Şamaxıda şübhəli tender: 5 manat kapitalı olan şirkət nə ilə yol çəkir?
16-01-2021, 15:30
71

Şamaxıda şübhəli tender: 5 manat kapitalı olan şirkət nə ilə yol çəkir?

2020-ci ilin oktyabr ayının 9-da yekun vurulan tender iki lotdan ibarət olub. “Şamaxı şəhər təsərrüfatına lazım olan elektrik avadanlıqlarının satın alınması” lotu üzrə keçirilən tenderin məbləği 108.110 manat, qalibi “KONGRAT LTD” Məhdud Məsuliyyətli Cəmiyyəti (MMC), “Şəhər küçələrinin cari təmiri” lotu üzrə sifariş olunan satınalmanın məbləği 149.816 manat, qalibi isə “TƏMIR-TIKINTI21” MMC olub.
Qlobal.az-ın əldə etdiyi məlumata görə Şamaxı rayon İcra Hakimiyyəti başçısının Şamaxı şəhər Nümayəndəliyinin “Şamaxı şəhər təsərrüfatına lazım olan elektrik avadanlıqlarının satın alınması” lotu üzrə sifarişçi olduğu tenderdə 28 adda mal-materialın alınması əks olunub. Məsələn, Nümayəndəliyin sifarişçi olduğu sözügedən satınalmaya görə 500 ədəd 150 vatlıq saxsı patron, 700 ədəd 500 vatlıq saxsı patron, 2000 ədəd lampa silindr, 2000 ədəd 105 vatlıq sarı lampa, 1500 metr 4×16 mis kabel, 2000 metr 2×2.5 kabel, 800 metr 4×4 mis kabel, 800 ədəd 250 w lampa, 800 ədəd 400 w drossel, 800 ədəd kondesator 400 w, 2000 metr kabel 4×4, ağ, qırmızı, yaşıl, sarı və göy rənglərdə 50×50 3 w ölçüsündə ümumilikdə 8000 metr (hər biri 1600 metr), 200 ədəd yer üstü spot 3 vat alınması nəzərdə tutulub.
Müqavilədə həmçinin, 400 ədəd zajim, 600 ədəd izolent və 50 ədəd 1 metrlik yerüstü spotun alınması da qeyd edilib.
Satınalma üzrə sifariş olunan mal-materialların hansı ölkənin məhsulu olması və keyfiyyət göstəriciləri müqavilədə əks olunmayıb.
Tenderin qalibi elan edilən şirkətin – 2019-cu ildə dövlət reyestrində qeydiyyata alınan, nizamnamə kapitalı 10 manat olan “KONGRAT LTD” MMC-nin Satınalmalar Haqqında Azərbaycan Respublikasının Qanuna uyğun olaraq hansı lisenziya və sertifikata sahib olması barədə heç bir informasiyaya rast gəlinmir.
Şamaxı rayon İcra Hakimiyyəti başçısının Şamaxı şəhər Nümayəndəliyinin sifarişçi olduğu digər satınalmada da kifayət qədər ziddiyətli məqamlara rast gəlinir. Belə ki, “Şəhər küçələrinin cari təmiri” lotu üzrə sifariş olunan tenderdə Şamaxı şəhərinin səkkiz adda küçəsinə çınqıl örtüyünün yayılması nəzərdə tutulub. Bu küçə və meydançalara salınacaq yeni örtüyün həcmi ümumilikdə 24.460 m(2) (kvadratmetr) təşkil edir.
Göstərilən küçələrdə və meydançalarda 8 və 12 sm qalınlığında salınacaq 24.460 m(2) çınqıl örtüyü 2400-2500 m(3) həcmində çınqıl məhsulu edir.
Burada qəribə olan odur ki, Şamaxı şəhərinin 8 küçəsinə 2400-2500 kub həcmində çınqıl daşıyıb yayacaq şirkətin hansı maddi-texniki bazası haqqında heç bir informasiyanın olmamasıdır.
Maraqlıdır ki, Şamaxı rayon İcra Hakimiyyəti başçısının Şamaxı şəhər Nümayəndəliyinin sifarişçi olduğu bu satınalmada qalib elan edilən “TƏMIR-TIKINTI21” MMC də digər qalib elan edilən şirkət kimi 2019-cu ildə dövlət qeydiyyatına alınıb. Bu şirkətin də yol infrastrukturu kimi ciddi layihə həyata keçirən şirkətlərdə olduğu kimi hansı lisenziyalara sahib olması barədə məlumatlara rast gəlinmir. Əksinə, şirkətin maddi-texniki bazası, müqaviləli işçi sayı, mühəndis heyəti barədə məlumatların olmaması ilə yanaşı, nizamnamə kapitalı 5 manat təşkil edir. Beş manat nizamnamə kapitalı olan bir şirkətin hansı meyarlara, göstəricilərə əsasən Şamaxı şəhər İcra Hakimiyyətinin başçısının Şəhər Nümayəndəliyinin “Şəhər küçələrinin cari təmiri” lotu üzrə sifariş etdiyi 149.816 manatlıq tenderin qalibi elan edilməsi ortaya xeyli sayda suallar çıxarır.
Bununla bağlı Şamaxı rayon İcra Hakimiyyətindən Qlobal.az saytının elektron poçtuna daxil olan məktubda deyilir: “Bildiririk ki, Şamaxı Rayon İcra Hakimiyyəti başçısının Şamaxı şəhər inzibati ərazi dairəsi üzrə nümayəndəliyi tərəfindən bütün satınalmalar “Dövlət satınalmaları haqqında” Azərbaycan Respublikası Qanununun tələblərinə uyğun olaraq həyata keçirilmişdir. Tenderlər elektron qaydada aparılır və bu sahə müvafiq dövlət qurumlarının tam nəzarətindədir”.

