Mərkəzi Bankın 450 milyonluq müəmmalı susqunluğu: - Elman Rüstəmov ictimai narazılığı niyə “görmür?”
18-01-2021, 15:53
103

Mərkəzi Bankın 450 milyonluq müəmmalı susqunluğu: - Elman Rüstəmov ictimai narazılığı niyə “görmür?”

Mərkəzi Banka yeni - 450 milyon manat dəyərində binanın tikintisi ilə bağlı məsələ ictimaiyyətin ciddi narazılığına səbəb olub.

Xatırladaq ki, bu məsələ yanvarın 7-dən – Türkiyə mediasının “Tekfen Holding”-in törəmə şirkəti olan “Tekfen İnşaat”a istinadən yaydığı məlumatdan sonra gündəmdədir. Həmin məlumatda şirkətin Azərbaycan Mərkəzi Bankının inzibati binasının inşasına başlaması ilə əlaqədar rəsmi bildiriş məktubu aldığı və müqavilə danışıqlarına başladığını açıqlanıb. Müqavilənin təxminən 250 milyon dollar olaraq qiymətləndirildiyi bildirilib. Sonradan müqavilənin bağlanması haqda yayılan məlumatda məbləğ 218 milyon avro kimi göstərilib ki, bu da dəyər ifadəsində əvvəlki rəqəmlə müqayisədə daha yüksəkdir.

Xəbərdən dərhal sonra məsələ sosial medianın, onlayn və yazılı mətbuatın, televiziyaların müzakirə mövzusudur. Müxtəlif media qurumlarını təmsil edən jurnalistlər məsələ ilə bağlı Mərkəzi Bankdan açıqlama almağa çalışsalar da, Elman Rüstəmovun rəhbərlik etdiyi qurum israrlı susmağa davam edir. Başqa sözlə, ictimai narazılığı görməzdən gəlir. Əslində isə bunu susqunluq yox, etinasızlıq adlandırmaq daha doğru olar. Narazılıqların səbəbi isə bəllidir – bina tikintisinə 450 milyon manat pandemiya şəraitində, əhalinin gəlirlərinin azaldığı, post-müharibə dövrünü yaşayan, şəhid, qazi, müharibə iştirakçılaırnın çox sayda probleminin həllini gözlədiyi, Qarabağın 30 illk işğaldan azad olunmasından sonra böyük bərpa və qayıdış ərəfəsində olduğu bir ölkədə ayrılıb.

Digər tərəfdən, Bakının ən gözəl məkanlarından birində yerləşən bankın indiki binası öz görkəmi ilə göz oxşayır. Kənardan burada hər hansı qurumun rahat çalışması üçün bütün imkanların olduğu müşahidə olunur. Bankın indiki binası istifadəyə o qədərmi yararsız idi ki, 450 milyon manatlıq yeni binaya ehtiyac duyulub? Halbuki həmin vəsaitlə aztəminatlı sosial qrupların durumunun yaxşılaşdırılması isitqamətində müəyyən dəyişklik etmək mümkündür.

İqtisadçıların rəyinə görə, bu vəsait Azərbaycanda təhsil sektorunda çalışanların bir illik əmək haqlarının 2 dəfə artırılmasına və ya 1 milyondan çox sosial müavinət alanların müavinətlərinin artırılmasına sərf oluna bilərdi. Bu vəsaitin neft emalı zavoduna ayrılması, zavodun modernləşdirilməsi və nəticədə benzin və dizelin əhaliyə daha ucuz qiymətə satılması mümkündür. Və digər mühüm məsələ - bu məbləğ işğaldan azad olunan ərazilərimizin bərpası üçün təxmin olunan vəsaitin böyük bir hissəsi qədərdir. İndiki dövrdə həmin ərazilərin bərpası dövlətin qarşısında duran ən böyük vəzifələrdən biridir və yüz minlərlə vətəndaşımızın 30 illik həsrətdən sonra doğma yurd-yuvasına qayıda bilməsinin də əsas şərtlərindəndir.

Ancaq görünür, Mərkəzi Bank üçün bu problemlərin heç biri problem kimi görünmür və qurumun gündəmində deyil. Bankın susqunluğu cəmiyyəti qıcıqlandıran məqamlardan birinə çevirilib. Əgər belə bir böyük məsrəfli layihə o qədər vacibdirsə, bank bunun səbəblərini ictimaiyyətə açıqlamalıdır. Bəlkə doğrudan da mövcud binada bankın işləməsi üçün şərait yoxdur və bu içtimaiyyətə bəlli deyil. Mediada müzakirələrə, tənqidlərə rəğmən, hər hansı bir açıqlama verilməyə lüzumun görülməməsi ictimai rəyə etinasızlıqdan daha çox sayğısızlıq kimi anlaşılır.

