Xəstəxanadakı sevinci ilə məşhurlaşan qazi əlillik təyinatından narazıdır
16-04-2021, 17:18
58

Xəstəxanadakı sevinci ilə məşhurlaşan qazi əlillik təyinatından narazıdır

Şuşanın zəfər xəbərini müalicə aldığı xəstəxananın pəncərəsindən alqışlaması ilə məşhurlaşan Vətən müharibəsi qazisi Sahil Həsənli ona təyin olunan ikinci dərəcəli əlillikdən narazıdır. Bir qolu amputasiya olunan, aldığı zədələrdən gözünü itirmək üzrə olan qazi bu təyinatın adekvat olmadığını düşünür.

Bu barədə “Qafqazinfo”ya danışan S. Həsənli iddia edib ki, əslində müharibədə aldığı zədələr sənədlərində qeyd olunandan daha artıqdır:

“Oktyabrın 20-də minomyot mərmisindən yaralanıb Füzulidə xəstəxanaya yerləşdirilmişəm. Orada qarışıqlıq olduğundan ancaq itirdiyim qoluma və yanan hissələrimə baxılıb. Həmçinin Ağcabədidə və Bakıda hərbi hospitalda da eyni vəziyyətlə üzləşmişəm. Sonra məni Əfəndiyev adına 2 saylı Klinik Xəstəxanaya köçürüblər. Zərbədən sağ qulağım partlamışdı, onun müalicəsi getməyib. Bədənimin sağ tərəfi aşağıya qədər yanıb. Ona müalicə aldığım xəstəxanalarda yüngül yanıq yazıblar. Qarın boşluğum partlamışdı, bağırsağım çölə çıxmışdı. Ona görə mənə yüngül yaralanma yazılıb. Aldığım zərbənin təsirindən hazırda sol gözüm zəifləyib, tor yaranıb. Gözümü itirmək üzrəyəm. Həkimlər deyirlər ki, bundan sonra həmin gözüm maket kimi qalacaq, həmçinin, getdikcə sağ gözümü də sıradan çıxaracaq. Müalicə olunsam bərpa olunar, amma ona da imkanım yoxdur. Bütün sənədlərin hamısını toplayıb Dövlət Tibbi-Sosial Ekspertiza və Reabilitasiya Agentliyinə vermişəm. Mənə ikinci qrup əlillik təyin olunub. Səbəbini soruşanda deyirlər ki, kağızlarda gözünün, qulağının zədə alması qeyd olunmayıb. Həkimlər xəstəliklərini qeyd etsəydi, birinci qrup düşərdi”


30 yaşlı qazi Füzuli, Qubadlı, Cəbrayıl uğrunda döyüşlərdə iştirak edib. O deyir ki, müharibəyə gedənə qədər Nardaranda yerləşən hotellərin birində qaynaqçı işləyərək ailəsini dolandırıb. Hazırda isə ona əlavələrlə birgə təyin olunan 480 manat pensiya ilə 3 uşaqla kirayədə çox çətinliklə dolanır:

“Mən müharibənin içindən çıxıb gəlmişəm, heç ölümdən də qorxmuram. Amma balalarımı fikirləşirəm, axı onlar yaşamalıdırlar. Hətta üçüncü uşağım olacaqdı deyə döyüşə aparmırdılar, çətinliklə razılıq alıb döyüşə getmişəm. İstəyirəm uşaqlarım rahat böyüsün. Doğrudur, “YAŞAT” Fondu 1 illik kirayəmi - 2500 manatı bağlayıb. Amma kommunal ödənişlər var. Qış vaxtı 130-150 manat kommunal xidmət haqqı ödəyirdim. H.Z.Tağıyev qəsəbəsinin əhalisi uşaqlarımın geyimlərinə, yeməyimizə kömək edib. İndiyə qədər işlə təmin olunmamışam. Mənə düşən heç bir imtiyazdan istifadə edə bilməmişəm. Hətta əlillik təyinatının altında avtomobil təminatı ilə bağlı qeyd hissəsini də çıxarıblar”.

Qazinin sözlərinə görə, sözügedən bu problemlə bağlı aidiyyəti dövlət orqanlarına müraciət etsə də, məsələ həll edilməyib.

Şikayətlə bağlı Dövlət Tibbi-Sosial Ekspertiza və Reabilitasiya Agentliyinə müraciət etdik. Oradan bildirildi ki, Sahil Həsənliyə Hərbi Həkim Komissiyası tərəfindən təqdim edilən şəhadətnamədə diaqnoz yalnız “hərbi əməliyyatlar nəticəsində digər növ partlayışlarla və ya qəlpələrlə törənmiş zədələnmələr, partlayış travması, sağ bazunun yuxarı 1/3-nin travmatik amputasiyasına görə aparılmış yaraların birincili cərrahi işlənməsindən sonrakı güdülü” kimi qeyd edilib.

