Ağstafa nədən DİRÇƏLƏ BİLMƏZ... - SƏBƏBLƏR, FAKTLAR...
8-02-2021, 22:50
95

Ağstafa nədən DİRÇƏLƏ BİLMƏZ... - SƏBƏBLƏR, FAKTLAR...

Prezident İlham Əliyevin də, xalqın da gözləntiləri mobil, çevik idarəetmə sistemi qurmaq, reputasiyası şəffaf kadrları irəli çəkmək, əhali ilə işləməyi bacaran, yeniliklər gətirə bilən gənclərə şans verməklə köhnə əyyamlara son qoymaq idi.
Hətta belə proqnozlar səslənirdi ki, gənc kadrlar keçmiş talançı, korrupsiyaya bulaşmış məmurlara oxşamayacaqlar, vətəndaşların müraciətlərinə açıq olacaqlar. Amma kadr dəyişikliklərinin heç də hamısı etimadı doğrultmadı.
Dövlət başçısı da onları qəbul edərkən bildirmişdi ki, sizə şans verilir, işləməlisiniz, əgər qanunsuz bir hərəkət aşkar olunsa, vəzifədən azad ediləcək, ağır şəkildə cəzalandırılacaqsınız.
Lakin məlum olur ki, ayrı-ayrı gənc məmurlar Prezidentin gözləntilərini tam doğrultmurlar. GundemXeber.Az-ın araşdırmalarına görə, onlardan biri Ağstafanın icra başçısı Seymur Orucovu göstərmək olar.

Başçı şəxsi invertarları ələ keçirib

S.Orucov YAP Gənclər Birliyində uzun müddət vəzifə tutub, amma ictimai-siyasi dairələrdə müsbət imicə malik olmayıb.
Onun hakimiyyəti duzsuz-istiotsuz müdafiə etməsi, bəzi hallarda absurd çıxışları əttökənliklə yadda qalırdı. Sonra ulduzu parlayan S.Orucov üçün hakimiyyət nərdivanlarında yüksəlmək imkanı yarandı.
Onun Ağstafaya icra başçısı təyinatı ictimaiyyət üçün gözlənilməz olsa da, özü və ətrafına son dərəcədə sürpriz hadisə oldu. Bir rayonun ona həvalə edilməsi, üstəlik əvvəlki rəhbəri həbs edilən Ağstafaya başçılıq etmək məsuliyyət tələb edir. Ona görə də S.Orucov İH başçısı postunda ilk vaxtlardan axsamalara yol verməyə başlayıb. Araşdırmalar və gələn informasiyalara görə, gənc icra başçısı yığımcıl olduğunu nümayiş etdirməkdədir. İddialara görə, rayonun sabiq icra başçısı Nizaməddin Quliyevin şəxsi ev əşyalarını geri qaytarmaqdan imtina edir və başqasına məxsus olan inventarları mənimsəməkdən də çəkinmir. S. Orucovun bu addımı atmasında hansı məqsəd güdməsi aydın deyil. İlk dəfə belə hal yaşanır və bu rüsvayçılığa gənc icra başçısı yol verməklə “imza” atır.

İH-də İlqar Hacıyev və Vüqar Tağıyev “dueti”...

Gələn məlumatlardan biri də odur ki, bir neçə ay bundan qabaq Ağstafanın icra başçısı kadr seçimində səhvə yol verir.
Bu da təsdiqləyir ki, S.Orucov səriştəsiz, idarəçilikdə elementar biliklərə yiyələnməmiş kadrdır.
Ağstafa kimi rayonun ona tapşırılması ilə ümid olunurdu ki, yekəqarın, gözüac, rüşvətxor məmurlardan fərqlənəcək, bir cavan olaraq dövrün nəbzinə uyğun fəaliyyət göstərəcək, maraqlı layihələr həyata keçirəcək.
Lakin S.Orucov icra başçısı postunda nəinki novatorluq etmir, yanlışlıqlara yol verməklə üz-gözünə bulaşdırır.
Ola bilsin ki, onun sadəlövhlüyündən sui-istifadə edilə bilər. Nəticədə kadr seçimində səhvlər edərək idarəetmədə effektivliyə nail ola bilmir.
Gələn xəbərlərə görə, bu işdə İH-nin kadrlar şöbəsi müdiri İlqar Hacıyev fəaldır. İddialar səslənir ki, sui-istifadəçiliklə məşğuldur, bütün “işlər” onun əli ilə icra olunur.
Deyilənlərə görə, Ağstafa İH-nin həbsdə olan keçmiş müavini Ramiz Tatarovun kadrı hesab edilən İlqar Hacıyev onun sayəsində yaxşı “təcrübəyə” yiyələnib.
Eyni zamanda, onu icra başçısı Seymur Orucov üçün əhəmiyyətli edən faktor qohumluq əlaqələridir. Qohumluq gənc başçı üçün daha vacib imiş.
Bundan əlavə, Ağstafa İH-də Ərazi İdarəetmə orqanları ilə iş şöbəsinin müdiri Vüqar Tağıyevin də adı qeyri-rəsmi məsələlərdə çəkilir.
V.Tağıyevin adı icra başçısına yanlış təqdimatlar verməkdə keçir. Onun rayonda talançılıqla məşğul olan idarə müdirlərini, icra nümayəndələrini, bələdiyyə sədrlərini himayə etdiyi iddiaları var.
Bir sözlə, S.Orucovun Ağstafaya rəhbərlik etdiyi gündən rayonda inkişafa doğru irəliləyiş müşahidə olunmayıb, İH-də isə dolanbac işlər davam etməkdədir.
Ümumiyyətlə, onun gənc məmur kimi həyata keçirdiyi “islahat”lar rayonda rüşvət alan kadrların yerdəyişməsindən ibarət olub.

