"Pullar nazir müavini Əli Abdullayevdədir" - Dələduzluqda ittiham olunan sabiq hakimdən etiraf
16-04-2021, 17:27
65

"Pullar nazir müavini Əli Abdullayevdədir" - Dələduzluqda ittiham olunan sabiq hakimdən etiraf

İki nəfərə qarşı külli miqdarda dələduzluq etməkdə təqsirləndirilən sabiq hakimin cinayət işi üzrə məhkəmə araşdırması davam etdirilir. Sahil hakim məhkəmədə pulları indiki nazir müavininə verdiyini iddia edir.

Musavat.com xəbər verir ki, uzun müddət Bakı Apelyasiya Məhkəməsinin və son olaraq Suraxanı rayon Məhkəməsinin hakimi olmuş Lətif Ədil oğlu Nəbiyev külli miqdarda dələduzluqda ittiham edilir.

Cinayət işi üzrə iki nəfər zərərçəkən şəxs qismində tanınıb.

L.Nəbiyev Cinayət Məcəlləsinin 178.3.2-ci (dələduzluq, külli miqdarda ziyan vurmaqda) və 310-cu (Vəzifəli şəxsin səlahiyyətlərini mənimsəmə; Özbaşına özünün vəzifəli şəxs kimi təqdim edilməsi və ya vəzifəli şəxsin səlahiyyətlərinin mənimsənilməsi ilə əlaqədar fiziki və ya hüquqi şəxslərin hüquqlarının və qanuni mənafelərinin əhəmiyyətli dərəcədə pozulmasına səbəb olan hərəkətlər törətmə) maddələri ilə ittiham edilir.

Sonuncu məhkəmə iclasında L.Nəbiyev pulları indiki nazir müavinlərindən birinə verdiyini deyib.

Daha əvvəl günahını etiraf etməyən və özünü qətiyyən təqsirli bilməyən L.Nəbiyev sonuncu məhkəmə iclasında Azad İbrahimovdan alınan 250 min dollara yaxın pulu Rabitə və yüksək texnologiyalar nazirinin I müavin Əli Abdullayevə verdiyini deyib.

L.Nəbiyev qeyd edib ki, pulu verən zaman Əli Abdullayev Əmlak Məsələləri Dövlət Komitəsində çalışırmış.

Bildirək ki, L.Nəbiyev zərərçəkmiş Azad İbrahimovla qohumdur. L.Nəbiyev bu günə qədər iddia edir ki, Azad Ibrahimovdan pul almayıb.

Amma sonuncu məhkəmədə 75 min dolları sürücüsü vasitəsi ilə aldığını, qalan məbləğdən də xəbərinin olduğunu deyib. Bildirib ki, pulların hamısı o zaman yaxın münasibəti olduğu Əli Abdullayevə çatdırılıb.

L.Nəbiyev ondan tələb edilən pulların Əli Abdullayevdə olduğunu söyləyib.

Qeyd edək ki, 2008-ci ildə Məhkəmə-Hüquq Şurasının qərarı ilə L.Nəbiyev statusundan və vəzifə səlahiyyətlərindən istifadə etməklə korrupsiya hüquqpozmasına yol verdiyinə görə intizam məsuliyyətinə cəlb edilməklə səlahiyyətlərinə xitam verilib. Daha sonra Prezidentin sərəncamı ilə vaxtından əvvəl hakimlikdən azad olunub.

Açılan cinayət işi üzrə zərərçəkmiş şəxslərdən biri olan Azad İbrahimova 247 min 500 dollar Rüstəm Abdullayevə isə 59 min 700 dollar zərər dəydiyi müəyyən edilib.

Lətif Nəbiyev Rüstəm Abdullayevdən iş qurmaq adı ilə pul alıb.

Digər zərərçəkmiş Azad İbrahimovla qohum olan Lətif Nəbiyev ondan 247 min 500 dolları Bakıda dəniz kənarında torpaq almaq məqsədi ilə alıb.

