General oğlu vasitəsilə ölkədən 100 milyon pul çıxarıb…
19-03-2021, 10:12
97

General oğlu vasitəsilə ölkədən 100 milyon pul çıxarıb…

Ədliyyə Nazirliyi İcra Baş İdarəsinin sabiq rəisi Nurəddin Mustafayevin adı yeni qalmaqalın mərkəzindədir. Sabiq baş icra məmurunun adı yenə də dələduzluq işinə qarışıb.
İş adamlarından üst-üstə 224 min manatlıq işin görülməsi üçün 100 min manata yaxın rüşvət alan Nurəddin Mustafayev sonradan yaxasını kənara çəkib. İş adamları sənədləri, sübutları toplayaraq istintaq orqanlarına müraciət etməyə hazırlaşırlar.
Ötən ilin ortalarında Nurəddin Mustafayevin adı məşhur iş adamı Hafiz Məmmədovdan vəkil İsmayıl Kəngərlinin vasitəsilə 100 min manat rüşvət alaraq, qarşılığında vəd etdiyi işi görmədiyinə görə diqqət mərkəzinə gəlmişdi. Məlum olmuşdu ki, “Hafka”nın iddiası üzrə çıxarılan məhkəmə qərarlarının icrasına görə Nurəddin Mustafayev vəzifə cinayəti edib, rüşvət alıb. Bu barədə ölkə mediası yüzlərlə xəbər yaydı. Yayılan məlumatlarda o da iddia olunurdu ki, o hələ vəzifədə olarkən 4 gün ərzində Baş prokuror yanında Korrupsiyaya qarşı Mübarizə Baş İdarəsində dindirilib. Sonradan bu məsələlər səngidi.
Bununla belə Nurəddin Mustafayevin bir çox oxşar əməlləri də var. Qeyd olunur ki, dələduzluq, rüşvət əməllərinə görə işdən qovulsa da, bu gün də məhkəmə qərarları ilə müsadirə edilmiş əmlaklar sabiq baş icra məmuruna milyonlar qazandırır. Belə ki, onun adı “Hidayətoğlu” hərrac şirkətinə bağlıdır. Hələ vəzifədə olarkən o, bu hərrac şirkətini vəzifə səlahiyyətlərindən sui-istifadə edərək sahibi Elnur adlı şəxsdən alıb. İlkin olaraq şirkətin 50 faizini, sonradan isə hissə-hissə tam olaraq alıb. Belə ki, bütün İcra Şöbələri hərrac əməliyyatlarını məhz bu şirkətə yönəltməklə, Baş İdarə rəisinin külli miqdarda qazanc əldə etməsini təmin ediblər. Məlumata görə, təkcə bu hərrac əməliyyatları üzərindən Nurəddin Mustafayevin rəsmi illik gəliri 3-4 milyon manat olub. Faktiki olaraq isə Nurəddin Mustafayev hərracdan ildə 20-30 milyon qazanıb.
Təkcə 2019-cu ildə “Hidayətoğlu” üzərindən həyata keçirilən həracların dövriyyəsi 54 milyon manat olub.
Hərraca Nurəddin Mustafayev qohumu Faiq Nəcəfov vasitəsi ilə nəzarət edib. Oğlu Anar Mustafayev isə hərracdan əldə olunan qızılların Qətərə göndərilməsi işinə baxıb.
Ümumiyyətlə isə hərracda iş bölgüsü belə olub: Nurəddin Mustafayevin yaxını Xəqani Zeynalov və qardaşı Nəsimi Zeynalov bir qayda olaraq qızıl hərraclarının qalibi olublar. Nurəddin Mustafayevin “sağmal inəyi” “Hidayətoğlu”dan qazancının necə formalaşması haqda təsəvvür yaransın deyə çoxaylı hərraclardan yalnız biri haqda məlumatı bölüşək: 110 manatlıq qızılı hərracda 11 manata satılıb və alıcı əlbəttə ki, Mustafayevin yaxını Xəqani Zeynalov olub. 
Hərrac üzərindən satılan maşınların alıcısı isə bir qayda olaraq Nurəddin Mustafayevin yaxın ətrafına daxil olan İlyas adlı şəxs olub. Beləcə, Nurəddin Mustafayev varlandıqca-varlanıb, üstəlik icra işləri ilə bağlı rüşvət almaqdan da çəkinməyib. Nurəddin Mustafayevin ölkədən oğlu Anar Mustafayevin əli ilə 100 milyon manatlıq qızıl çıxarması haqda iddialar da var. Ümumiyyətlə isə Nurəddin Mustafayevin vəzifədə olduğu müddətdə məhkəmə qərarları ilə müsadirə olunan əmlak və qızıl-zinət əşyalarının, alınan borcların təxminən yarısına əl qoyduğu iddiası da var. Onun bu yolla olduqca böyük varidata sahibləndiyi, təxminən yarım milyard ələ keçirə bildiyi də gələn məlumatlar sırasındadır.(musavat.com)

