“XƏZƏR ADALARI”NA “SİLİNƏN” MİLYARDIN QARABAĞ SAVAŞINDAKI ƏKS-SƏDASI... – Fırıldaq layihələrin müəllifi niyə yoxa çıxıb?
18-03-2021, 16:40
115

“XƏZƏR ADALARI”NA “SİLİNƏN” MİLYARDIN QARABAĞ SAVAŞINDAKI ƏKS-SƏDASI... – Fırıldaq layihələrin müəllifi niyə yoxa çıxıb?

General Rövşən Əkbərovun həbsilə bağlı cinayət işində Diaspora ilə iş üzrə Dövlət Komitəsinin sabiq sədri Nazim İbrahimovun da adının hallanmasına dair məlumatlar istər-istəməz “İbrahimov qardaşları” mövzusunu bir daha gündəmə gətirmiş oldu.

Xatırladaq ki, general Əkbərovun 2001-ci ildə qətlə yetirdiyi iddia edilən iş adamı Elçin Əliyevin anası bununla bağlı cinayət işinə Nazim İbrahimovun da cəlb edilməli olduğunu demişdi. Təbii ki, bu işdə N.İbrahimovun iştirakının nədən ibarət olduğu barədə birmənalı fikir söyləməkdən uzağıq. Ancaq maraqlı olan daha çox N.İbrahimov da daxil olmaqla İbrahimov qardaşlarının adının əsas etibarilə kriminal, korrupsiya, külli miqdarda dələduzluq, fırıldaqçılıq, mənimsəmə və digər bu tip cinayətlərdə hallanmasıdır.

Məlum olduğu kimi, N.İbrahimovun vaxtilə rəhbərlik etdiyi komitə ən korrupsiyalaşmış qurumlardan biri kimi təqdim olunurdu, eləcə də dövlət məmuru olmasına rəğmən onun özünə aid böyük bizneslərinin olduğu barədə məlumatlar vardı.

Qardaşı Sahib İbrahimov isə rəsmən Cinayət Məcəlləsinin 178.3.2-ci (dələduzluq; külli miqdarda törədildikdə) və 308-ci (vəzifə səlahiyyətlərindən sui-istifadə) maddələri ilə ittiham olunub. İş adamı hesab olunan bu şəxs barəsində həbs qətimkan tədbiri seçilib, lakin bir müddət sonra azadlığa buraxılıb.

Onun sahibi olduğu tikinti şirkətinin vətəndaşları aldatması ilə bağlı dəfələrlə mətbuatda şikayətlər dərc olunub, şikayətçilər müqavilə əsasında şirkətə pul ödəsələr də, mənzillərin onlara verilmədiyini bildiriblər...

İbrahimov qardaşları arasında “ən populyarı” isə təbii ki, “Hacı” İbrahim Nehrəmli kimi tanınan İbrahim İbrahimovdur.

Yeri gəlmişkən, bu şəxs Azərbaycanda “Hacı” anlayışını dəyərdən salan, lağ-lağı obyektinə çevirən əsas fiqurlardan biri kimi təqdim olunur. İstintaq materialları və mətbuatda dərc olunan faktlar göstərir ki, məhz həmin bu “Hacı” digər qardaşlarından da daha irəli gedərək, xüsusilə “Beynəlxalq Bank işi”ndə “gül vurub”.

Götürüb qaytarmadığı kreditn həcminə görə liderlər sırasında olan “Hacı İbrahim”in Beynəlxalq Bankdan 850 milyon manat, yəni həmin dövrun kursu ilə 1 milyard dollardan artıq pul götürdüyü üzə çıxıb. Özü də bu vəsait ilk başdan mifik görünən, sonradan fırıldaq tələsindən başqa heç nə olmadığı məlum olan “Xəzər Adaları” adlı layihə üçün götürülüb və mənimsənilib.

Sonradan mətbuatın yazdığına görə, həmin pulların böyük qismi xaricdə biznes qurmağa, şəxsi təyyarəyə, bahalı avtomobillərə, gözəllik yarışlarına, katibələr üçün alınan yüz min dollarlıq “cip”lərə, səyahətlərə və s. xərclənib. Yəni “yeyilib, üstündən su da içilib”.

