Azərbaycanda məhkəmə proseslərinin əksəriyyəti yenidən təxirə salındı
2-05-2020, 20:00
188

Azərbaycanda məhkəmə proseslərinin əksəriyyəti yenidən təxirə salındı

Azərbaycanda xüsusi karantin rejiminin uzadılması ilə əlaqədar Ali Məhkəmə məhkəmə prosesləri ilə bağlı qərar qəbul edib.
Bununla bağlı Ali Məhkəmə məlumat yayıb. 
Məlumatda bildirilir:
“Azərbaycan Respublikasında koronavirus (COVİD-19) infeksiyasının yayılması təhlükəsinin qarşısının alınması ilə əlaqədar Ümumdünya Səhiyyə Təşkilatının tövsiyələrini və Azərbaycan Respublikası Nazirlər Kabineti yanında Operativ Qərargahın 1 may 2020-ci il tarixli Qərarını, habelə Azərbaycan Respublikası Ali Məhkəməsi Plenumunun 6 nömrəli, 23 aprel 2020-ci il tarixli Qərarındakı yanaşmanın davam etdirilməsinin zəruriliyini nəzərə alaraq Azərbaycan Respublikasının məhkəmələrinə işlərə baxılması ilə bağlı aşağıdakılar tövsiyə edilsin:
1. Xüsusi karantin rejiminin müddətinin uzadıldığı 31 may 2020-ci il saat 00:00-dək Bakı, Sumqayıt, Gəncə, Lənkəran şəhərləri və Abşeron rayonunun inzibati ərazisində fəaliyyət göstərən məhkəmələr üzrə:
1.1 Təxirəsalınmaz qaydada baxılmalı olan, yaxud məhkəmə baxışının keçirilməsini tələb etməyən işlər (qətimkan tədbirlərinin seçilməsi, uzadılması, dəyişdirilməsi, ləğvi, inzibati həbs nəzərdə tutulan işlər, zəruri hallarda hökmün və ya məhkəmənin digər yekun qərarının icrası qaydasında müraciətlər, iddianın təmin tədbirlərinin görülməsi, əmr icraatı, kiçik iddialara dair işlər üzrə sadələşdirilmiş icraat, bəzi kateqoriya üzrə xüsusi icraat işləri və sair) istisna olunmaqla, icraatlarında olan digər işlərə baxılması müvəqqəti olaraq təxirə salınsın;
1.2 Azərbaycan Respublikasının İnzibati-Prosessual Məcəlləsinin 16-cı maddəsinin tələbləri nəzərə alınmaqla inzibati məhkəmə icraatı qaydasında baxılan işlərə şifahi məhkəmə baxışı (şifahi dinləmələr) keçirilmədən baxılması imkanlarından istifadəsi davam etdirilsin;
1.3 Azərbaycan Respublikasının Mülki-Prosessual Məcəlləsinin tələbləri nəzərə alınmaqla mülki işlər və kommersiya mübahisələri üzrə məhkəmə icraatının “Elektron məhkəmə” informasiya sistemi vasitəsilə aparılması imkanlarından istifadəsi davam etdirilsin;
1.4 Məhkəməyədək icraat zamanı barələrində həbs qətimkan tədbiri seçilmiş təqsirləndirilən şəxslər haqqında cinayət işləri məhkəmələrin icraatına qəbul edilsin;
1.5 Hakimlərin və məhkəmə aparatı işçilərinin iş rejimi ilə bağlı Nazirlər Kabineti yanında Operativ Qərargahın tövsiyələrindən irəli gələn digər zəruri məsələlər həll olunsun;
1.6 Vətəndaşların qəbulu dayandırıldığından qəbul yalnız telefon, mobil və internet rabitəsi vasitəsi ilə həyata keçirilsin. Fiziki və hüquqi şəxslərə məhkəmələrə ünvanlanmış ərizələrini, o cümlədən apellyasiya və kassasiya şikayətlərini poçt vasitəsilə və ya elektron şəkildə göndərilmələri tövsiyə edilsin.
2. 04 may 2020-ci il saat 00:00-dan etibarən Bakı, Sumqayıt, Gəncə, Lənkəran şəhərləri və Abşeron rayonu istisna olmaqla respublikanın digər rayon və şəhərlərində və Naxçıvan Muxtar Respublikasının inzibati ərazisində fəaliyyət göstərən məhkəmələr üzrə:
2.1 İşlərin qəbulu və baxılması tam şəkildə bərpa olunsun;
2.2 Məhkəmə fəaliyyəti Azərbaycan Respublikası Nazirlər Kabineti yanında Operativ Qərargah tərəfindən müəyyən olunan zəruri sosial davranış və sanitar-epidemioloji qaydalara uyğun həyata keçirilsin;
2.3 Məhkəmə prosesləri zamanı iclas zallarında, habelə inzibati binaların daxilində bir yerdə insanların 10 nəfərdən artıq qruplarda cəmləşməsinin qadağan edildiyi nəzərə alınsın;
2.4 Vətəndaşların məhkəmə binalarında olduqları müddət ərzində qoruyucu masklardan istifadə etmələri, şəxsi gigiyena, tibbi-profilaktik qaydalara, eləcə də sosial məsafəyə riayət etmələri təmin olunsun;
2.5 Məhkəmələrin inzibati binalarında mütəmadi olaraq dezinfeksiya işləri aparılsın və qoruyucu-gigiyenik vasitələrlə təchiz edilsin;
2.6 Vətəndaşların qəbulu zəruri sosial davranış və sanitar-epidemioloji qaydalara əməl etməklə bərpa olunsun”.

