Koronavirus infeksiyası əleyhinə vaksinasiyanın başlandığı 57 ölkədə ümumilikdə 71,3 milyondan çox insana peyvənd vurulub.
"Bloomberg" verdiyi məlumata görə, vaksinasiya kampaniyası çərçivəsində gündəlik təqribən 3,57 milyon nəfərə peyvənd vurulur.
Qeyd olunub ki, artıq ABŞ-da 24,4 milyondan çox insana vaksin vurulub ki, bu da ümumi ölkə əhalisinin 7,45%-ni təkil edir. Çində 15 milyon nəfərə (əhalinin 1,07%-i), Avropa İttifaqında isə 9,7 milyon nəfərə peyvənd vurulub. 
Vaksinasiyasının ən sürətlə aparıldığı ölkə isə İsraildir. Bu ölkədə artıq 4,04 milyon nəfərə peyvənd vurulub ki, bu da əhalinin 44,6%-ni təşkil edir.
Məlumatda o da qeyd olunub ki, BƏƏ-də əhalinin 24,9%-i, Böyük Britaniyada isə 10,9%-nə peyvənd vurulub.