“Şəxsiyyət vəsiqəmizdə Samux rayonu yazılıb, amma qaz çəkdirmək üçün Şəmkirə yönləndirirlər” - GİLEY
26-01-2021, 16:40
68

“Şəxsiyyət vəsiqəmizdə Samux rayonu yazılıb, amma qaz çəkdirmək üçün Şəmkirə yönləndirirlər” - GİLEY

“Bura “Kür nasosnu” da deyilir, “Alüminium-stroy” da. Şəxsiyyət vəsiqəmizdə qeydiyyat yerimiz Samux rayonu göstərilib. Ancaq Samuxun icra hakimiyyəti bizi Şəmkirə, Şəmkirin icra hakimiyyəti isə Samuxa göndərir… Qalmışıq iki rayonun eyni adlı qurumunun arasında. O deyir, qazı bu çəkməlidir”, bu deyir, mənlik deyil, o çəkməlidir”. DİA.AZ bildirir ki, bunu Samux rayonu, Yenikənd kəndi yaxınlığında yaşayan bir qrup sakin deyir.

Bu ərazidə əvvəllər Gəncədəki Alüminium Zavoduna su ötürən nasosxana yerləşirmiş. Nasosxananın işçiləri də elə orada onlar üçün tikilmiş evlərdə yaşayırmış. 7-8 il əvvəl nasosxana fəaliyyətini dayandırsa da, keçmiş işçilər həmin evlərdə yaşamağa davam edib. Ancaq təxminən 25 ailənin yaşadığı yerdə nə qaz, nə də su var.

Ərazidə yaşayan sakin Asim Nəbiyev danışır: “Qaraağaclı qəsəbəsidir, Yenikənddir, Köbər kəndidir və daha bir neçə kənddir… Ana xətt bizim evlərin yaxınlığından keçib həmin kəndlərə uzanır, o kəndlərdə insanlar mavi yanacaqdan istifadə edə bilir, ancaq biz soyuqdan əsə-əsə gözümüzü dikmişik yaxınlıqdan keçib gedən qaz xətlərinə…”

Sakinlər dəfələrlə Samux Rayon İcra Hakimiyyətinə gediblər, onlara bildirilib ki, ərazi Şəmkirin ərazisinə düşdüyü üçün qaz xəttinin çəkilişi ilə də həmin rayonun aidiyyəti qurumları məşğul olmalıdır. İkinci Qarabağ Müharibəsi qazisi Arzu Səfərovun sözlərinə görə, eyni sözü Şəmkir Rayon İcra Hakimiyyətindən də eşidirlər: “Gedirik Şəmkirin icra hakimiyyətinə, orda da deyirlər, bir açın şəxsiyyət vəsiqənizə baxın, görün, yaşayış qeydiyyatınız hansı rayonun ərazisinə düşür… Əslində düz deyirlər, sənədlərimizdə yaşayış qeydiyyatı olaraq Samux rayonu göstərilib. Problemi də Samuxun aidiyyəti qurumları həll etməlidir. Meşədən odun qıranda Samux polisi gəlir, işıqpulunu Samuxun işıq idarəsi yığır, bütün işlərimiz Samuxladır, ancaq qaz çəkmək gələndə deyirlər, Şəmkirə gedin”.

Meşədən, odundan, cərimədən söz düşmüşkən, burada yaşayanlar qış gələndə istiliyi odun hesabına təmin etməli olurlar. Ancaq odunu əldə etməyin də başqa çətinlikləri var.

“Bir tərəfimiz Kürdür, bir tərəfimiz meşə… Meşəyə girən kimi bir tərəfdən meşəbəyi, bir tərəfdən polis, bir tərəfdən rayonun ekologiya şöbəsi başının üstünü kəsdirir. Cərimələnib çıxırsan… Gəlirsən evə, bilmirsən nə edəsən, uşaqlar, qocalar soyuqdan donur, adam üzlərinə baxa bilmir. Qoşursan elektrik qızdırıcını, elə 4-5 qonşu qoşanda, qısaqapanma baş verir, elektrik xətləri alışır. Bundan başqa, elektrik cihazlarından istifadə edəndə sayğac da çox yazır, burada yaşayanlar kasıb zümrədəndir, hamı çalışır işıqdan qənaətlə istifadə etsin ki, ayın sonunda işıqpuluya görə gələn bildirişi görəndə ürəkağrısına düşməsin”, – kənd sakini deyir.

