Həbs edilən sabiq icra başçısından XƏBƏR VAR
2-03-2021, 17:51
73

Həbs edilən sabiq icra başçısından XƏBƏR VAR

İmişli Rayon İcra Hakimiyyətinin sabiq başçısı Vilyam Hacıyev barəsində həbs qətimkan tədbirinin müddətinin uzadılması ilə bağlı təqdimata baxılıb.
Səbail Rayon Məhkəməsində hakim Şəhla Abdullayevanın sədrlik etdiyi iclasda qərar elan edilib.
Qərara əsasən, V. Hacıyev barəsində seçilmiş həbs qətimkan tədbirinin müddəti daha 3 ay uzadılıb.
Qeyd edək ki, İmişli Rayon İcra Hakimiyyətinin başçısı Vilyam Hacıyevin icra hakimiyyətinin sərəncamında olan vəsaitlərin sosial yardım adı altında bir hissəsini ələ keçirilməsini, eləcə də ölkə ərazisində xüsusi karantin rejiminin tələblərinin pozulması ilə sərbəst hərəkət etmək üçün bəzi vətəndaşlara saxta arayışların verilməsini tapşırmasına, vəzifə səlahiyyətlərindən sui-istifadə etməklə mənimsənilən pul vəsaitlərini sahibliyində olan yaşayış evində qəbul etdiyinə əsaslı şübhələr müəyyən olunub.
2020-ci il mayın 5-də məhkəmənin qərarı əsasında Dövlət Təhlükəsizliyi Xidməti tərəfindən Vilyam Hacıyevin xidməti və yaşadığı ünvanlarda əməliyyat-istintaq tədbirləri həyata keçirilmişdir. Müvafiq ünvanlarda keçirilmiş baxış zamanı Vilyam Hacıyevin rayon icra hakimiyyətinin baş mühasibi Cəmil Musayev və başqaları vasitəsi ilə qəbul etdiyi pul vəsaitlərinin məbləğlərinə dair müxtəlif qeydlər, habelə ayrı-ayrı valyutalarda xüsusi qaydada qablaşdırılaraq saxlanılan pul vəsaitləri, iş üzrə əhəmiyyət kəsb edən digər sənədlər və maddi sübutlar aşkar edilərək götürülüb.
İstintaq araşdırmaları zamanı, sosial-məişət şəraitinin aşağı olması ilə bağlı mənzil növbəsində olan şəxslərə İmişli şəhərində dövlət büdcəsi vəsaiti hesabına inşa edilmiş çoxmənzilli yaşayış binasında növbəli qaydada verilməli olan mənzillərin Vilyam Hacıyev tərəfindən rüşvət müqabilində qanunazidd verilməsinə əsaslı şübhələr müəyyən edilib.
Eyni zamanda, işsiz və aztəminatlı vətəndaşların ictimai işlərə cəlb edilərək aylıq qazanc əldə edə bilmələri üçün əməkhaqqı kartlarına köçürülən məbləğlərin Vilyam Hacıyev tərəfindən ələ keçirilməsinə dair məlumatlar əldə edilib.
Həmçinin Vilyam Hacıyevin rayon ərazisində təmir-tikinti, abadlıq işlərinə, habelə İmişli Rayon İcra Hakimiyyətinin yeni inzibati binasının tikintisinə ayrılan dövlət vəsaitlərinin müəyyən hissəsinin müntəzəm nağdlaşdıraraq mənimsəməsinə dair əsaslı şübhələr müəyyən edilib.
Bundan başqa, Vilyam Hacıyevin tabeçiliyində olan vəzifəli şəxslər vasitəsilə yerli icra hakimiyyəti və digər dövlət orqanlarının vəzifəli şəxslərindən, eləcə də rayon ərazisində fərdi sahibkarlıq fəaliyyəti ilə məşğul olan vətəndaşlardan müxtəlif adlar altında pul vəsaitləri tələb edərək almasına dair məlumatlar əldə edilib.
İstintaq orqanı tərəfindən Vilyam Hacıyevin barəsində Cinayət Məcəlləsinin 179.3.2-ci (külli miqdarda mənimsəmə və ya isriaf etmə, 308.1-ci (vəzifə səlahiyyətlərindən sui-istifadə, yəni vəzifəli şəxsin xidməti vəzifələrinin icrası ilə əlaqədar özü və ya üçüncü şəxslər üçün qanunsuz üstünlük əldə etmək məqsədilə öz qulluq səlahiyyətlərindən qulluq mənafeyinə qəsdən zidd olaraq istifadə etməsi və ya qulluq mənafeyi tələb etdiyi halda istifadə etməməsi fiziki və ya hüquqi şəxslərin hüquqlarına və qanuni mənafelərinə, yaxud cəmiyyətin və ya dövlətin qanunla qorunan mənafelərinə mühüm zərər vurduqda), 311.3.3-cü (rüşvət alma (passiv rüşvətxorluq), külli miqdarda törədildikdə) və 313-cü (vəzifə saxtakarlığı) maddələri ilə ittiham elan olunub.(report)

Oxşar xəbərlər

Məhkəmə həbsdə olan sabiq icra başçısı barədə qərar verdi - Yenilənib
Məhkəmə Vilyam Hacıyevin şikayətini təmin etmədi
Bu gün Vilyam Hacıyevin şikayətinə baxılacaq
Həbsdəki sabiq icra başçısı koronavirusa yoluxdu
Həbs edilən icra başçısının oğlu bu rayona müstəntiq təyin edildi
Tutulan sabiq icra başçısı məhkəməyə gətirildi
Sabiq icra başçısının həbs müddəti daha 2 ay uzadılıb
Məhkəmə həbsdəki sabiq icra başçısı ilə bağlı qərar verdi
DTX Vilyam Hacıyevi belə həbs edib - VİDEO
Sabiq icra başçısının həbs müddəti uzadıldı
XİN-in sabiq vəzifəli şəxslərinin ev dustaqlığının müddəti uzadıldı
İcra başçısı və vəzifəli şəxslərin həbs müddəti uzadılır
Məhkəmə Eldar Həsənovla bağlı QƏRAR VERDİ
DTX-nin həbs etdiyi icra başçısı məhkəməyə çıxarılır
Vilyam Hacıyevə rüşvət verən şəxs necə oldu təkrar vəzifəyə qaytarıldı... - İLGİNC FAKT
Bu gün Eldar Həsənovun ev dustaqlığına buraxılmasına dair şikayətinə baxılacaq
Sabiq baş memarın həbs müddəti uzadıldı
Həbsdə olan sabiq rəis məhkəməyə gətirilib - Yenilənib
"Kürd Elnur"un həbs müddəti uzadıldı
Azərbaycanda icra başçısı belə tutuldu - ANBAAN VİDEO
Vilyam Hacıyevin çökdürdüyü sahibkar DANIŞDI
Rasim Məmmədov barəsində həbs qətimkan tədbiri seçildi
Həbs olunan daha bir icra başçısının oğlu müstəntiq təyin edildi
Həbsdə olan sabiq rəis ev dustaqlığına çıxmaq üçün vəsatət verib
Həbs olunan sabiq icra başçısını hansı cəza gözləyir?
İmişlidə başçı dəyişsə də, tender oyunbazlığı davam edir... - FAKT
XİN-in həbsdə olan iki vəzifəli şəxsi ev dustaqlığına buraxıldı
İcra başçısı həbs olunan rayonun məmuru intihar etdi
Rüşvət üstündə tutulan məmur həbs olundu
Maşallah Əhmədov DTX-yə çağırılıb? - AÇIQLAMA