“Ermənistan Zəngəzur dəhlizinin icrasına əngəl törətmək istəyir” – Əliyevdən açıqlama
5-03-2021, 17:15
88

“Ermənistan Zəngəzur dəhlizinin icrasına əngəl törətmək istəyir” – Əliyevdən açıqlama

“Mən demək olar ki, bütün çıxışlarımda, beynəlxalq müstəvidə bütün tədbirlərdə bu məsələni dilə gətirirdim, münaqişəni dilə gətirirdim. Bilirdim ki, gənc nəslin tərbiyə edilməsində bu amil həlledici olacaq. Amma, baxın, görün, bizi nəyə sürükləyirdilər bəzi qeyri-hökumət təşkilatları, bəzi guya sülhsevər dairələr ki, gəlin, bax indi vətəndaş cəmiyyətinin nümayəndələri, digər nümayəndələr bir-biri ilə görüşsünlər, əməkdaşlıq olsun, Ermənistanla Azərbaycan əməkdaşlıq etsin. Mən bu sözləri ən böyük kürsülərdən, bir çox ikitərəfli görüşlərdə çox eşitmişdim ki, siz əməkdaşlıq etməlisiniz, əməkdaşlıq etsəniz, siz Qarabağda yaşayanları inandıra bilsəniz, Ermənistan əgər görsə ki, Azərbaycan xoşniyyət göstərir, onda məsələ həll olunacaq. Başımızı aldatmaq istəyirdilər”.
Bunu prezident İlham Əliyev YAP-ın bu gün keçirilən qurultayında deyib. O, çıxışını belə davam etdirib:
“Mən isə deyirdim ki, əməkdaşlıq ancaq o təqdirdə ola bilər ki, düşmən torpaqlarımızdan çıxsın. Bax, yenə də sözümə sadiqəm. İndi düşmən özü çıxmayıb biz onu rədd eləmişik, qovmuşuq, eyni zamanda, əməkdaşlığa hazırıq. Azərbaycan-Ermənistan-Rusiya Baş nazirlərinin müavinləri artıq neçə dəfə artıq görüşüblər. Nə barədə danışırlar? Əməkdaşlıq barəsində. Biz əməkdaşlığın əleyhinəyikmi? Yox! 
İndi Ermənistan əməkdaşlıqdan boyun qaçırır. İndi Ermənistan Zəngəzur dəhlizinin icrasına əngəl törətmək istəyir. Amma nail ola bilməyəcək. Məcbur edəcəyik onları, məcbur edəcəyik. Necə ki, qovmuşuq torpaqlarımızdan, bütün istədiyimizə nail olacağıq. Amma o vaxt Ermənistanla əməkdaşlıq etmək bizim işimizə gələrdimi? Əlbəttə ki, yox. Nə qədər deyirdilər ki, qoy, vətəndaş cəmiyyətinin nümayəndələri gəlsinlər, görüşsünlər. Bir müddət belə görüşlər var idi. Amma biz gördük ki, burada əsas mahiyyət kənarda qalır. Sanki müharibə olmayıb. Xocalı soyqırımı olmayıb. Bizim qaçqınlarımız, köçkünlərimiz sanki öz torpaqlarından ermənilər tərəfindən qovulmayıb. Binalarımız, məscidlərimiz dağıdılmayıb. Biz bunu necə unuda bilərik? Nə qədər çalışdılar bizi inandırsınlar ki, neft kəmərlərimiz Ermənistan ərazisindən keçsin. Mən buna rədd cavabı verəndə ondan sonra Bakı-Tbilisi-Ceyhan neft kəmərinin maliyyələşməsini bir il yubatdılar. O vaxt biz kreditlərə möhtac idik. Aparıcı beynəlxalq maliyyə qurumları bir il kredit vermədilər ki, bizi məcbur etsinlər buna. Dedim ki, vermirlər, necə deyərlər, cəhənnəmə verməsinlər, özümüz vəsait taparıq.
Bax bu reallığı biz yaratmışıq və yenə də deyirəm, mənəvi hazırlıq həlledici rol oynamışdır. Gənc nəsil yetişdi, Vətənə sevgi, düşmənə nifrət hissi ilə yetişdi və bu gənc nəsil torpaqlarımızı işğalçılardan azad etdi. Mən demişəm ki, torpaqlarımızın azad edilməsində bütün nəsillərin nümayəndələri uğurlu fəaliyyət göstərib, ancaq döyüşdə iştirak edənlərin mütləq əksəriyyəti 2003-cü ildə mən hakimiyyətə gələndə uşaq olan insanlardır. Onlar yetişdi, onlar vətənpərvərlik və fədakarlıq göstərərək canlarından keçdilər, şəhid oldular, qazi oldular, qəhrəmanlıq göstərdilər və tarixi ədaləti bərpa etdilər”.