İH-də kadr xaosu - Qalmaqallı siyahı

GundemXeber.Az-ın araşdırmalarına görə, rüşvətlə həbs edilmiş sabiq müavin R.Tatarovdan qalan kadrların indi “meydan sulaması” icra başçısının ölkə rəhbərliyi və Ağstafa camaatı qarşısında görməli olduğu işləri yerinə yetirməkdə ləngidir, tormozlayır.
Çünki S.Orucovun komandası onu batırmaqla məşğuldur. Faktiki İH-də rüşvət və qanunsuzluq hallarında adı keçənlər fəaliyyət göstərir.
Məlumatlara görə, onlardan memar Sənan Mustafayev, humanitar məsələlər üzrə müavin Lalə Eyyubova vəzifələrindən hələ də kənarlaşdırılmayıb.
Digər müavin Aydın Hacıyevin isə qardaşının narkotik alverçisi olması onun vəzifəsindən kənarlaşdırılmasına səbəb olub.
S.Orucova yaxın şəxs olduğu iddia edilən İlqar Hacıyevin təqdimatına əsasən, keçmiş müavin Aydın Hacıyevin yerinə Kənan İbrahimov başçının müavini, Sosial-İqtisadi İnkişafın təhlili şöbəsinin müdiri təyin edilib.
Kənan İbrahimovun 3 ay vəzifəsində çalışmasına baxmayaraq, noyabr ayında Seymur Orucov onu da vəzifəsindən kənarlaşdırıb. Bütün bunlar Ağstafa İH-dəki xaotik idarəçilikdən xəbər verir.
Həmçinin, İH-də uzun illər təhsil, səhiyyə, uşaq bağçalarını “ziyarət edən”, dövlət təşkilatlarına işə adam düzəldən kimi tanınan Əziz Məsmalıyev Gənclər və İdman İdarəsinə təyinat alıb.
Gənclər və İdman İdarəsində ezamiyyə vərəqələrindən “ölü canlardan” müsabiqə və idman tədbirlərindən gəlir əldə edən Feruz Həsənov isə Statistika İdarəsində kresloya sahiblənib. Bu təyinatlar necə baş verir?
Bu da azmış kimi, Mənzil Təsərrüfatı Birliyində 200-ə yaxın şəxsin məvacib kartını özündə saxlayan, vaxtilə rayonun sabiq başçısı Məhərrəm Quliyev tərəfindən həbslə hədələnmiş Habil Məmmədov indi Ağstafa Suvarma Sistemləri İdarəsinin rəisidir.
Suvarma Sistemləri İdarəsi rəisinin təmizlik işçisi ilə əvəzlənməsi suvarma sahəsində müsbət gözləntiləri sıfıra endirib, S.Orucovun kadr təyinatları rayonda ona münasibəti mənfi yöndə formalaşdırıb.
Rayon sakinləri və ziyalılarına belə qənaət yaranıb ki, bu cavan oğlandan Ağstafanı ağ günə çıxaran, şəffaf idarə edən olmaz. Bu da təsadüfi deyil.

Vəzifəli və korrupsioner qohumların çiyinlərində...

