"Quba Şəhəri İcra Hakimiyyəti başçısı cənab Ziyəddin Əliyevin qəbuluna düşmək istəyirəm, amma bilmirəm hansı səbəblər var və mən qəbula düşə bilmirəm".

"MediaPost" xəbər verir ki, bu sözləri Quba Şəhəri 2-ci Nügədi kəndi sakini Əlicabarov Mikayıl Mirağa oğlu redaksiyamıza ünvanlağı şikayətdə bildirib. Quba sakini söyləyib ki, şikayət və təkliflərini bölüşmə üçün başçının qəbuluna düşmək istəyirlər.

Məsələ ilə bağlı Quba Şəhəri İcra Hakimiyyəti ilə əlaqə saxlayan "MediaPost"a qurumdan verilən məlumata görə, icra başçısı vətəndaşları pandemiyaya görə qapalı şəraitdə qəbul edə bilmir.

"Nazirlər Kabinetinin yanında Operativ Qərargahın qoyduğu qadağaya görə, heç bir dövlət idarəsində vətəndaşların qəbulu həyata keçirilmir. Bu səbəbdən vətəndaşların qəbul günündə də şəraiti nəzərə alaraq icra başçısı vətəndaşları qəbul etmir. Lakin Ziyəddin Əliyev mütəmadi olaraq açıq havada vətəndaşları qəbul edir, şikayətlərini dinləyir", - deyə icra hakimiyyətindən bildirilib.

DİA.AZ bildirir ki, əslində sözügedəın RİH-dən verilən cavab bəhanədir... Hər halda sakinlər konkret nədənsə narazıdırlar və qabul yoxdursa, bu o demək deyil ki, yerli RİH də problemə diqqqət etməkdən yanılmalıdır... Ən azından problemə reaksiya verə bilərlər. Görünəni odur ki, maraqları yoxdur..