İqtisadçı Akif Nəsirli Cebhe.info-ya açıqlamasında bildirib ki, Mərkəzi Bank binasını öz təşəbbüsü ilə dəyişmir:

“Bu binanın tikintisi Mərkəzi Bankın deyil, hökumətin təşəbbüsüdür. Əvvala həmin tenderinin necə keçirilməsi, orada hansı şirkətlərin iştirak etməsi, onun necə udulması haqqında informasiya çox təəssüf ki, hökumət tərəfindən deyil, vətəndaş cəmiyyəti tərəfindən yayıldı. Bu, Azərbaycan cəmiyyəti üçün açıq elan olunmalıdır, əsaslandırılmalıdır, səbəbləri göstərilməlidir ki, bu bina nəyə görə lazımdır. Çünki indiki mərhələdə hətta Azərbaycan statistikası kimi siyasiləşmiş statistika belə iqtisadiyyatın kiçildiyini, göstəricilərin azaldığını etiraf edib. Digər tərəfdən, müharibə baş verib və biz bu müharibədə canlı qüvvədən əlavə, xeyli vəsait itirmişik. 4 milyard manat vəsaitin xərcləndiyi açıqlanıb. Ona görə də hesab edirəm ki, belə bir layihənin həyata keçirilməsinin ciddi əsasları olmalıdır və bu əsaslar cəmiyyətə açıq şəkildə bəyan edilməlidir”.

Akif Nəsirli bildirib ki, hökumət məsələyə münasibət bildirməlidir: “Cəmiyyət bunu gözləyir”.

Sonda onu da xatırladaq ki, digər bir binanın Dövlət Gömrük Komitəsi (DGK) üçün tikiləcəyi açıqlanıb ki, hələ ki, layihənin bünövrə xərcləri açıqlanıb. Komitənin yeni inzibati binasının tikintisi üçün bünövrə işlərinin görüləcəyi tenderinin qalibi də bəllidir. DGK-nın yeni binasının bünövrə işlərini “Progress” Sənaye İstehsalat Şirkəti görəcək. DGK işlərin yerinə yetirilməsi üçün şirkətə 1 milyon 331 min 833 manat ödəyəcək.

Oxşar xəbərlər

Mərkəzi Banka 218 milyon avroya yeni bina tikilir
Deputatdan Mərkəzi Banka sərt etiraz: “Bu biabırçılıqdır…
Məcburi köçkünlərlə bağlı 55 milyonluq TENDER
Mərkəzi Bankın yeni binasının puluna Qarabağda 15 min ev tikmək olar
Dövlət Gömrük Komitəsi üçün 30 milyonluq yeni bina tikilir
Mərkəzi Bankın 450 milyonluq binası ilə bağlı YENİ İDDİA
BNA rəhbərinin 3 milyonluq şübhəli tenderi: Dövlətin pulu dəniz...
Mərkəzi Bankın sədri Milli Məclisə gəldi - 4 məsələ müzakirə olunur
Vaksin almaq üçün nə qədər vəsait xərclənəcək? - Rəsmi
“Qarabağ” qələbəsinə görə yarım milyon avro qazandı
“Kür-Araz Şirkəti” MMC son bir ildə Fonddan 18 milyonluq tender udub
Bu sığorta şirkəti ləğv olunur
«Günaybank» iflas həddinə yaxınlaşır - 4 QAT AZALMA
Səfər Mehdiyevin ŞÜBHƏLİ TƏRƏFDAŞI
İsmayıllıda tender müəmması... - İLGİNC FAKTLAR
Adını dəyişmək də “Yelo Bank”a kömək etmədi – BÖYÜK ZƏRƏR İÇİNDƏDİR
Mərkəzi Bank “Azsığorta”nın qarşısında aciz qalıb? - NARAZILIQ...
Mərkəzi Bankın sədrindən devalvasiya AÇIQLAMASI
Səfər Mehdiyev milyonları "Progress"ə asta-asta ötürür... - ŞÜBHƏ!
Baş bankirə tutarlı CAVAB: - “Azərbaycan nə Almaniyadır, nə də Amerika”
Sosial media nəhənglərinin gəliri artıb
Qazaxda tenderlərin "çempionu" yenə qalib çıxdı - "AZƏRTRANSS" MMC-nin Qazaxda milyonluq tenderləri ...
Çin yeni inaktiv vaksini təsdiqlədi
"Yeni Ailə" MTK-dan şikayət - VİDEO
AMEA zibillərin daşınmasına 1 milyon manatdan çox pul xərcləyir
Azərbaycanda görünməmiş “tender müəmmasi” – Şirkət 3 gün sonra niyə imtina etdi?
Messi qərarını dəyişdi
"Azərtranss” MMC indi də Tovuzdan boylandı... - İLGİNC MƏQAM
Azərbaycanda 800 milyonluq sığorta bazarı? - “Ödənişlər də artır”
Bağlanmış 4 bankın əmanətçilərinə nə qədər kompensasiya ödənilib? - AÇIQLAMA