Vüqar Səfərli həbs olundu, bəs Vüqar Behbudov? - Əgər belə davam edərsə...
18-01-2021, 11:12
94

Vüqar Səfərli həbs olundu, bəs Vüqar Behbudov? - Əgər belə davam edərsə...

 "Kütləvi İnformasiya Vasitələrinə (KİV) Dövlət Dəstəyi Fondunun icraçı direktoru Vüqar Səfərlinin büdcə vəsaitlərinin mənimsənilməsi, özəlliklə jurnalistlərin mənzil təminatında yol verdiyi ciddi maliyyə pozuntuları, qanunsuzluqlarla bağlı həbs edilməsi digər dövlət fondlarından şəxsi mənafeyi naminə yararlananlara da təsirsiz ötüşməyəcək". Bu barədə DİA.AZ-a tanınmış jurnalist, Qarabağ əlili Məğrur Bədəlsoyun göndərdiyi məqalədə deyilir.

Məqalə müəllifi daha sonra yazır: "ƏƏSMN yanında Dövlət Sosial Müdafiə Fondunun keçmiş sosial xidmətlər sektorunun müdiri, 2020-ci ilin avqustunda yaradılan Sosial Xidmətlər Agentliyinin idarə heyətinin sədri Vüqar Behbudovun da qazi və şəhid ailələrinə tikilən evlərin qanunsuz, rüşvətlə bölgüsündə misilsiz “xidmətləri” var. Təkcə onu demək yetər ki, son bir ildə Bakı şəhərində heç bir qazi və şəhid ailəsinə mənzil verilməyib. Mənzil təminatına cavabdeh edilən DSMF-in, son 4-5 ayda isə Sosial Xidmətlər Agentliyinin məsul şəxsi Vüqar Behbudov və ƏƏSMN rəhbərliyi bu təminatsızlığı bölgələrdəki fərdi evlərlə pərdələmək yolunu tutub . Halbuki, mənzilsizlikdən əziyyət çəkənlər əsas etibarilə iri şəhərlərdə, paytaxt Bakıda illərdir növbədə duranlardır. Sovet dönəminin saxta pambıq planına uyğun olaraq ildə müəyyən miqdar imtiyazlı şəxsin ölkə üzrə mənzillə təminatının özü saxtalıqdır. Axı, mənzil bölgüsü konkret növbəlilik qaydasında həyata keçirilir ! Prezidentin bununla bağlı 20.06.2014 tarixli 569 saylı Sərəncamı da var. Sözügedən akta görə, 2014-cü ilin yanvarına kimi növbədə duranlar ən geci 2018-ci ildə mənzillə təmin olunmalı idilər. Prezident sərəncamı ilə ƏƏSMN -in üzərinə qoyulan öhdəliklərin son icra müddətindən artıq 3 il keçir, amma hələ də nə sərəncam icra olunub, nə də qazi və şəhid ailələri mənzil yiyələri olub. Özbaşınalıq o həddə çatıb ki, 2 il qabaq Prezidentin sözügedən 569 saylı Sərəncamında 19.01.2019 tarixli dəyişiklik edilərək mənzillə təmin olunmanın müddəti 10 il (?) geriyə -2028-ci ilə çəkilib! (?) . ƏƏSMN rəhbərliyinin Prezident sərəncamıını dəyişmək təşəbbüsü (və təşəxxüsü!) ilə qazi və şəhid ailələrinin Bakıda mənzillərlə təminatı DSM fondunun keçmiş sektor müdiri, Sosial Xidmətlər Agentliyinin hazırkı sədri Vüqar Behbudovun “cibinin mərhəməti”nə qalıb. Sosial Xidmətlər Agentliyinin sədrinin “cibinin qüvvəsi”ndən 5 ildir 1 saylı Bakı İnzibati-İqtisadi Məhkəməsinin (hazırkı Bakı İnzibati Məhkəməsi) dövlətin adından çıxardığı qərarın icrasını da qüvvəyə mindirmir! Bir məmur ki, DÖVLƏTİN 1-Cİ ŞƏXSİNİN, 1-Cİ VİTSE-PREZİDENTİN TAPŞIRIĞINA MƏHƏL QOYMAYA, ONDAN NƏ GÖZLƏMƏK OLAR?

