Azərbaycan dənizdəki küləkdən enerji istehsal edəcək
14-04-2021, 18:03
40

Azərbaycan dənizdəki küləkdən enerji istehsal edəcək

Azərbaycanda bərpa olunan enerji sahəsinin inkişafı məqsədi ilə dənizdə külək enerjisi resursundan istifadə üzrə əməkdaşlığa dair Energetika Nazirliyi ilə Dünya Bankı Qrupunun üzvü Beynəlxalq Maliyyə Korporasiyası (IFC) arasında Anlaşma Memorandumu imzalanıb.
Bu memorandum Energetika Nazirliyi və Beynəlxalq Maliyyə Korporasiyasının ölkəmizdə bərpa olunan enerji mənbələrindən istifadənin təşviqi, həmçinin energetika sektorunun maliyyə davamlılığı və səmərəliliyinin artırılması üçün bu sahədə özəl sektorun iştirakının dəstəklənməsi kimi ümumi məqsədlər kontekstində imzalanıb.
Energetika naziri Pərviz Şahbazov deyib: 
“Bərpa olunan enerji dövlət başçısı cənab İlham Əliyev tərəfindən 2030-cu ilə qədər Azərbaycanın sosial-iqtisadi və şaxələndirilmiş  yeni inkişaf kursunun, eləcə də təmiz ətraf mühitə nail olmağın mühüm prioritetlərindən biri kimi müəyyənləşdirilib. Bərpa olunan enerjinin istehsal və istehlakda əhəmiyyətli mövqeyə malik olması dənizin də külək enerjisi potensialından istifadəni zəruri edir. Xəzər dənizinin zəngin enerji resursları yalnız karbohidrogen sənayesinin deyil, yaşıl enerji sektorunun inkişafı üçün də mühüm mənbədir. IFC ilə birgə əməkdaşlıq səyləri Azərbaycanda dənizdəki külək enerjisinin istehsalının inkişafına, habelə bərpa olunan enerjidən istifadə sahəsinə və karbon emissiyalarının azaldılmasına töhfə verəcək.”
Beynəlxalq Maliyyə Korporasiyasının Avropa və Mərkəzi Asiya üzrə direktoru Vibke Şloymer deyib: 
"IFC-nin Azərbaycan üzrə strateji prioritetlərindən biri ölkənin özəl sektorun iştirak etdiyi yeni inkişaf modelinə keçidini dəstəkləməkdir. Neft və qaz resursları ilə zəngin olan ölkənizə dənizdə külək enerjisi potensialının müəyyənləşdirilməsinə və inkişaf etdirilməsinə yardım etməklə özəl sektorun inkişafı gücləndirilə, eyni zamanda, enerji keçidi dəstəklənə bilər. Bu, Azərbaycanın infrastrukturunun inkişafında və iqlim dəyişikliyi ilə mübarizədə katalizator rolunu oynayacaqdır".
Memoranduma əsasən, IFC ilə əməkdaşlıq Azərbaycanda dənizdə külək enerjisi potensialının qiymətləndirilməsini və yol xəritəsinin işlənib-hazırlanmasını, növbəti mərhələdə isə dənizdə müvafiq layihələrlə bağlı tenderlərin təşkili, özəl sektorla tərəfdaşlığın müəyyənləşdirilməsi, yardımçı investisiyaların həyata keçirilməsi kimi dəstəkləri nəzərdə tutur. 
Anlaşma Memorandumu ilə nəzərdə tutulan bütün bu işlər IFC-nin “Dənizdə Külək Enerjisinin İnkişafı Proqramı” çərçivəsində yerinə yetiriləcək. Bu proqram Dünya Bankı Qrupunun təşəbbüsü olan “Enerji Sektorunun İdarəedilməsində Yardım Proqramı” - ESMAP çərçivəsində maliyyələşdirilir. ESMAP çərçivəsində aparılan ilkin təhlillərə görə, Azərbaycanda dənizdə külək enerjisinin texniki potensialı 157 QVt səviyyəsində qiymətləndirilir. 
Xatırladaq ki, 100-dən çox ölkədə fəaliyyət göstərəm Beynəlxalq Maliyyə Korporasiyasına Azərbaycan 1995-ci ildən üzvdür.

Oxşar xəbərlər

Azərbaycanla Türkiyə arasında yeni qaz kəməri ilə bağlı sənəd imzalanacaq
Energetika Nazirliyinə yeni mətbuat katibi təyin olundu
Türkiyədən Naxçıvana qaz tədarükü - Azərbaycan üçün bu, strateji əhəmiyyət daşıyır
İranla sərhəddə elektrik stansiyası tikiləcək
Azərbaycan-Belarus sənədləri imzalandı
Azərbaycan və İran razılığa gəldi
Prezident sərəncam imzaladı
Qarabağda qələbə iki ölkənin xeyrinə oldu - Nazir
Yüksək vəzifəyə təyin olunan Vüsal Musayev haqda maraqlı məlumatlar...
İlham Əliyevdən yeni SƏRƏNCAM
Azərbaycan-Qazaxıstan Hökumətlərarası Komissiyasının iclası keçiriləcək
“Azərenerji”nin idarə rəisinin müavini koronavirusdan vəfat etdi
Heydər Əliyev Fondu ilə UNİSEF arasında Anlaşma Memorandumu imzalanıb
İtaliyalı həmsədr Ermənistanın törətdiyi təxribatları qınayıb
Biz region ölkələri, Avropa İttifaqı arasında çox nadir əməkdaşlıq formatını yaratmışıq - Prezident İlham Əliyev
Putin bir gündə beş naziri istefaya göndərdi
İlham Əliyevdən qondarma "DQR"i tanımaq istəyən ölkələrə XƏBƏRDARLIQ
"Artıq bir çox reallaşan layihələrimiz var" - Dövlət başçısı
Prezident Pərviz Şahbazova yeni vəzifə VERDİ - SƏRƏNCAM
Deputat: ""Əsrin müqaviləsi" müstəqil Azərbaycan dövlətinin inkişafında yeni mərhələnin əsasını qoydu"
İşıqpulu ilə bağlı MÜHÜM AÇIQLAMA
Azərbaycan G20 sammitinə dəvət edildi
Pakistan qaranlığa qərq oldu
Ermənistanı fəlakətə sürükləyən daha bir səhv - 2-3 ilə... - VİDEO
Ramin Quluzadə yeni vəzifəyə TƏYİN EDİLDİ - Belə deyirlər...
Rusiya Azərbaycanla uçuşları bərpa edir
Şuşa və Hadrutun teleradio yayım stansiyasının bərpasına başlanılır
Əli Əhmədov: "Əsrin müqaviləsi”nin imzalanması Heydər Əliyevin dühası və iradəsi sayəsində mümkün olub"
"ABŞ Azərbaycana dəstək verməyə hazırdır" - Li Litzenberger
Türkiyənin energetika naziri: "TANAP və BTC iştirakçı ölkələrin rifahına böyük töhfə verib"