Xudafərin-Qubadlı-Laçın yolunun tikintisinə başlanıldı - FOTOLAR
8-04-2021, 16:55
32

Xudafərin-Qubadlı-Laçın yolunun tikintisinə başlanıldı - FOTOLAR

Azərbaycan Avtomobil Yolları Dövlət Agentliyi (AAYDA) Ermənistanın işğalından azad edilmiş ərazilərdə yol infrastrukturunun yenidən qurulması istiqamətində genişmiqyaslı tikinti işləri həyata keçirir.
Bu barədə qurumdan bildirilib.
Məlumata görə, işğaldan azad edilmiş ərazilərdə icra olunan yol infrastrukturu layihələrindən biri Xudafərin-Qubadlı-Laçın və Xanlıq-Qubadlı avtomobil yollarıdır.
Başlanğıcını Hacıqabul-Mincivan-Zəngəzur dəhlizi magistral avtomobil yolunun Xudafərin su anbarı yaxınlığından keçən hissəsindən götürən Xudafərin-Qubadlı-Laçın avtomobil yolunun uzunluğu 66 kilometr təşkil edəcək. Sözügedən yolun Xanlıq yaşayış məntəqəsindən ayrılaraq Qubadlı şəhərinə qədər 17 kilometr uzunluğunda yeni avtomobil yolunun da inşası nəzərdə tutulub. Layihələndirilən yolların ümumi uzunluğu 83 kilometrdir.
Dövlət başçısının tapşırığına əsasən, Xudafərin-Qubadlı-Laçın və Xanlıq-Qubadlı avtomobill yolları Qarabağın inkişaf planı nəzərə alınmaqla 4 hərəkət zolaqlı olmaqla I texniki dərəcəyə uyğun olaraq inşa ediləcək. Artıq Xudafərin-Qubadlı-Laçın avtomobil yolunun Xudafərin su anbarı və Xanlıq yaşayış məntəqəsi arasında olan hissəsində tikinti işlərinə start verilib.
İş həcmi və layihənin qısa müddət ərzində yekunlaşdırılması tapşırığı nəzərə alınaraq tikintini AAYDA-nın “37 N-li Yol İstismarı” MMC ilə subpodratçı şirkət olaraq yol tikintisi sahəsində ixtisaslaşmış və ölkəmizdə indiyədək bir-neçə layihəni uğurla tamamlamış Türkiyənin Polat Yol Yapı San.və Tic. Anonim Şirkəti birgə icra edir.
Hazırda avtomobil yolunun qeyd edilən hissəsində torpaq işləri görülür. Belə ki, xüsusi texnikalardan istifadə olunmaqla yolun genişləndirilərək profilə salınması və I texniki dərəcəyə uyğun 21,5 metr enində yeni torpaq yatağının inşası işləri həyata keçirilir. Bunun üçün tikinti ərazisinə lazımi sayda qüvvə cəlb edilib.
Yeni inşa edilən yollar boyunca layihəyə uyğun suların ötürülməsinə təmin etmək məqsədi ilə dairəvi borular və düzbucaqlı su keçidləri, həmçinin zəruri olan yerlərdə 5 yeni avtomobil körpüsünün də inşası planlaşdırılır.
Yolun tikintisini qısa müddət ərzində icra edilməsini təmin etmək məqsədi ilə Xanlıq yaşayış məntəqəsi yaxınlığında yeni düşərgə inşa edilir. Düşərgədə asfalt-beton zavodu, maşın-mexanizmlərin saxlanılması və xidməti üçün xüsusi ərazi, həmçinin işçilər üçün hər bir şəraiti olan ofis, yeməkxana və dincəlmək üçün yerlər qurulur.
Yeni Xudafərin-Qubadlı-Laçın və Xanlıq-Qubadlı avtomobil yolları işğaldan azad edilmiş Zəngilan, Qubadlı və Laçın rayonlarının ərazisindən keçir. Avtomobil yolu Qubadlı və Laçın şəhərləri də daxil olmaqla sözügedən rayonların 30-dan artıq yaşayış məntəqəsini əhatə edəcək.
Əlaqələndirmə Qərargahının nəzdində fəaliyyət göstərən İdarələrarası Mərkəzin nəqliyyat, rabitə və yüksək texnologiyalar işçi qrupu çərçivəsində digər aidiyyəti dövlət qurumları ilə koordinasiyada həyata keçirilən bu yol layihəsi Qarabağın vahid nəqliyyat konsepsiyasının ayrılmaz tərkib hissəsini təşkil edir.
Ölkə prezidentinin 2020-ci il 24 noyabr tarixli sərəncamı ilə yaradılmış Əlaqələndirmə Qərargahına Prezident Administrasiyasının rəhbəri Samir Nuriyev rəhbərlik edir.
Xudafərin-Qubadlı-Laçın yolunun tikintisinə başlanıldı- FOTOLAR

