Xəzəri zəbt edən milyonçuların hasarları sökülür
8-01-2021, 09:57
86

Xəzəri zəbt edən milyonçuların hasarları sökülür

Türkandakı torpaq mafiyası ilə əlaqədar aparılan istintaqa daha bir neçə tanınmış iş adamının adı qarışıb.
Bakının Türkan qəsəbəsində 81 yaşlı Əzizəxanım Atayevanın və 91 yaşlı Xumara Şabanovanın bağ torpaq sahələrinin saxtakarlıqla ələ keçirilməsinin araşdırılması davam edir.
“Yeni Müsavat”a daxil olan məlumata görə, artıq Türkan qəsəbəsinin dənizkənarı hissəsində saxta sənədlərlə zəbt olunmuş torpaq sahələrinin daş hasarlarının bir hissəsi sökülüb. Yeri sakinlərin “Türkan bulvarı” adlandırdıqları ərazinin əhatələndiyi daş hasarları yeni icra nümayəndəliyinin göstərişi əsasında sökülməsi haqda xəbərlər var.
2020-ci ilin əvvəlində Əzizəxanım Atayevaya və Xumara Şabanovaya bağ torpaq sahələrinin saxtakarlıqla ələ keçirilməsi məlum olub. Bundan sonrakı araşdırmalarla üzə çıxıb ki, ahıl qadınların torpaq sahələri  sabiq deputat Zeynəb Xanlarovanın bacısı oğlu Daşqın Nəsirov tərəfindən satılıb.

Xumara Şabanova “Yeni Müsavat”a deyib ki, torpaq sahələrinin daş hasarlarının sökülməsindən xəbərsizdir. O, istintaqın davam etdiyini bildirib. Deyib ki, onlara məxsus bağ torpaq sahəsinin ələ keçirilməsi və satılması üçün böyük bir cinayət sxemi işə salınıb. Xumara Şabanova sağ ikən onun adına ölüm kağızı alınıb. Rəsmi sənədlərdə övladlarının sayı gizlədilməklə cəmi 1 övladı olması göstərilib. Ardından isə həmin övladından işə düzəltmək adı ilə baş etibarnamə alınıb. Övladını əmin ediblər ki, Çingiz Səfərovun adına baş etibarnamə verdikdən sonra onu tez bir zamanda işə düzəldəcəklər. Əslində isə Şabanovanın ölüm kağızı əlavə edilməklə, övladının onun yeganə varisi olması göstərilməklə və Çingiz Səfərovun adına verilmiş baş etibarnamədən istifadə etməklə Şabanovanın sərəncamında olan bağ torpaq sahəsi ələ keçirilərək satılıb. Məsələnin üstü açılandan sonra əvvəlcə Xəzər Rayon Prokurorluğunda cinayət işi başlanıb, ardından iş materialları Bakı Şəhər Prokurorluğuna göndərilib. İstintaq zamanı cinayətin qrup şəklində törədilməsi və Əzizəxanım Atayeva və Xumara Şabanovadan savayı ona yaxın Türkan sakininə qarşı analoji cinayət törədilməsinə dəlalət edən faktlar ortaya çıxıb. Bundan sonra iş materialları Baş Prokurorluğun Ağır Cinayətlərin İstintaqı İdarəsinə göndərilib.

“Yeni Müsavat”a daxil olan məlumata görə, hazırda Türkandakı torpaq mafiyası ilə əlaqədar aparılan istintaqa Xəzər rayonunun sabiq başçısı, hazırda Ağdam icra hakimiyyətinin başçısı olan Vaqif Həsənovun da adı qarışıb. Bildirilir ki, o, Türkan qəsəbə sakini Ağasadıq Vəlibəyovun bağ torpaq sahəsini saxta sənədlərlə ölkədə tanınan iş adamları olan qardaşlara satıb. Həmin qardaşların kimliyini də öyrənmişik. Məlum olub ki, Ağasadıq Vəlibəyova məxsus torpaq saxtakarlıqla ələ keçirilərək Bibiqulu və Bahadır Qasımov qardaşlarına satılıb. Qasımovlar da saxtakarlıqla ələ keçirilmiş torpaq sahələrinin digər alıcıları kimi Azərbaycanda və ölkədən çox uzaqlarda tanınan şəxslərdir. Onların dünyanın 50-dən çox ölkəsində kontoralarının olması və həmin kontoralar üzərindən böyük maliyyə vəsaitlərinin axması haqda məlumatlar var.

