Suraxanıda Əziz Əzizovdan sakinlərə “burja münasibət” - VİDEO/FAKT
15-02-2021, 12:40
60

Suraxanıda Əziz Əzizovdan sakinlərə “burja münasibət” - VİDEO/FAKT

Ölkəmizdə sosial əhəmiyyət kəsb edən məsələ və problemlərin həlli, bu gün də öz aktuallığını saxlamaqdadır.

Buna baxmayaraq istər paytaxt Bakı şəhərində, istərsə də ətraf şəhər və rayonlarda vəzifə sahibi olan bəzi şəxslərin günahı ucbatından, çox zaman isə həmin şəxslərin üzərinə düşən vəzifələrinin öhdəsindən gələ bilməmələri səbəbindən və s. ayrı-ayrı ərazilərdə sosial problemlər baş qaldırır ki, bu da sakinlərin haqlı narazılığı ilə nəticələnir. Hətta elə hallar da olur ki, sosial problemlərin “aşıb-daşması” sakinləri daha qətiyyətli addımlar atmağa sövq edir.

Bu da onu söyləməyə əsas verir ki, mövcud problemlərin həllinə məsul olan şəxslər, bir növ ölkə rəhbərinin vermiş olduğu tapşırıqlara məhəl qoymurlar və məqsədli şəkildə geniş ictimaiyyətlə dövlət qurumları arasında “uçurum yaradırlar”.

Son vaxtlar belə bir problemlər daha çox Bakı şəhərinin Suraxanı rayonu ərazisində yaşanır ki, bu da icra başçısı Əziz Əzizovu fəaliyyətsizlikdə ittiham etməyə kifayət qədər əsaslar verir. Məsələn, bir neçə gün bundan öncə əməkdaşımızın həyata keçirdiyi çəkilişdən də bəlli olur ki, Suraxanı rayonu, Qaraçuxur qəsəbəsi, Fərman Kərimzadə küçəsi və bu qəsəbənin digər mərkəzi hissələri də daxil olmaqla, qeyd olunan ərazilərdə kanalizasiya suyu aşıb-daşmaqda davam edir. Bu yöndə həyata keçirilən çəkiliş zamanı sakinlər dilə gələrək “Altı aydır ki, biabırçı vəziyyətdəyik. Bir tərəfdə koronovirus (COVİD-19 infeksiyası tüğtyan edir, digər tərəfdə isə kanalizasiya suyunun iy-qoxuna dözə bilmirik.

Dəfələrlə rayonun Sukanal idarəsinin rəhbərliyinə, RİH-nin rəsmi şəxslərinə şifahi və yazılı müraciətlərimizi çatdırsaq da, bir kimsə bizə əhəmiyyyət vermir. Belə bir səbəbdən də, küçəboyu ərazilərdə kanalizasiya suyundan kiçik gölməçələr əmələ gəlir.

Bu həm infeksiyanın geniş yayılmasına, həm də mənşəyi bilinməyən xəstəliklərin əmələ gəlməsinə səbəb olur. Əvvəllər belə bir problem yox idi, elə ki, rəsmi vəzifə sahibi olanlar iş adamlarına razılıq verib yaxınlıqdakı tikintinin inşa olunmasına imkan yaratdılar, həmin vaxtlardan da bu ərazilərdə kanalizasiya problemi baş qaldırdı.

Çünki, tikintidən atılan tör-töküntülər kanalizasiya boru xətlərinə töküldü, axan çirkli suların qarşısı alındı, sonda da belə bir problem əmələ gəldi. Təəccüblü hal odur ki, etdiyimiz müraciətlərdən sonra kanalizasiya idarəsinin işçiləri problemi aradan qaldırmaq üçün gəlib bir az işləyirlər, qismən də olsa kanalizasiya suyu çəkilir, iki-üç gün keçdikdən sonra isə, problem yenidən əmələ gəlir. Yəni, biz bu məsələni dəfələrlə qabartmışıq, icra başçısı Əziz Əzizovu dəfələrlə məlumatlandırmışıq, çox təəssüf ki, belə bir problem həllini tapmır ki, tapmır.