Oxşar xəbərlər

İcra Hakimiyyətindən 5 manat kapitalı olan şirkətin yol çəkməsinə ikibaşlı münasibət: "Bu sahə müvafiq dövlət qurumlarının nəzarətindədir"
"Azərxalça" ASC-nin tender "ilməsi" - 110 min manat nəyə xərclənib?
Xaçmazda bulanıq tenderlər... - İLGİNC FAKTLAR
İcra Hakimiyyəti milyon manata yaxın tenderləri eyni şəxsin şirkətlərinə verib
BNA "sevimli" şirkətinə 500 min manatlıq tender verdi
FHN Akademiyasında fövqəl tender! - dəftər-qələmə 4 milyon manat xərcləyəcək
“ƏRDAĞI” MMC daha bir tenderin qalibi oldu - 10 manatlıq şirkətin milyonluq tenderləri ...
Şamaxıda şirkətdən oğurluq edən şəxs saxlanıldı
Meliorasiya İdarəsindən inanılmaz tender maxinasiyası: - 1 gündə 3 tender
1 milyon borcu olan MMC-yə 2.7 milyonluq tender verilib - Sensasion faktlar
İcra hakimiyyəti "1 manatlıq" şirkətə milyonluq tenderlər verir - İcazə verin, şübhələnək...
Yevlaxda dövlət tenderlərini KİMLƏR UDUR? - İLGİNC SİYAHI
Sabirabadda dövlət tenderlərini KİMLƏR UDUR? - SİYAHI
Gəncənin icra başçısı ilə bağlı ŞOK İDDİA... - Həbs olunacağı deyilir...
Şair Alxasov Qusar rayonunda qubalı bacılarla nə kimi işbirliyi görür?
Eldar Əzizov paytaxtın bağ təsərrüfatından il ərzində nə qədər qazanır?
Ağstafa icra hakimiyyətinin şübhəli ortaqları... - Yeni başçı da köhnə başının yolu ilə gedir...
Qobustanın icra başçısı büdcə pullarını kimə ötürür... - İLGİNC
Naftalan icra hakimiyyətinin öz balaca dünyası var... - İLGİNC
Tərtərdə tenderləri kimlər udur? - SİYAHI
Abşeronda qanunsuz tender – Vergi borcu olan şirkətlə milyonluq müqavilə bağlanıb
Şair Alxasovun ŞÜBHƏLİ TENDER ORTAQLARI - İLGİNC
Ucarda tenderləri kimlər udur? - İLGİNC FAKTLAR
Qazaxda tenderlərin "çempionu" yenə qalib çıxdı - "AZƏRTRANSS" MMC-nin Qazaxda milyonluq tenderləri ...
Alimpaşa Məmmədov hələ də öz ampulasındadır - İTTİHAM
Ağstafada başçı həbs olundu, tender işi dəyişmədi - Eyni şirkətlər bütün rayonlarda qalib elan olunur
"Bandotdel" əməliyyat keçirdi - SAXLANILANLAR VAR
Atasına qızıldan heykəl qoyduran başçının şübhəli tender ortaqları - İLGİNC
Şəmkirin başçısı bu təfəkkürlə düzələsi deyil...
Qazaxda dövlət tenderlərini KİMLƏR UDUR? – Qaranlıq "Azərtranss" MMC "sevgisi" SİYAHI, MƏBLƏĞLƏR