Oxşar xəbərlər

Sabahdan məhkəmələrin fəaliyyəti tam bərpa olunur
 Azərbaycanda karantin rejimi yumşaldılır - HANSI QADAĞALAR GÖTÜRÜLDÜ?
AMEA əməkdaşlarının məzuniyyət müddəti uzadıldı
Baş Nazir sərt karantinlə bağlı qərarı təsdiqlədi
Azərbaycanda restoran və “Mall”ların fəaliyyəti bərpa olunur
Azərbaycanda karantin rejimi bu tarixədək UZADILDI - RƏSMİ
Azərbaycanla İran arasında sərhədin bağlanması müddəti uzadıldı
Kafe və restoranlar gecə saat 12-ə qədər işləyəcək
190 manat məbləğində birdəfəlik ödəmənin verilməsi ilə bağlı qərar verilib
Axtarışda olan şəxs karantin postunda saxlanıldı
Azərbaycana giriş-çıxış və yerli hava uçuşları DAYANDIRILDI
Azərbaycanda televiziyalar fasiləsiz işləyəcək
2923 sürücü məsuliyyətə cəlb edilib
Nazirlər Kabineti rəsmisi həyəcan təbili çalır: “Yoluxma yenidən artır”
SMS və icaze.e-gov.az portalı ilə icazə ləğv olunub
Rayonlara giriş-çıxış məhdudlaşdırıldı - DİN-dən AÇIQLAMA
İctimai nəqliyyatın fəaliyyəti ikigünlük dayandırılıb
Daha bir məhdudiyyət aradan qaldırıldı
Bakı, Sumqayıt şəhərləri və Abşeron rayonu ərazisinə giriş-çıxış qaydaları
AFFA Gənclər Liqasının bərpa tarixini açıqladı
Nazirlər Kabineti dərslərin başlaması barədə qərar verdi
Bakı metrosu sabah açılır - RƏSMİ + VİDEO
Gələn ay 6 gün İŞ OLMAYACAQ
Bakı metrosu bu gündən BAĞLANIR
Təhsil Nazirliyi vətəndaş qəbulunu müvəqqəti dayandırdı
Bakı polisindən karantin rejmi ilə bağlı AÇIQLAMA
"KİV də icaze.e-gov.az-da qeydiyyatdan keçməlidir" - İbrahim Məmmədov
Evdən çıxmaq istəyənlərin 29 faizinə rədd cavabı verildi
Azərbaycanda karantin rejiminin yumşaldılması erkən verilmiş qərardır? - RƏSMİ
Bu gecə Bakıda və bir sıra ərazilərdə postlar qurulacaq - DYP