İşığın qiymətinin iki dəfə qalxması aktuallaşır
8-04-2021, 10:07
39

İşığın qiymətinin iki dəfə qalxması aktuallaşır

Sosial şəbəkə istifadəçiləri iddia edirlər ki, ilin əvvəlində yanacaq və su tariflərinə dəyişiklik ediləndən sonra işıq pulunun da bahalaşması o qədər də uzaqda deyil. Bildirilir ki, qiymətlərin ikiqat bahalaşması gözlənilir.
“Azərişıq” Açıq Səhmdar Cəmiyyəti 2019-cu ili 54,9 milyon manat xalis zərərlə başa vurub. Halbuki qurum 2018-ci ildən 12,9 milyon manat xalis mənfəətlə çıxmışdı. Bundan əlavə, şirkətin dövlət büdcəsinə 3 milyon 90 mindən çox vergi borcu yaranıb.
Hesablama Palatası qeyd edir ki, adıçəkilən dövlət şirkətlərinin dövlət zəmanətli kreditlər üzrə öhdəliklərinin bir hissəsinin Təminat Fondundan və dövlət büdcəsindən ödənilməsi, maliyyə təsərrüfat fəaliyyətlərinin zərərlə başa vurulması 2021-ci ildə qeyd olunan mənbədə nəzərdə tutulmuş gəlirlər üzrə risklər formalaşdırır. Bəzi ekspertlərin fikrincə, bütün bunlar elektrik enerjisinin qiymətlərində dəyişiklik edilməsinə gətirib çıxaracaq.
“Azərişıq” Açıq Səhmdar Cəmiyyətinin mətbuat xidmətindən “Turan”a bildirilib ki, qurum tariflərin dəyişdirilməsi üçün Tarif Şurasına müraciət etməyib:
“Bu, tamamilə əsassız məlumatlardır. Qiymətlərin artırılması ilə bağlı müraciət edilməmişdi”.
Lakin qurumdan indiki tariflərin qənaətbəxş olub-olmaması ilə bağlı suala cavab verə bilməyəcəklərini qeyd ediblər.
İqtisadçı Natiq Cəfərli isə AzadlıqRadiosuna bildirib ki, yanvar ayında “Azəriqaz” rəsmi şəkildə tariflərin qaldırılması ilə bağlı Tarif Şurasına müraciət etmişdi:
“Lakin benzin və dizel yanacağının qiymətləri artırıldı, təbii qazla bağlı isə məsələ ertələndi. Bu o deməkdir ki, təbii inhisarçılar olan dövlət şirkətləri özlərinin zay idarəetməsindən nəticə çıxarmayaraq, gərəksiz xərclərin azalmasını düşünməyərək ancaq qiymət artımı yolu ilə ziyanla işləməkdən və dövlət büdcəsindən dotasiyaların azalmasından sığortalanmaq istəyirlər”.
İqtisadçı vurğulayıb ki, kommunal xidmətlərin tarifinin artması ehtimalı həmişə gündəmdə olacaq: “Əgər dövlətdən ayrılan dotasiyaların azaldılması siyasəti yürüdülürsə, əlavə vəsaitlərə ehtiyac yaranır. Belə görünür ki, əlavə vəsaiti xərclərin azaldılması, idarəetmənin optimallaşdırılması yolu ilə əldə etməyi düşünmürlər, bunu ancaq tariflərin artırılması yolu ilə büdcədən alacaqları kompensasiyanın kəsilməsi şəraitində əlavə vəsait əldə etməsini düşünürlər. Ona görə də həm “Azərişıq”, həm “Azəriqaz”ın belə bir təkliflə Tarif Şurasına müraciət etməsi heç də təəccüblü görünmür”.
Ekspertin fiktincə, qiymətlərin artırılmasına ehtiyac yoxdur: “Çünki Azərbaycanda əhaliyə satılan elektrik enerjisinin və qazın qiymətləri vətəndaşların alıcılıq qabiliyyətini və gəlirlilik səviyyəsini, həmçinin qazın və işığın şişirdilmiş dəyərini nəzərə alaraq hətta indiki qiymətlər heç də ucuz deyil. Azərbaycanda insanların alıcılıq qabiliyyətinə görə bu qiymətlər hətta bir az bahadır, çünki qazın və elektrik enerjisinin istehlak həcminə limitlər də qoyulub. Ona görə də tariflərin artırılmasına ehtiyac yoxdur”.
Qeyd edək ki, Azərbaycanda elektrik enerjisinin son bahalaşması 2016-cı ildə baş verib. 2016-cı il iyulun 15-dən Tarif Şurasının qərarı ilə bir kilovat-saat elektrik enerjisinin topdansatış tarifi 4,3 qəpik, pərakəndə satış tarifi isə 7 qəpik müəyyən edilib.

Oxşar xəbərlər

Azərbaycanda elektrikin qiyməti iki dəfə qalxacaq? - Açıqlama
Bir ildə 39 milyonluq xalis zərər: Yelo Bankda nə baş verir?
Səfər Mehdiyev büdcəyə hər gün daha az ödəyir
Gələn il Azərbaycanda 30 minə yaxın iş yeri açılacaq
Beynəlxalq Bankın mənfəəti 57%-dən çox AZALDI
Ramiz Mehdiyevin bankı bağlanır?
Azərbaycanın dövlət borcu açıqlandı
“AFB Bank” 3 dəfədən çox kiçilib - RƏQƏMLƏR
"Bakı Metropoliteni”nin dövlətə vergi borcu - 9 milyonu keçdi
Həbs edildiyi deyilən Rasim Məmmədovun 3,3 milyon manat vergi borcu var - İLGİNC
Dövlət agentliyi 2.2 milyonluq sifariş verib
İşığın qiyməti qalxacaq? - RƏSMİ AÇIQLAMA
"Bank BTB”-dən 9 milyondan çox zərər - HESABAT
“UniBank”ın xalis mənfəəti 54%-dən çox azaldı - RƏQƏMLƏR
“Bank VTb Azərbaycan” 2020-ci ili zərərlə başa vurdu - RƏQƏMLƏR
“Bank of Baku”nın xalis mənfəəti 48%-dən çox azaldı
Elman Rüstəmovun qızı ilə Əhmədzadənin oğluna məxsus Londondakı şirkətin 12,5 milyonluq borcu… - FOTOFAKT
Azərbaycanda bu bank 15 milyon manat cərimə edildi
Karantin dövründə bu qurumların əməkdaşları küçəyə çıxa biləcək
Azərbaycandan xaricə milyonlarla dollar məhsul satan bu şəxslər vergiləri vaxtında ödəmirlər - SİYAHI
"Bakı Metropoliteni"nə 40 milyon manat subsidiya veriləcək
"Access Bank" yığılmış zərəri ilə nə edəcək? - Səhmdarlar kömək edəcəkmi?
BNA rəhbərinin 3 milyonluq şübhəli tenderi: Dövlətin pulu dəniz...
Sahibkarlara şad xəbər: 130 milyon manat kredit veriləcək
"Muğan Bank"ın bağlanmasına sayılı günlər - 40 milyonu tapa biləcəklərmi?
"Proqnozdan 200 milyon manat çox vergi toplanılıb" - Mikayıl Cabbarov
“Bank of Baku”nun xalis mənfəəti azalıb, əməliyyat mənfəəti artıb - RƏQƏMLƏR
Abid Şərifovun ailə üzvlərinə aid şirkətlərin 100 minlərlə vergi borcu var - Siyahı
Müştərilər “Bank Respublika”dan əmanətlərini geri çəkdilər - NƏ BAŞ VERİR?