Müharibədən sonra Tərtərdə yollar bərpa edilir - FOTO
16-04-2021, 15:20
117

Müharibədən sonra Tərtərdə yollar bərpa edilir - FOTO

Vətən müharibəsi zamanı Ermənistan silahlı qüvvələrinin hücumları nəticəsində ölkəmizin bir çox dinc şəhər və rayonları raket atəşinə tutularaq, insanlıq əleyhinə cinayətlər törədildi ki, bu cinayətlər nəticəsində günahsız vətəndaşlarımız vəhşicəsinə qətlə yetirildi, mülki obyektlərə, fərdi yaşayış evlərinə və infrastruktura ciddi zərər vuruldu.
Dəymiş ziyanın qiymətləndirilməsi və aradan qaldırılması məqsədilə Prezident İlham Əliyevin 2020-ci il 6 noyabr tarixli müvafiq Sərəncamı ilə yaradılmış Dövlət Komissiyasının fəaliyyəti nəticəsində qısa müddət ərzində qiymətləndirmə və təmir-tikintinin ilkin planlaşdırılması işləri aparılıb.
Hazırda bu çərçivədə 11 şəhər və rayon ərazisində bərpa və yenidənqurma işləri davam etdirilir ki, bu ərazilərimizdən biri də Vətən müharibəsi zamanı daha çox ziyan görməsinə baxmayaraq, düşmən hücumları ilə qəhrəmanlıqla mübarizə aparan Tərtərdir.
Tərtər ərazisində düşmən hücumları nəticəsində yol infrastrukturuna da böyük ziyan dəyib ki, hazırda Azərbaycan Avtomobil Yolları Dövlət Agentliyi tərəfindən bu istiqamətdə təmir-bərpa işlərinə start verilib. Təmir-bərpa işlərinin qısa müddət ərzində yekunlaşdırılması üçün agentlik tərəfindən kifayət qədər texnika və canlı qüvvə səfərbər olunub.
Düşmənin təmas xəttindən aralıda dinc əhalinin yaşadığı əraziləri intensiv raket və artileriya atəşinə tutması nəticəsində Tərtər rayonu ərazisində 1 respublika əhəmiyyətli, 6 yerli əhəmiyyətli avtomobil yoluna, həmçinin şəhər daxilində 5 küçənin yol örtüyünə ziyan dəyib.
Yol infrastrukturuna dəyən ziyanın aradan qaldırılması məqsədilə artıq rayon ərazisindən keçən respublika əhəmiyyətli Bərdə-İstisu avtomobil yolunda aparılan bərpa işləri layihəsinə uyğun olaraq yolun 4.1 kilometrlik hissəsində frezlənmə işləri aparılıb, mövcud yol örtüyü və zəruri olan yerlərdə yol yatağının yararsız qruntu mexanizmlə qazılaraq çıxarılıb və kənara daşınıb, torpaq yatağının bərpası üçün yol boyu yararlı material tökülərək kipləşdirmə işləri görülüb. Hazırda sözügedən işlərin davamı olaraq yeni asfalt-beton örtüyünün döşənməsi işləri icra olunur.
Respublika əhəmiyyətli Bərdə-İstisu avtomobil yolunun Tərtər şəhərindən keçən hissəsində aparılan təmir-bərpa işlərinin ardınca respublika əhəmiyyətli digər yolun, Tərtər-Hindarx avtomobil yolunun təmiri işlərinə başlanacaq.
Bundan başqa yerli əhəmiyyətli avtomobil yollarının təmir və bərpası istiqamətində də işlər aparılıb. Belə ki, yerli əhəmiyyətli Kovdadıq - Rəcəbli, Seydimli və Düyərli yolları təmir edilib. Növbəti mərhələdə yerli əhəmiyyətli Buruc-Gülabatlı, Qaraqoyunlu – Küçərli və Bəyim-Sarov avtomobil yollarının təmiri həyata keçiriləcək.
Ardıcıl olaraq Tərtər rayonunun intensiv raket və ağır artilleriyadan atəşə tutulması nəticəsində zərər görmüş şəhərdaxili Şah İsmayıl Xətai, Elman Səfərov, Şıxəli Qurbanov, Mübariz İbrahimov və Famil Qulami küçələrində də təmir-bərpa işlərinin aparılması nəzərdə tutulur.
Bütün işlər mövcud “İnşaat Norma və Qaydaları”nın tələblərinə əsasən, Azərbaycan Avtomobil Yolları Dövlət Agentliyinin rəhbərliyinin nəzarəti altında aparılır.

Oxşar xəbərlər

Tərtərdə ziyan dəymiş 796 obyektə baxış keçirilib
Füzuli və Cəbrayıla dəymiş ziyan müəyyənləşib
Erməni silahlılarının təcavüzü nəticəsində Füzulinin işğal edilməyən hissəsində 11 ev tam dağılıb - KOMİSSİYA
Ermənistan təxribatı nəticəsində 2734 ev yararsız vəziyyətə düşüb
Erməni təxribatı nəticəsində əhaliyə dəymiş ziyan hesablanır
Düşmənin həlak etdiyi mülki şəxslərin sayı açıqlandı
Erməni təcavüzündən ziyan çəkənlərə maddi yardım başladı
ABŞ-ın məşhur jurnalisti Gəncəyə səfər edib
Tərtərdə son vəziyyət: Bir tərtərli belə yaşadığı evi tərk etməyib
Baş nazir Vətən müharibəsi ilə bağlı sərəncam imzalayıb
Gəncədə erməni təcavüzü nəticəsində zərərçəkmişlərə ödənişlər verilir - FOTOLAR
Vətən müharibəsində zərər çəkmiş daha 5 min ailəyə yardım veriləcək
“Baş memar deyir ki, Gəncəyə bombanı mən atmışam?” - Gəncədən ŞİKAYƏT
Bu vətəndaşlara maddi yardım göstərilməsinə başlanıldı - Nazirlər Kabineti
Ağdam raket atəşinə tutulub, dağıntılar var - Fotolar
Müharibə zamanı ziyan dəymiş evlərlə bağlı nazirdən AÇIQLAMA
Düşmən atəşi nəticəsində Ağdamda daha iki mülki şəxs yaralandı
Düşmən təcavüzü nəticəsində daha 1 məktəbə ziyan dəydi
Ermənistan təcavüzü qurbanlarının sayı AÇIQLANDI
Baş nazir sərəncam imzaladı
Mülki əhaliyə dəymiş ziyan 10 günə ödəniləcək
Ermənilər indiyədək Tərtərə 15 700 top atıb
Baş Prokurorluq: Mülki əhali arasında yaralananların sayı 14 nəfərə çatıb
Hikmət Hacıyev: “Ermənistan ərazisindən Azərbaycan Ordusunun mövqelərinə davamlı olaraq atəşlər açılır”
Müharibə zamanı dağıdılmış evlərlə bağlı ödəniləcək məbləğ açıqlandı - SƏRƏNCAM
Düşmən təcavüzü nəticəsində Azərbaycanın verdiyi mülki itkilər açıqlandı - RƏSMİ
Azərbaycan ərazisi Ermənistandan raket atəşinə tutuldu - VİDEO
Ermənilərin atdığı mərmi İranla sərhəddə yanğına səbəb oldu
Ermənilərin mülki əhaliyə vurduğu ziyanın statistikası AÇIQLANDI
“Vətən Müharibəsi Qəhrəmanı” adı təsis edildi