Səhiyyə İdarəsindən 1 milyonluq şübhəli tender - FAKTLAR
17-02-2021, 14:41
72

Səhiyyə İdarəsindən 1 milyonluq şübhəli tender - FAKTLAR

Azərbaycanda dövlətdən maliyyələşən qurumların sifarişçi olduqları dövlət satınalmalarında qanun pozuntularının, maxinasiyaların, şübhəli halların olması barədə dəfələrlə yazılıb. 
 
Valyuta.Az xəbər verir ki, bu cür şübhəli satınalmadan daha birini Bakı Şəhər Baş Səhiyyə İdarəsi həyata keçirib. 
 
Qeyd edək ki, Bakı Şəhəri Baş Səhiyyə İdarəsinin "Dəftərxana və təsərrüfat mallarının satınalınması" lotu üzrə sifarişçi olduğu satınalmanın məbləği 999.743 manat təşkil edir. 
 
Tenderin qalibi "Avanqard AN Servis" Məhdud Məsuliyyətli Cəmiyyəti elan edilib. 
 
Dövlət qurumu ilə "Avanqard AN Servis"  MMC arasında imzalanan satınalma müqaviləsinin predmetlərinə görə 7 nömrəli Şəhər poliklinikası üzrə 2, 9 nömrəli Uşaq poliklinikası üzrə 1, 10 nömrəli Qadın məsləhətxanası 1 və 22 nömrəli Birləşmiş Şəhər Xəstəxanasının isə 1 liftinə bir illik xidmət nəzərdə tutulub. 
 
Dörd obyekt üzrə 5 liftə göstərilən illik texniki xidmət ölkənin xidmət sahəsindəki qiymətlərlə müqayisədə fantastik görünməklə yanaşı, eyni zamanda müqavilə bağlanan şirkətin fəaliyyəti də xeyli dərəcədə şübhəlidir. 
 
Bakı Şəhəri Baş Səhiyyə İdarəsinin sözügedən satınalmada qoyduğu şərtlərdən biri də "Dövlət Satınalmaları Haqqında" Qanuna uyğun olaraq Vergilərə və digər icbari ödənişlərə dair yerinə yetirilməsi vaxtı keçmiş öhdəliklərin olmaması haqqında arayışdır. Lakin "Avanqard AN Servis" Məhdud Məsuliyyətli Cəmiyyətinin bu günə olan vergi borcu 9821 manat təşkil edir. 
 
Bundan başqa 10 manat nizamnamə kapitalı olan "Avanqard AN Servis" Məhdud Məsuliyyətli Cəmiyyətinin fəaliyyət profili və hansı lisenziyalara malik olması barədə məlumatlar yoxdur. 
 
Valyuta.Az "Avanqard AN Servis" MMC-nin qanuni təmsilçisi Rzaquliyev Elvin İlqar oğlu barədə isə daha ilginc məlumatlar əldə edib. 
 
Əslən Ağdam rayonundan olan, Bakı şəhəri, Nəsimi rayonu, Bakıxanov 42 ünvanında qeydiyyatda yaşayan Rzaquliyev Elvin İlqar oğlunun adına çoxsaylı MMC-lər rəsmiləşdirilib. 
 
Elvin Rzaquliyev "Avanqard AN Servis" MMC ilə yanaşı, Risno-CMN MMC“ASCARİ-CMN” (VÖEN: 2904754261) və “VERTU-CMN” (VÖEN: 2904754391) MMC-lərin qanuni təmsilçisidir. Hər üç MMC 2018-ci ilin fevral ayının 1-də qeydiyyata alınıb.
“Vertu CMN” MMC 2018-ci ilin dekabr ayının 17-də Bakı Şəhər Baş Səhiyyə İdarəsinin sifarişçisi olduğu “Proqram təminatı” adlı 1 lot üzrə 51850 (əlli bir min səkkiz yüz əlli) manatlıq tenderin qalibi olub. Hər üç MMC-nin hüquqi ünvanı Sumqayıt şəhəri, 4-cü mkr, ev 26, mənzil 8-dir.
 
Bu şəxsin adına olan MMC-lər neçə illərdir ki, dövlət satınalmalarında mütəmadi iştirak edir və qalib elan olunur. 
 
Burada daha ilginc məqam isə hüquqi qeydiyyatda olduğu ünvanda heç kimin tanımadığı Rzaquliyev Elvin İlqar oğlunun adının müxtəlif illərdə bir sıra cinayət işlərində hallanmasıdır.
 