Qazimizin sadaladığı digər problemlər hərbi səbəblə əlaqədar əlillik təyinatı üçün əsas sənəd hesab edilən Hərbi Həkim Komissiyasının şəhadətnaməsində ümumiyyətlə göstərilməyib: “Şəhadətnamədə qeyd edilən diaqnoz, yəni, sağ bazunun yuxarı 1/3-nin amputasiyası, qanunvericiliyə əsasən Sahil Həsənliyə II dərəcə (müddətsiz) əlillik təyinatına əsas verir. Qanunvericiliyə əsasən, Vətən müharibəsində xəsarət almış qazimizə əlillik (mülki yox) məhz hərbi səbəblərlə, daha doğrusu, ölkəmizin ərazi bütövlüyü, müstəqilliyi və konstitusiya quruluşunun müdafiəsi ilə əlaqədar təyin edilir. Bu kateqoriyadan olan əlilliyi olan şəxslərin xüsusi imtiyaz və güzəştləri var və onların hər biri dərəcəsindən asılı olmayaraq həmin imtiyazlardan yararlanacaq”.

TƏBİB-dən isə saytımıza bildirilib ki, qaziyə Əfəndiyev adına 2 saylı Klinik Xəstəxanada yatdığı müddətdə xidmət göstərilib və yanıq xəsarətləri ilə bağlı xəstəxananın epiqrizində qeyd edilib. Həmin epiqriz Müdafiə Nazirliyinin tabeliyindəki hərbi hospitalının poliklinikasına göndərilib. Bu məsələ ilə bağlı hospitalın poliklinika şöbəsinə müraciət olunmalıdır.

Müdafiə Nazirliyindən isə məsələ ilə bağlı cavab almaq mümkün olmayıb.

Oxşar xəbərlər

Qolu kəsilən qazimiz həkimlərdən nə xahiş edib?
İntihar edən qazinin ailəsi danışdı - VİDEO
"Mənə əlillik dərəcəsi düşür, amma ala bilmirəm" - Qarabağ Qazisi ŞİKAYƏTÇİDİR
Daha bir Vətən Müharibəsi qazisi intihar etdi - FOTO
Heydər Əliyev Fondu Əməkdar artistin müalicəsini nəzarətə götürüb
Əlillik kağızı ala bilməyən qazi - NARAZILIQ!
Qazi atası icra başçısından NARAZILIQ ETDİ - "...heç qəbul etməyiblər"
Döyüşərək aldığı düşmən postuna qazi kimi döndü - VİDEO
Vətən müharibəsi qazisi şəhid oldu
Qazi atası icra başçısından Prezidentə şikayət etdi: “Bir dəfə də olsun...” - FOTOLAR
"Masallı İcra Hakimiyyətindən bir dəfə də qapımı açmayıblar" - Vətən müharibəsində gözünü itirən qazi...
“Deyirlər, get, müalicə ol…” - GİLEY
Navalnı xəstəxanadan evə buraxıldı
Ən çox həkim maşınlarına atəş açırdılar - Həkim qazi
“Bilirdim ki, məni heç vaxt atmaz” - Qazimiz evləndi
Əli Həsənov xəstəxanadan qaçıb? – Müalicə aldığı klinika “burada deyil” dedi
Şəmkirdə özünü yandıran kişini Bakıya gətirdilər
Bir dəfə də olsun icra başçısı onu qəbul etməyib... - Qarabağ Qazisi ŞİKAYƏTÇİDİR
Koronavirus xəstəsi sükan arxasında tutuldu
İsraildən gələn həkimlər qazimizə protez göz köçürdü - Foto
Azərbaycanlı aktyorun evində partlayış - VƏZİYYƏTİ AĞIRDIR
Oqtay Gülalıyevdən xəbər var: “Sərbəst nəfəs alır...”
Vasif Talıbov yaralı hərbçilərə baş çəkdi - FOTO
Qarabağ Qazisi çətin durumda... - Müraciət...
“Əyilib sağ əlimlə yerdən qolumu götürdüm və uzaqlaşdım” - FOTO
Əli Həsənovun müalicə aldığı deyilən klinikadan açıqlama: “Burada elə bir pasiyent yoxdur”
Şəhidimizin anası koronavirusdan vəfat etdi - FOTO
“Susuzluğumu yatırmaq üçün öz qanımı ovuc-ovuc içirdim” - Qarabağ qazisi + Video
Del Pyero xəstəxanadan evə buraxıldı
Məni güllə altında sürüyərək ərazidən çıxardılar - Qarabağ qazisi