Düşündürücü haldır ki, ölkə rəhbəri hər bir şəxsi hansı quruma rəhbər təyin edirsə, həmin şəxsə müvafiq tapşırıqlarını verir, ələxüsus sakinlərə məxsus problemlərin aradan qaldırılmasını diqqətdə saxlamalarını bildirir. O halda sual oluna bilər ki, görəsən Suraxanı RİH-nin başçısı cənab Əziz Əzizovun belə bir tapşırıqları qulaqardına vurmasının kökündə nələr durur?

Bəlkə, cənab Prezident onu bu rayona icra başçısı təyin edərkən belə bir tapşırığını verməyib? Əgər veribsə, o halda səbəb nədir ki, icra başçısı Suraxanı rayonu, Qaraçuxur qəsəbəsi, Fərman Kərimzadə küçəsinin sakinlərinə “Lenin brujaziyaya baxan kimi baxır?”. Yəni, çoxsaylı sakinlərin haqlı narazılıqlarına əhəmiyyət vermir.

Baş verənləri təhlil edib belə bir qənaətə gəlmək olar ki, Əziz Əzizov və onun komandasının fəaliyyətsiz olmaları səbəbindən, bu gün Suraxanı sakinlərini olmazın dərdə düşüblər. Əgər bu belə deyilsə, o halda altı ay ərzində aşıb-daşan kanalizasiya suyunun “dərdinə əlac” edərdilər.

Problemin varlığını diqqətdə saxlayacağıq.

Oxşar xəbərlər

Suraxanıda şəhidlərin əziz xatirəsi ehtiramla yad edilib - Fotolar
Ermənistan ordusundakı özbaşınalığın əks olunduğu videogörüntü təsdiqini tapdı
Erməni ombudsman növbəti dəfə sərsəmlədi
“Neolit”in ərazisində ağacların məhv edilməsi faktı ilə bağlı cinayət işi başlanıb
Gəncənin icra başçısı axtarılır
Əbülfəz Qarayevlə Suraxanının icra başçısını nə birləşdirir? - Bakıda 700 illik məscid dağıdılır
Tikinti şirkətləri vətəndaşlara QARŞI... - Bunun həlli tapılmalıdır...
Razi Nurullayevi yolda saxlayan polislə bağlı tədbir görüləcək
Bələdiyyə sədrinə cinayət işi başlanıldı
Avtobus zolağına daxil olan sürücülər cərimələnəcəklər - XƏBƏRDARLIQ
Ermənistan acınacaqlı durumda - Sərt pul siyasəti də inflyasiyanın qarşısını ala bilmir
Bərdə Yol Polisi Postunda şəhid ailəsi üzvündə 200 manat rüşvət tələb olunub- FOTO
"Facebook"da bir çox azərbaycanlının yaşayış yeri kimi Konqo göstərilir
Bu gün Bakıya qar yağacaq: Hava kəskin soyudu
Bakı qeydiyyatında olan şəxslər rayondan necə gələ biləcək? - AÇIQLAMA
DİN-dən icazəsiz rayonlara gedənlərə XƏBƏRDARLIQ
Nazirlikdən havayla bağlı XƏBƏRDARLIQ
Ruslan Əliyev Əli Kərimliyə narazı elektorat toplayır? — SAYĞAC MAXİNASİYASI
“35 min manatlıq bayraq vətənpərvərlik deyil, vətəndaşa hörmətsizlikdir..."
Əli Həsənov: "Türkiyənin həyata keçirdiyi əməliyyat mövcud problemin ən rasional həlli variantıdır"
Bakıda qış hazırlıqları - Foto
Məhkəmə həbsdə olan sabiq icra başçısı barədə qərar verdi - Yenilənib
Həbsdəki sabiq icra başçısı koronavirusa yoluxdu
Lerikdə başçı zootexniki necə bankir etdi? - ŞOK FAKTLAR
Məhkəmə Vilyam Hacıyevin şikayətini təmin etmədi
Ramiz Mehdiyevin kürəkəninə arxayın olanlar dövlətə meydan oxuyur - Saxta sement mafiyasının işləkləri
Saxta arayış satan şirkət rəhbəri tutuldu - FOTO/VİDEO
İmişlidə kənd sakinləri ilə icra hakimiyyəti arasında nə baş verir?
Bu gün Vilyam Hacıyevin şikayətinə baxılacaq
Ermənistan ərzaq böhranı astanasındadır