Oxşar xəbərlər

General Nurəddin Mustafayev adı yeni qalmaqalın mərkəzində! - 100 milyonluq qızıl ölkədən necə çıxarılıb?
“Hafka” generalla 100 minlik qalmaqaldan danışdı: "Bizim kiminlə problemimiz var ki?"
Generalın işdən çıxarılmasının sensasion səbəbi - 100 min rüşvət alması ilə bağlı səs yazısı var
Ədliyyə Nazirliyinin idarə rəisi işdən qovuldu - Həbs edilə bilər...
Gəncə şəhər İcra Hakimiyyətinin saxlanılan sabiq vəzifəli şəxsləri məhkəməyə gətirildi
İşdən çıxarılan məmur:"Dedi-qoduya uymasınlar"
Sabiq icra başçısının həbs müddəti daha 2 ay uzadılıb
Kürdəmirdə təhsil almaq problemdir - GİLEY
Yüz minlərlə manat rüşvətə görə həbs edilən sabiq icra başçısından xəbər var
Cəlilabadın sabiq icra başçısının ittihamları məlum oldu - külli miqdarda rüşvət almaqda təqsirləndirilir
Məhkəmə həbsdəki sabiq icra başçısı ilə bağlı qərar verdi
Gəncə Şəhər İcra Hakimiyyəti həbslərlə bağlı məlumat yaydı
Saxlanılan icra başçısının ittihamları məlum oldu
İcra başçısının həbs müddəti artırılır
Həbs olunan məmurlar: “Yatıb çıxanlar" da var, hökm gözləyənlər də... - İLGİNC ARAŞDIRMA
Rüşvət üstündə tutulan məmur həbs olundu
Şairin qardaşı rüşvət vermədi, icra məmurunun qəzəbinə gəldi
Elmar Vəliyevə yaxın olan iki sabiq məmur saxlanıldı
Ceyhun Cəfərov məhkəməyə gətirildi
Deputatın qardaşı oğluna hökm oxundu
Deputatın qardaşı oğluna cinayət işi açıldı
Bakıda məktəb direktoruna cinayət işi açıldı - Korrupsiya
Nizami Xudiyevin prokuror oğlu işdən çıxarıldı
İş adamına itki üz verdi
Sex rəhbərindən rüşvət alan vergi müfəttişlərinin işi məhkəməyə göndərildi
Gədəbəy icra hakimiyyətində DOST MMC alveri və vəzifə təyinatları - FOTOFAKT
Kürdəmir Regional Mədəniyyət İdarəsinin Rəisi Həbs Oluna Bilər-Görünəni Budur…
Həbsdə olan sabiq icra başçısının məhkəməsi başlayır
İcra başçısı şöbə müdirini İŞDƏN ÇIXARDI
Rüşvət üstündə saxlanılan şöbə müdirinin məhkəməsi başlayır