“Mən Türkiyədə olanda pul göndərdim ki, torpaq alsın. Buzovnada, Bilgəhdə dəniz kənarında torpaq alacaqdı. Lətif Nəbiyev qardaşımın bacanağıdır. Dəfələrlə onun özü ilə danışmışıq. Amma istintaqda deyir ki, guya pulu ona yox, rəhmətlik qardaşım Abbasa göndərmişəm. Amma yalan deyir. Aramızda telefon danışıqları var. Lətif mənə deyirdi ki, narahat olma”- deyə Azad İbrahimov açıqlamasında bildirib.

Azad İbrahimov söyləyir ki, Lətif Nəbiyev ondan pul alanda Bakı Apelyasiya Məhkəməsində hakim olub. Daha sonra isə Suraxanı Rayon Məhkəməsinə hakim təyin olunub.

“Mənə deyirdi ki, həm də Şuşa şəhər Məhkəməsinin sədridir. Mən 2018-ci ildə şikayət etdim. 2020-ci ilin noyabr ayında isə cianyət işi açıldı”- deyə A.İbrahimov söyləyib.

Qeyd edək ki, sabiq hakim Lətif Nəbiyev barəsində polis nəzarətinə verilmə qətimkan tədbiri seçilib.

Oxşar xəbərlər

Sabiq hakim 100 min manatlıq dələduzluqda ittiham edilir
Sabiq hakim Lətif Nəbiyev yarım milyon manatı niyə alıb? – Təfərrüat
İki il əvvəl həbsdən çıxan şirkət rəhbəri yenə dələduzluqda ittiham edilir
Azərbaycanda partiya sədri məhkəmədə qandallandı
Yüz minlik dələduzluqda ittiham olunan partiya sədrinin məhkəməsi başlayıb
Bakıda məktəb direktoruna yarım milyon manatlıq ittiham: Cinayət işi açıldı
Özünü məmur kimi təqdim edib dələduzluq edən şəxs HƏBS EDİLDİ
Cəlilabadın sabiq icra başçısının ittihamları məlum oldu - külli miqdarda rüşvət almaqda təqsirləndirilir
Tanınmış vəkil məhkəmə zalında həbs edildi
Dələduzluq edən "vəzifəli şəxs" SAXLANILDI
Baş prokurorun həbsdə olan sabiq müavinindən XƏBƏR VAR
Rasim Məmmədov bu gün məhkəmə qarşısına ÇIXARILACAQ
Vəzifəli şəxs məhkəmə zalında həbs edildi
10 milyonluq mənimsəmə - Həbs edilən direktor hakim qarşısında
Həbsdə olan sabiq icra başçısının məhkəməsi başlayır
“AGBank”da yarım milyonluq mənimsəmə - sabiq deputatın adamları hakim qarşısında
Vüqar Səfərli ilə birgə həbs olunan Nadir Məmmədov apelyasiya şikayəti verdi
Özünü prokurorluq əməkdaşı kimi təqdim edən həbs olundu
İki milyondan çox pul mənimsəyən direktorun işi məhkəmədə
Rasim Məmmədov barəsində həbs qətimkan tədbiri seçildi
Daha bir vəzifəli şəxsin işi məhkəməyə göndərildi
Professor oğlu olan universitet müəllimi külli miqdarda dələduzluqda ittiham olunur
Vəzifəli şəxslərinin məhkəməsi başlayır
Vüqar Səfərlinin evlərinə, bağlarına, avtomobillərinə HƏBS QOYULDU
Rasim Məmmədova qarşı bu ittihamlar irəli sürüldü
Sabiq deputat Rəfael Cəbrayılovu hansı cəza gözləyir?
Bakıda keçmiş icra məmuru rüşvət aldı - cəzası bilindi
Özünü vəzifəli şəxsi kimi təqdim edən şəxs həbs edildi
“Zaminbank”ın həbs edilən vəzifəli şəxsindən XƏBƏR VAR
Həbs olunan daha bir yüksək vəzifəli məmur YAP-dan çıxarıldı