Bakı Şəhər Baş Səhiyyə İdarəsinin sifarişçisi olduğu tenderin qalibi "Avanqard AN Servis" Məhdud Məsuliyyətli Cəmiyyəti dövlət qeydiyyatına alınan zaman MMC-nin qanuni təmsilçisinin xuliqanlıq cinayətinə görə həbsə alındığı barədə xəbərlər dərc edilib. 
 
Məsələ ilə bağlı Bakı Şəhər Baş Səhiyyə İdarəsi ilə əlaqə saxlayıb münasibət öyrənməyə çalışsaq da, idarənin 596-06-83 (Rəis) , 596-42-06 (rəis müavini), 595-38-26 (Rəis müavini) nömrələrindən edilən zənglərimizə cavab verilmədi. 
 
Adıçəkilən qurumlar münasibət bildirə bilərlər.

 

Oxşar xəbərlər

Bakı Şəhər Baş Səhiyyə İdarəsi 1 milyon manatlıq mal alır
"Aztelekom" MMC-də şübhəli tenderlər - Vergi borcu olan MMC-lər qalib oldu
FHN Akademiyasında fövqəl tender! - dəftər-qələmə 4 milyon manat xərcləyəcək
4 yaşlı “tender canavarı” “Bakı Şəhər İşığı”nda... - ARAŞDIRMA
Şamaxıda şübhəli tender: 5 manat kapitalı olan şirkət nə ilə yol çəkir?
Cəmi 8 gün əvvəl yaranan şirkət nazirliyin tenderini qazandı
TƏBİB-ə tabeli tibb müəssisələrində dəftərxana biznesinə kimlər nəzarət edir? - GƏLİŞMƏ
İcra Hakimiyyətindən 5 manat kapitalı olan şirkətin yol çəkməsinə ikibaşlı münasibət: "Bu sahə müvafiq dövlət qurumlarının nəzarətindədir"
"Azərxalça" ASC-nin tender "ilməsi" - 110 min manat nəyə xərclənib?
İcra Hakimiyyəti milyon manata yaxın tenderləri eyni şəxsin şirkətlərinə verib
Gəncənin icra başçısı ilə bağlı ŞOK İDDİA... - Həbs olunacağı deyilir...
Meliorasiya İdarəsindən inanılmaz tender maxinasiyası: - 1 gündə 3 tender
Ağstafa icra hakimiyyətinin şübhəli ortaqları... - Yeni başçı da köhnə başının yolu ilə gedir...
Şamaxıdan Beyləqana gəldi, indi də buraları dağıdır... - FAKTLAR
Bakı Nəqliyyat Agentliyinin tender talanları: - Büdcə pulları kimlərin cibinə axır?
QİÇS Mərkəzindən daha bir kobud tender maxinasiyası: 1 ayın şirkəti...
Bakı şəhər Mədəniyyət Baş İdarəsi iki şübhəli tender keçirdi - FOTO
Liseylərə elektron qeydiyyat başa çatıb
AMEA zibillərin daşınmasına 1 milyon manatdan çox pul xərcləyir
İnanılmaz tender maxinasiyası: Bir şirkət bir gündə bir qurumdan 5 tender qazandı (FOTO)
Bakı Baza Tibb Kolleci "GÜL VURUR"... - 3-4 aylıq MMC-lərlə işbirliyini davam etdirir
Bakı Baza Tibb Kollecində dövlət vəsaiti kimlərin əli ilə xərclənir?
Xalid Ələkbərov Qüdrət Şükürovon adını və əməllərini hələ də yaşadır - “Lifttəmir”-də ŞÜBHƏLİ MƏQAMLAR
Yeni “tender canavarı”nın şirkətlərini kim himayə edir?...
Xəzər rayon Mənzil Kommunal Təsərrüfatı Birliyində iş görən kim, pul alan kimdir? - İTTİHAM
Məktəbi müəllimlərə təmir etdirən direktorla bağlı ARAŞDIRMA BAŞLADI
Avtobus sürücüsünü döyən şirkət müdirini “Azərkosmos“-a nə bağlayır?
Səhiyyə Nazirliyində növbəti tender: Bu dəfə “Avromed"ə 5.5 milyonluq layihə verildi
Müəmmalı "tender" lər silsilsindən - “Tender kraliçası”nın şirkətlərini kim himayə edir?..
Mədəniyyət Nazirliyinin “sevimli” şirkəti 20 gündə 8 tenderi necə qazanıb?- İcazə verin şübhələnək..