Vüqar Behbudovun yaxalığının orden-medal “gördüyünü” deyə bilmərik, amma Vüqar Səfərlinin yaxasından “Vətənə xidmətə görə” ordeninin asıldığından mətbuat xəbər yayıb. Səfərli jurnalistlərə mənzilləri qanunsuz ayırıb, adaşı Behbudov isə Qarabağ qaziləri və şəhid ailələrinə. 14 aydır Qarabağ qaziləri və şəhid ailələri Bakının Nizami rayonu, Çobanzadə küçəsində tikilən evin korrupsiyaya uyğun bölgüsündən, burada mənzil yiyəsi olanların nazir Sahil Babayevin mərhum atasının “OVİR”dəki keçmiş iş yoldaşları, keçmiş və indiki deputatların olmalarından şikayətlər edirlər, hələ də baxılmır! (?)

Onsuz da, nə qədər uzun olur-olsun, örkən doğanaqdan keçməyə məhkum edilib. Vüqar Behbudov da, gec-tez adaşı Vüqar Səfərli kimi mənzil alverinə görə sorğulanacaq. Onda Səfərli kimi, “mənlik nə iş var” demək də gec olacaq".

İddia olunanlarla bağlı dia.az olaraq bütün maraqlı tərəflərin mövqelərini işıqlandırmağa hazırıq...

Oxşar xəbərlər

Sahil Babayev qazi və şəhid ailələrinə saxta xidməti boynuna alıb - Prezidentdən 15 yanvara kimi vaxt istəyib
Vüqar Səfərli işdən çıxarıldı (SƏRƏNCAM)
Vətən Müharibəsində qazi, şəhid olanlara saxta “mənzil qayğısı”... - İTTİHAM
ƏƏSMN, Nizami RİH və ƏMDX-nın kollektiv mənzil korrupsiyası... - GİLEY
Həbs olunan Vüqar Səfərlinin oğlu Gömrük Komitəsində İŞLƏYİR
Vüqar Behbudov SXA-nı “Saxta Xidmətlər Agentliyi”nə çevirib - İTTİHAM
"Vüqar Səfərli danışsa, mətbuatda olan bu şəxslərin başı ağrıyacaq" - ŞOK AÇIQLAMA
Daha 3 rayonda 19 ev şəhid ailələri və Qarabağ müharibəsi əlillərinə təqdim edilib
Vüqar Səfərli Həsənovu ələ verdi: “Onun tapşırığı ilə…”
Vüqar Səfərli Əli Həsənovu da özü ilə həbsə aparacaq? - İSTİ İZLƏRLƏ...
Yaralı qazimizə ikiotaqlı mənzil verildi
Sahil Babayevin nazirliyində şəhid ailələrinin mənzil problemi ilə kim məşğul olur? - İTTİHAM
Vüqar Səfərli ilə birgə bu şirkətin rəhbəri də HƏBS EDİLDİ
Səfər Mehdiyevlə Vüqar Səfərlinin dostluğu - Oğlu DGK-da vəzifəyə düzəlib, atası da vəzifəyə hazırlaşırdı
Naftalan, Ağstafa, Lerikdə 14 şəhid ailəsi və Qarabağ müharibəsi əlili evlə təmin olunub
Daha 64 şəhid ailəsi və Qarabağ müharibəsi əlili evlə təmin olundu
Jurnalistlərin binasında yoxlama başladı - Vüqar Səfərliyə qarşı cinayət işi açıla bilər
Əli Həsənov da, onun mediası da GEDƏCƏK - Bəs Əhməd İsmayılov NƏ ECƏCƏK?
Şəhid ailələri və Qarabağ müharibəsi əlillərinə ev verildi
Bir qrup şəhid ailəsi və Qarabağ müharibəsi əlilinə fərdi evlər verildi - FOTO
Şəhid ailələri və müharibə əlillərinə evlər verilib
"Jurnalistlər binası”ndakı bəzi mənzillər hazırkı sahiblərindən geri alına bilər” - ŞOK AÇIQLAMA
Şəhid ailələri və Qarabağ müharibəsi əlillərinə ev verildi - FOTOLAR
Şəhid ailələri və müharibə əlillərinə yeni evlər verilib
ƏƏSMN qazi, şəhid ailələrinin sosial hüquqlarını mənimsəyir - GİLEY
“Korrupsioner məmurların əmlakları müsadirə olunmalıdır” - Partiya sədri
Əli Həsənov və əlaltıları həbs edilə bilər
Mərkəzi Bankın sədri Milli Məclisə gəldi - 4 məsələ müzakirə olunur
Vüqar Səfərlini 14 ilədək həbs cəzası gözləyir
“Jurnalistlərin binası” ilə bağlı araşdırma başlandı