Bəs sonra nə oldu? Heç nə - həmin bu “Hacı” DİN Mütəşəkkil Cinayətkarlığa Qarşı Mübarizə Baş İdarəsinin (MCQMBİ) zirzəmisində 10-15 gecə saxlanıldıqdan sonra, krediti ödəmək öhdəliyi götürərək azadlığa çıxsa da, bunun çox cüzi bir hissəsini qaytardı.

Hətta bir müddət sonra Beynəlxalq Banka qalan 800 milyondan artıq borcunu qaytarmaqdan imtina etdi. Xəzər dənizinin sahilində tikdiyi 4-5 yarımçıq binanı Beynəlxalq Bankdan götürdüyü kreditlərlə əvəzləməyə çalışdı və belə görünür ki, buna da nail oldu.

Sən demə nə vaxtsa Beynəlxalq Bankın onunla məlum əlaqədə olan rəhbərliyi “Hacı”nın “Xəzər Adaları”ndakı 5 yarımçıq obyektini qiymətləndirib və onlara 1,5 milyard manat kimi fantastik qiymət kəsib. Hansı ki, bu vəsaitə 4-5 bina tikmək yox, normal bir şəhər salmaq olardı…
Nəhayət, bütün bunlara baxmayaraq, bu gün kimlərinsə himayədarlığı sayəsində “Hacı” İbrahim azadlıqdadır, onun Beynəlxalq Bankdan götürdüyü və sonradan dövlətin, xalqın “belinə yüklənən” 1 milyardın əvəzində isə ortada dəyəri 50 milyon da etməyən 4-5 sınıq-salxaq yarımçıq bina var. Bu da oldu “haqq-ədalətin zəfəri”.

Təəssüf ki, Azərbaycan reallıqlarında belə şəxslərin “sudan quru çıxması” adi hala çevrilib.

Ancaq bununla yanaşı, istər-istəməz sual yaranır ki, bəs xalqın yüz milyonlarını “əridən” belələri müharibə günlərində və ondan sonra harada idilər?

Elə həmin bu İbrahimov qardaşlarının müharibə və ondan sonrakı dövrdə hansısa şəhid, qazi, yaralı ailəsinə kömək etdiyini, “Yaşat” Fondu və digər qurumlara vəsait ödədiyini görən, bilən varmı? Elə Beynəlxalq Bankdan götürülən və sözün əsl mənasında talanan 1 milyardın hansı hissəsi belə ailələrə paylanıb?

Hanı gözəllik yarışmaları təşkil edən, ordan-burdan qız çağırıb başına toplayan, utanmadan onlarla pozlar verib şəkil çəkdirən, bahalı konyak içməsilə öyünən həmin bu “Hacı”?...

Bu sualları çoxaltmaq da olar. Ancaq əsas sual odur ki, nədən dövlət belələrindən ibarət “iş adamı” adı altında fırıldaqçı, dələduz dəstəsinə çevrilən bir zümrə formalaşmasına imkan verib?

Çox təəəssüf ki, ölkənin aparıcı mətbuat orqanlarının rəhbərlərinin də əksəriyyəti şəxsi maraqları naminə belələrinin təbliğatçısına çevrilir, onları ifşa etmək əvəzinə, dövləti talamasında, milləti aldatmasında iştirak edirlər. Nəyə görə, hər kəsə aydındır!

İndi isə bunlar mənimsədikləri və sonradan dövlətin belinə yüklənən pullarla yenə kefdə-damaqdadırlar, lyuks həyat keçirirlər, şəhid, yaralı, qazi ailəsi isə ehtiyac içindədir. Niyə? Soruşan varmı ki, təkcə həmin bu “Hacı”ya verilən 1 milyarda neçə şəhid, qazi ailəsini mənzillə, övladlarını təhsillə, normal dolanışıqla təmin etmək, neçə yaralımızı müalicə edib həyata

Son zamanlar mətbuatda sabiq məmurların oğurladıqları yüz milyonların, milyardların büdcəyə qaytarılmasının zəruriliyinə dair tez-tez materiallar dərc edildi. Səlim Müslümovun həbsi, bəzi “sabiqlərin” istintaqa cəlb edilməsi və s. proseslərin də şahidi olduq.