Xudafərin-Qubadlı-Laçın yolunun tikintisinə başlanıldı- FOTOLAR

Xudafərin-Qubadlı-Laçın yolunun tikintisinə başlanıldı- FOTOLAR

Xudafərin-Qubadlı-Laçın yolunun tikintisinə başlanıldı- FOTOLAR

Oxşar xəbərlər

Qarabağda yeni avtomobil yolu çəkilir
Şuşadakı İsa bulağına yeni avtomobil yolu çəkiləcək
Azad olunmuş ərazilərdə yol infrastrukturu bu cür olacaq
İşğaldan azad olunmuş ərazilərdə yol infrastrukturu necə olacaq? - RƏSMİ
İlham Əliyev Hadrutda 2 yolun təməlini qoydu - Fotolar
Füzuli-Şuşa yolu ilə bağlı yeni AÇIQLAMA
Füzulidən Şuşaya çəkilən yol (FOTOLAR)
Kəlbəcərə yol çəkilişi başlandı
Qubadlı yolunun inşası yekunlaşmaq üzrədir - RƏSMİ
Qarabağa marşrut xətləri açılır: İlk istiqamətlər müəyyən olundu
Bu kəndlər də işğaldan azad edildi - Prezident açıqladı
Qarabağda yol tikintisi ilə bağlı RƏSMİ AÇIQLAMA
Şuşaya qədər olan yol istifadəyə verildi - FOTO
İlham Əliyev Qubada yol tikintisinə pul ayırdı
Bakıdan Naxçıvana yeni avtomobil yolu…
Prezident Qubadlı əməliyyatının sirlərini açdı: İlk növbədə, biz bu yüksəklikləri götürməli idik
Qubadlı şəhəri işğalçılardan azad edildi
Xudafərin ətrafında 2 ədəd partlamamış hərbi sursat aşkarlanıb - RƏSMİ
68 min əhalinin istifadə etdiyi yolun tikintisi yekunlaşmaq üzrədir - FOTOLAR
Qubadlı Rayon İcra Hakimiyyəti Qarabağ şəhidlərini belə yad etdi
Xudafərin gömrük-keçid məntəqəsi yaradılır
“Əsgərlərimiz arzularımızdan daha sürətli irəliləyirlər” - Ramiz Rövşən
Ordumuzun Laçın istiqamətində irəliləyişi nə yerdədir? - Polkovnik cavab verdi
Bakıda yeni tunel istifadəyə verildi
“Mən ona Milli Qəhrəman adı verdim” – İlham Əliyev
İşğaldan azad edilən ərazilər - TAM SİYAHI
İlham Əliyev Bakı-Quba yolunun açılışında iştirak etdi - FOTOLAR
Prezidentdən 6 min nəfəri sevindirəcək SƏRƏNCAM
Prezident sərəncam imzaladı: büdcədən 2,2 milyon manat ayrıldı
Cəbhənin Qubadlı istiqamətində düşmən mövqeləri ataraq qaçdı - RƏSMİ