Ona görə ki S.Orucovun bağlı olduğu məmurlar, qohumluq əlaqəsi olan vəzifəlilər “əlindən su içib”.
GundemXeber.Az xatırladır ki, gənc icra başçısı Həmkarlar İttifaqları Konfederasiyasının sədri Səttar Mehbalıyevin bacısı oğludur.
S.Mehbalıyevin adı həmişə həmkarların haqlarını mənimsəməkdə, yeyintidə, o cümlədən Qarabağ qazisinin intiharına səbəb olmaqda hallanıb.
Bir neçə il qabaq haqqı tapdanan qazi cana doyaraq Həmkarlar İttifaqları Konfederasiyasının qarşısında üstünə benzin tökərək özünü yandırmışdı. Ancaq onun ölümündən S.Mehbalıyev sivişib çıxdı, cəzalanmadı.
Çünki qudası, o dövrdə Prezidentin köməkçisi olan Əli Həsənov S.Mehbalıyevə qahmar çıxdı, onu qorudu. O baxımdan indi dayaqlarının biri yıxılmış, biri qeyri-müəyyən vəziyyətdə olan S.Orucovun dayısı hesabına nə qədər duruş gətirəcəyi maraq doğurur.
Yeri gəlmişkən, icra başçısının bir başqa arxa-dayağı da qayınatası idi. İqtisadiyyat Universitetinin sabiq rektoru Şəmsəddin Hacıyevin kürəkəni olan S.Orucov illərlə bu qohumluqlar sayəsində mövqe tutub.
Amma qayınatası artıq rektor deyil, dayısının qudası Ə.Həsənov indi həbsdən qurtuluş üçün dəridən-qabıqdan çıxır. Odur ki, S.Orucov vəzifədə qala bilmək üçün öz ayaqları üstə dayanmalı, Prezidentə özünü yaxşı tərəfdən göstərməlidir.
Halbuki korrupsiyaya bulaşmış şəxslərin yaxın qohumu olan bu gənc məmur vəzifəyə təyin olunanda yaxın ətrafı yoxlanmalıydı...

Oxşar xəbərlər

Rayon sakinləri Seymur Orucovdan ciddi qərarlar gözləyirlərmiş - AĞSTAFANI KİMLƏR İDARƏ EDİR?
Prezidentdən sahibkarlara mane olan məmurlara XƏBƏRDARLIQ
"Səfər Mehdiyevə qarşı da bir əməliyyat keçirilməlidir..." - İTTİHAM
"Balaca padşah"ların yeni QÜRUB DÖNƏMİ... - Bu dəfə kimlərin "başı kötüyə qoyulacaq"...
DTX-nın həbs etdiyi vəzifəli şəxsin yerinə təyinat oldu
Nizami rayon İcra başçısı Arif Qasımov vəzifədən gedir?
Gənc icra başçısı prezidentin etimadını belə doğruldur? – Dəniz sahilində özünə İstirahət Mərkəzi tikdirir...
Ülvi Mehdiyev: ""ASAN Xidmət"də 22 minə yaxın gənc könüllülük məktəbi keçib"
“Əlli yaşında təhsil alan icra başçısı nə bilir xalq nədir...”
Nabranda sahibkarlar imdad diləyir- obyektlər buldozerlə uçurulur
Seymur Orucovun ingiliscə çıxışı İTV-də ələ salındı
Şamaxı RİH-in başçısı Tahir Məmmədovdan Şikayət var-Vətəndaşlardan Prezidentə MÜRACİƏT
Arif Qasımovun qovulmasının sirri açılır: "Qara Kassa" Ramin Əhmədov kimdir? - Fotolar
Tahir Məmmədovla komandasının korrupsiyası:Daha bir icra başçısı həbs oluna bilər-VİDEO
Kürdəmirin icra başçısı ilə bağlı ilginc iddialar... - İmkanı olsa, istefa verib, qaçar...
Səs-küylü həbslər başlayır – Sensasion adlar var...
"Bayram Səfərov əraziləri işğal edib!"
Naftalanın təzə başçısının “köhnə fəaliyyəti” - sahibkarın qanuni torpağı əlindən alınır
Goranboyda nələr baş verir? - İDDİA
Arif Qasımovun qanunsuz əməllərində Ramsin Abdullayevin görünməyən izləri
Naftalanın təzə icra başçısının “köhnə fəaliyyəti” - sahibkarın qanuni torpağı əlindən alınır
Rüşvətxor və korrupsionerlərin “qara günləri” başlayır
“Harınlamış məmurlara islahatlar təsir etmir”
“Əlindən heç bir iş gəlməyən qartımış köhnə kadrlar...” – Rəsul Quliyev
Dövlət Gömrük Komitəsi nə zaman YOXLANILACAQ?
Novruz Novruzov çətin durumda: - Şabrandakı fəaliyyəti yoxlanılır
Səfər Mehdiyevin yeni inhisarçı komandası... - DGK sistemi nədən dəyişə bilmir?
Daha bir məmur üçün YOLUN SONU: - Prezidentin danladığı icra başçısı işdən çıxarılır?
"Hakim partiya kadr islahatlarından kənarda qalmayıb” – YAP katibi aydınlıq gətirdi
Bir neçə rayon rəhbəri ilə bağlı İDDİA - SİYAHI