Ancaq yaxşı olar ki, “iş adamı” adı altında kimlərinsə “kölgəsində” dövlətin külli miqdarda vəsaitini mənimsəmiş, xalqa, dövlətə kələk gəlmiş şəxslər də “yada salınsın”. Çünki onların mənimsədikləri hər manatda bu gün sosial dəstəyə, normal yaşayışa, mənzilə və s. ehtiyacı olan adi vətəndaşın, eləcə də şəhidin, qazinin haqqı var!

“AzPolitika.info”

Oxşar xəbərlər

Rövşən Əkbərov işində yeni detallar: Nazim İbrahimov da məsuliyyətə cəlb oluna bilər
Polkovnik Elxan İbrahimov vəzifəsindən AZAD EDİLDİ - ÖZƏL
Diaspora ilə İş üzrə Dövlət Komitəsinin sabiq sədri Nazim İbrahimovun Almaniyadakı iri avtomobil satış mərkəzi bağlanır
ATV-nin keçmiş prezidenti biznesini xaricə köçürdü
Rövşən Əkbərovun 19 il bağlı qalan cinayət dosyesi - Bəs niyə həbs edilmir?
Fuad Muradovun İsveçrə sərgüzəştləri: - Rəsmi Bernin notası Bakıya niyə yetişməyib?
Hadrutda Mübariz İbrahimovun şəkli ucaldıldı - FOTO
Rövşən Əkbərovun yerinə bu general TƏYİN OLUNDU - FOTO
Professor oğlu olan universitet müəllimi külli miqdarda dələduzluqda ittiham olunur
ATV-nin keçmiş sahibinin Londondakı şirkəti ləğv olundu
"Baku Steel”in yeni direktoru Kamal İbrahimov hansı tanınmışın bacısı oğludur? – Maraqlı DOSYE
Sərvət toplamağa başı elə qarışmışdı ki... - İLGİNC SİYAHI
Vəzifədən uzaqlaşdırılan generalın milyonluq biznes SİYAHISI
Rövşən Əkbərov bu xalq artistləri ilə tez-tez görüşürmüş - İLGİNC
Rövşən Əkbərovun şok biznes siyahısı — Restoranlar, ticarət mərkəzləri, yaxta...
Rövşən Əkbərov TƏHLÜKƏSİ... - Onun qorxusundan ata oğlundan, dost dostundan imtina edirdi
Rövşən Əkbərov ordudan kənarlaşdırılıb: “Ordu ilə heç bir əlaqəm yoxdur”
Sabiq hakim Lətif Nəbiyev yarım milyon manatı niyə alıb? – Təfərrüat
Arvadının universitet müəllimləri ilə intim əlaqəsindən şübhələndi — Bakıda şok olay
Mənsum İbrahimovun qardaşı oğlu şəhid oldu - FOTO
Bu gün Mübariz İbrahimovun doğum günüdür
Ferma sahibi çobanı armud gətirməyə göndərdi, arvadını... - AZƏRBAYCANDA ŞOK OLAY
Rövşən Əkbərovu Avropa Məhkəməsindən qoruyanlar da CAVAB VERƏCƏKMİ? - İLGİNC GƏLİŞMƏ
Nazir Rövşən Əkbərovun bacısı oğluna yeni VƏZİFƏ VERDİ
Sabiq deputat DTX-da dindirilib
Mübariz İbrahimovun xatirəsi yad edilib
Cəlilabadın sabiq icra başçısının ittihamları məlum oldu - külli miqdarda rüşvət almaqda təqsirləndirilir
Rövşən Əkbərovu Vilayət Quliyev həbsdən xilas edib – Şok iddia
Sabiq hakim 100 min manatlıq dələduzluqda ittiham edilir
Tanınmış vəkil məhkəmə zalında həbs edildi