“Bütün işlərimiz Samuxladır, ancaq qaz çəkmək gələndə deyirlər, Şəmkirə gedin”.
Sakinlərin daha bir problemi su ilə bağlıdır. Əsasən də yay aylarında ərazidə nə suvarma, nə də içməli su olur: “Kənddə bir artezian da yoxdur ki, adamlar içməli su ilə təmin olunsunlar. Yayda ağaclarımız quruyur, suvarmağa su tapmırıq. İcra hakimiyyətinin isə cavabı yenə dediyimiz kimi, eynidir. Deyirlər, bizim əraziyə düşmür”.

Oxşar xəbərlər

Dəfələrlə icra hakimiyyətinə müraciət etsələr də... - GİLEY
Adil Vəliyevi sakinlər maraqlandırmır... - GİLEY
44 yaşlı kişi sirkə turşusundan zəhərləndi
Qeydiyyatda olmayanların DİQQƏTİNƏ: Şəxsiyyət vəsiqəsini belə alacaqsınız - RƏSMİ
"İcra hakimiyyəti vəziyyətimdən xəbərdardır" - GİLEY
“İcra hakimiyyəti bizi qarşı-qarşıya qoyub” - QALMAQAL
Samuxda dəhşətli qəzada ölən gənclər - Foto
İcra başçısı özünə yeni müavin TƏYİN ETDİ
Vilyam Hacıyevin çökdürdüyü sahibkar DANIŞDI
Azərbaycanda dəhşətli qəzada polisin başı bədənindən ayrıldı - Video
Başçısı həbs olunan rayonda sakinlər çarəsiz qalıb... - Şikayətlərə baxan yoxdur...
Şamaxıda icra başçısı karantin günü obyekt sökdürə bilər, ancaq vətəndaşı qəbul edə bilməz?!
Gəncə DMSF-də 2-ci qrup əlili incidirlər... - GİLEY
"Atanın ağlı olaydı, ölməyəydi” – Tərtərin başçısı şəhidin qazi oğlunun torpağını əlindən alır
Samuxun icra başçısı bir köşəyə çəkilərək... - İTTİHAM
Heydər Əliyevin adına ayrılan 4 milyonu yeyən icra başçısı
Şəhidlərə aid lövhələri kimlər söküb? - Açıqlama
Samuxda fermadan 21 baş heyvan oğurlandı
“Moskovskiy Komsomolets”: Xənkəndi Azərbaycanla barışıqdan dərhal sonra tərk edilir
Adil Vəliyevin buralardan xəbəri yoxdur... - GİLEY
İcra Hakimiyyətindən şəhid polkovnikin barelyefi ilə bağlı AÇIQLAMA: - “Təbrizlə əlaqə saxlayacağıq”
Xanım icra başçısı “Zəli gölü”nə gəldi, araşdırılma aparıldı - Fotolar
Goranboyda icra başçısının müavini şikayətçini döyüb pəncərədən aşağı tulladı-VİDEO
Bu arada hansı icra başçılarına “qırmızı kart” göstəriləcək? – SİYAHI
Bakıda bu binalar söküləcək
Siraqəddin Cabbarovla bağlı ŞOK İDDİA - Özünə necə xal toplayır...
İmişlidə kənd sakinləri ilə icra hakimiyyəti arasında nə baş verir?
Polis evi tərk edən koronavirus xəstəsini saxladı
"Yeni Ailə" MTK-dan şikayət - VİDEO
İşğaldan azad edilən ərazilər - TAM SİYAHI