtilə zibilxana olmuş yer indi gözəl bir poliqona çevrilib" - Prezident İlham Əliyev
Tbilisidə Şuşanın azad edilməsi qeyd olunub
Neçə icra başçısının başı ağrıyacaq
Çingiz Əsgərova yeni vəzifə verildi
Azərbaycanda baş prokuror kürəkənini işdən çıxardı
Azərbaycanda rəqəmsal məşğulluq xəritəsi yaradılır - RƏSMİ
"Şuşa şəhərinin adı “Şuşi” deyil, Şuşadır" - PA rəsmisi Fransaya XİTAB ETDİ
Xocavənd polis şöbəsi Hadrutda yerləşdirildi
Xankəndində qurumlararası humanitar mərkəz fəaliyyətə başladı
“Suqovuşan su anbarı mühafizəyə götürülüb” – Kəmaləddin Heydərov
Prezident: “İşğaldan azad edilən bütün bölgələrdə təftiş aparılacaq”