Oxşar xəbərlər

Prezident İlham Əliyev Bakıda Türkdilli Dövlətlərin Əməkdaşlıq Şurasının VII Zirvə Görüşündə iştirak edib
“İşğalçını öz adı ilə çağırmaq istəmirdilər” – İlham Əliyev
“Ərdoğan Putindən müsbət cavab alıb” - Politoloq
“Azərbaycan Naxçıvanla, Türkiyə ilə birləşir”
Biz region ölkələri, Avropa İttifaqı arasında çox nadir əməkdaşlıq formatını yaratmışıq - Prezident İlham Əliyev
Prezident İlham Əliyev Türkdilli Dövlətlərin Əməkdaşlıq Şurasının Baş katibini qəbul edib
40 min pakistanlı Azərbaycana gəldi – RƏSMİ AÇIQLAMA
“Sizin qatarınız getdi, amma özünüzü yaxşı aparsanız...” – İlham Əliyevin şərti
İlham Əliyev İtaliya nümayəndə heyətini qəbul edib - FOTO
“UNESCO hər hansı ölkənin filialı deyil” - Dövlət başçısı
İki ölkə arasında əməkdaşlığa dair yeni sənəd imzalanacaq
AzTU ilə Macarıstanın Debresen Universiteti əməkdaşlıq edəcək
Naxçıvana iki dəhliz ola bilər - Prezident açıqladı
İlham Əliyev müxalifətin dəstəyindən danışdı
İlham Əliyevdən qondarma "DQR"i tanımaq istəyən ölkələrə XƏBƏRDARLIQ
Azərbaycan Ermənistanı əməkdaşlığa dəvət edir – “Ədavətə son qoymalıyıq”
Ceyhun Bayramov Özbəkistan səfiri ilə görüşdü
Özbəkistan Prezidenti Azərbaycana səfər edəcək
“Bizim məscidlərimizdə donuz saxlayan özü donuzdur” – İlham Əliyev
İlham Əliyev AŞPA-nı sərt tənqid etdi
“Naxçıvan dəhlizinin açılması ucuzlaşmaya səbəb olacaq”
Dövlət qurumu ilə əməkdaşlıq edən şirkət ləğv edildi
"İndi onlar ciddi məğlubiyyət acısını yaşayırlar" - İlham Əliyev
Putin və Ərdoğan daim dialoqdadırlar - Rəsmi Moskva
İlham Əliyev Mun Hini qəbul etdi
Gürcü nazirdən Ermənistana ULTİMATUM
Kremldən Naxçıvanla sərhəddə vurulan helikopterlə bağlı AÇIQLAMA
“Bu günlərdə bizə dəstək olanları heç vaxt unutmayacağıq” - Dövlət başçısı
Çin Azərbaycana pulsuz vaksin göndərir
Azərbaycandan Ermənistana əməkdaşlıq təklifi - “Ya qəbul etməlidirlər, ya da rədd olub getməlidirlər!“