Yaqub Hüseynov
Qeyd edək ki, Atayeva və Şabanovanın torpaq sahələrini satın alan Yaqub Hüseynov da Azərbaycanda tanınan iş adamıdır. Türkan qəsəbəsinin qeyd olunan hissəsində torpaq sahələrinin imkanlı iş adamlarını maqnit kimi çəkməsinin səbəbi ərazinin Xəzər sahilində olması və bilavasitə ləpədöyənə dirənməsindən qaynaqlanır. Ərazidə restoran və istirahət mərkəzinin, hotellərin tikilməsi üçün ideal şərait var.
Odur ki, həmin torpaqların alınması üçün iş adamları böyük pullar ödəməkdən çəkinmirlər. Bu zaman torpaq sahələrinin əsl sahiblərini axtarmağı isə unudurlar. Qasımov qardaşlarının da, “Bridge Plaza” sahibi Yaqub Hüseynovun da diqqətdən qaçırdığı, eyni zamanda ən əsas məqam da budur. Bu gün Türkan bulvarı adlanan ərazidə daha 6-7 oxşar cinayətin olması haqda məlumatlar var.
Baş Prokurorluğun mətbuat xidmətindən verilən məlumata görə, Türkan qəsəbəsi sakinləri Xumara Şabanova və Əzizəxanım Atayevaya məxsus torpaq sahələrinin saxta sənədlər hazırlanmaqla ələ keçirilməsi faktına görə Cinayət Məcəlləsinin 178.3.2 (dələduzluq yolu ilə özgə əmlakını külli miqdarda ələ keçirmə), 320.2 (rəsmi sənədləri, möhürləri, ştampları, blankları saxtalaşdırma, qanunsuz hazırlama və ya istifadə etmə) 308.2 (vəzifə səlahiyyətlərindən sui-istifadə) və 313-cü (vəzifə saxtakarlığı)  maddələri ilə cinayət işi başlanıb.
Hazırda iş üzrə təqsirləndirilən şəxslərin dairəsinin tam müəyyənləşdirilməsi istiqamətində kompleks istintaq-əməliyyat tədbirləri davam etdirilir.
İstintaq getdiyi zaman hasarların sökülməsi prosesin dönməz xarakter almasından xəbər verir. Belə məlumatlar var ki, “Türkan bulvarı” ərazisində yerləşən digər torpaq sahələri də zəbt olunaraq saxta sənədlərlə satılıb.

Oxşar xəbərlər

Zeynəb Xanlarovanın bacısı oğlu HƏBS EDİLDİ
Zeynəb Xanlarovanın bacısı oğlu ələ keçirildi - Polisdən əməliyyat
Sağ olan ahıl qadınlar barədə ölüm kağızı verilməsi ilə bağlı rəsmi açıqlama
Xalq artistinin istintaqdan gizlənən bacısı oğlu tutuldu
Türkandakı böyük cinayətə Zeynəb Xanlarovanın bacısı oğlunun adı qarışıb - sensasion gəlişmə
Baş Prokurorluq: Saxta ölüm sənədi hazırlayan şəxslərə cinayət işi açılıb
Zeynəb Xanlarovanın bacısı oğlu haqda rəsmi açıqlama: “Qadınları aldadaraq...”
Axtarışda olan qohumu Zeynəb Xanlarovanın evində gizlənir – Sensasion iddia
Türkanda 2 ahıl qadını kimlər necə “öldürdü” - yeni adlar
Türkanda 2 ahıl qadını "öldürüb" torpaqlarını ələ keçirdilər - dəhşətli cinayətin izi ilə...
Bakıda 65 milyona torpaq sahəsi satılır
Məcburi köçünlərin torpaq bölgüsü bu cür aparılacaq
Buzovnada torpaq sahəsinin zəbt olunması ilə bağlı DİN-dən AÇIQLAMA
Dilqəm Əsgərovun oğlu DTX-ya şikayət etdi
İmişlidə ÖZBAŞINALIQ... - "...mən öz haqqımı sonuna qədər tələb edəcəm"
İcra başçısının qanunsuz göstərişi qalmaqala SƏBƏB OLDU
“AzərGold” vətəndaşın torpağına göz dikib... - NARAZILIQ...
2021-ci ilin dəbdə olacaq rəngi elan edildi
Novruz Novruzov çətin durumda: - Şabrandakı fəaliyyəti yoxlanılır
"Şəhid ailələri və qazilərə azad edilmiş ərazilərdə torpaq verilməlidir" - deputat
Erməni işğalından azad olunan ərazilərə ilk kimlər köçürüləcək? - AÇIQLAMA
Hacı Qaliblə vətəndaşın 20 sot torpaq davası - BŞİH problemə əl qoydu
İlham Əliyev Qusarla bağlı SƏRƏNCAM
Deputat bələdiyyə sədrləriylə bağlı sərt tədbirlərə çağırdı: “Torpaq qalmayıb, hamısını satıblar”
"Torpaq sahəsini Mərdan Camalovun sifarişi ilə əlimdən aldılar" - Şəhid atasından ŞİKAYƏT
Göygöl rayonunda torpaq dəllallığı - Qarabağ qazilərinə niyə torpaq verilməyib?
Vidadi  Zeynalovun yenidən  həbsi  gözlənilir
Prezidentdən 62 916 nəfəri sevindirəcək SƏRƏNCAM
Ronaldo 8 milyon avroya torpaq sahəsi alıb
Prezident 700 min ayırdı