İlham Əliyev və Mehriban Əliyeva nekroloq imzaladılar
16-04-2021, 18:10
61

İlham Əliyev və Mehriban Əliyeva nekroloq imzaladılar

Prezident İlham Əliyev və birinci xanım Mehriban Əliyeva Eldar Tofiq oğlu Quliyevin vəfatı ilə bağlı nekroloq imzalayıblar.
Nekroloqda deyilir:
"Azərbaycan mədəniyyətinə ağır itki üz vermişdir. Azərbaycan kino sənətinin görkəmli nümayəndəsi, tanınmış kinorejissor və ssenarist, respublika Dövlət mükafatı laureatı, Azərbaycan Respublikası Prezidentinin fərdi təqaüdçüsü, Xalq artisti, professor Eldar Tofiq oğlu Quliyev 2021-ci il aprelin 16-da ömrünün 81-ci ilində vəfat etmişdir.
Eldar Quliyev 1941-ci il yanvarın 18-də Bakı şəhərində anadan olmuşdur. Orta məktəbi bitirdikdən sonra o, 1958–1959-cu illərdə “Azərbaycanfilm” kinostudiyasında rejissor köməkçisi işləmiş, 1960–1966-cı illərdə Moskvada, Ümumittifaq Dövlət Kinematoqrafiya İnstitutunda kino rejissoru ixtisası üzrə ali təhsil almışdır.
Eldar Quliyev 1967-ci ildən taleyini “Azərbaycanfilm” kinostudiyası ilə bağlayaraq ömrünün sonunadək burada çalışmışdır. O, 1986-cı ildən “Azərbaycanfilm” kinostudiyası nəzdində “Debüt” eksperimental-gənclik yaradıcılıq studiyasının bədii rəhbəri olmuş, 1999-cu ildə Azərbaycan Professional Kinorejissorlar Gildiyasının prezidenti seçilmişdir.
Dünya kinematoqrafiyasının nailiyyətlərindən və qabaqcıl təcrübəsindən daim bəhrələnən Eldar Quliyev Azərbaycanın kino salnaməsinə yeni səhifələr yazmışdır. Sənətkarın ideya dərinliyi ilə seçilən, ictimai-siyasi hadisələr fonunda insan mənəviyyatının təhlilini xüsusi diqqətdə saxlayan və xeyirxahlıq, məsuliyyət, humanizm aşılayan zəngin yaradıcılığı mədəniyyətimizin qızıl fondunda layiqli yer tutur. Eldar Quliyevin “Bir cənub şəhərində”, “Sevinc buxtası”, “Babək” və “Nizami” kimi parlaq ekran əsərləri, eləcə də çox sayda digər bədii və sənədli filmləri Azərbaycan kinematoqrafiyasının nailiyyətləridir.
Məzmun rəngarəngliyi və mövzu aktuallığı, fəal vətəndaşlıq mövqeyi və müasirlik duyğusu, obrazların incə psixologizmi və hadisələrin həyatiliyi Eldar Quliyev sənətinin özünəməxsus cəhətlərini təşkil edir. Yaradıcılıq palitrası rəngarəngliyi ilə səciyyələnən sənətkar tamaşaçını ayrı-ayrı dövrlərin müasirinə çevirməyi bacarırdı. Onun xalqımızın keçmişinə ehtiram ifadə edən tarixi filmlərinin milli-mənəvi dəyərlərimizin təbliğində və gənc nəslin Vətənə sədaqət ruhunda tərbiyəsində əhəmiyyətli rolu vardır.
Böyük rejissorluq məharəti Eldar Quliyevə ölkəmizin hüdudlarından kənarda da geniş şöhrət gətirmişdir. Onun quruluş verdiyi, həmçinin ssenari müəllifi olduğu filmlər beynəlxalq kinofestivallarda Azərbaycan mədəniyyətini uğurla təmsil etmiş, sənətşünaslar və tamaşaçılar tərəfindən rəğbətlə qarşılanmışdır. Eldar Quliyev Azərbaycan Dövlət Mədəniyyət və İncəsənət Universitetinin professoru kimi uzun illər səmərəli pedaqoji fəaliyyət göstərmiş, rejissorların bir neçə nəslinin yetişdirilməsi işində qüvvəsini, bilik və bacarığını əsirgəməmişdir. Onun sənət yolu gənc kinematoqrafçılar üçün bundan sonra da örnək olacaqdır.
Eldar Quliyevin Azərbaycan mədəniyyətinin inkişafındakı xidmətləri dövlət tərəfindən yüksək qiymətləndirilmişdir. O, “Əməkdar incəsənət xadimi” və “Xalq artisti” fəxri adlarını almış, respublika Dövlət mükafatına və “Azərbaycan Respublikası Prezidentinin fəxri diplomu”na layiq görülmüş, müstəqil Azərbaycanın ali mükafatları olan “Şöhrət”, “Şərəf” və “İstiqlal” ordenləri ilə təltif edilmişdir.
Görkəmli sənətkar, mahir pedaqoq və səmimi insan Eldar Tofiq oğlu Quliyevin xatirəsi onu tanıyanların qəlbində həmişə yaşayacaqdır.
Allah rəhmət eləsin!
İlham Əliyev
Mehriban Əliyeva
Əli Əsədov
Sahibə Qafarova
Samir Nuriyev
Eldar Əzizov
Fərəh Əliyeva
Anar Kərimov
Emin Əmrullayev
Şəfiqə Məmmədova
Anar Rzayev
Fərhad Xəlilov
Azər Paşa Nemətov
Oqtay Mirqasımov
Rasim Balayev".

Oxşar xəbərlər

Eldar Quliyev vəfat etdi
Xəstəxanaya yerləşdirilən xalq artistinin vəziyyəti ilə bağlı AÇIQLAMA
Xalq artisti infarkt keçirdi: Vəziyyəti ağırdır
İlham Əliyev onu təbrik etdi
Eldar Quliyev xəstəxanaya yerləşdirildi
Azərbaycan mədəniyyətinə ağır itki
Prezident rejissorun ailəsinə başsağlığı verib
Leyla Əliyeva Bakı Beynəlxalq Multikulturalizm Mərkəzinin Himayəçilik Şurasının üzvü oldu
Bakı Dövlət Sirkinin keçmiş direktoru vəfat etdi
YAP-ın idarə heyətinin yeni üzvləri - SİYAHI (YENİLƏNİB)
Prezident və birinci xanım Fəxri xiyabanda və Şəhidlər xiyabanında
Xalq artisti vəfat etdi
Tanınmış tarzən vəfat etdi
İlham Əliyev və Mehriban Əliyeva Heydər Əliyevin məzarını ziyarət ediblər
Eldar Quliyevin dəfn olunacağı yer AÇIQLANDI
Prezident və birinci xanım Daşaltıda - FOTO
Azərbaycanın kimyaçı alimi vəfat etdi - FOTO
İlham Əliyev və Mehriban Əliyeva Bakıda açılışda
Deputat Fəttah Heydərovun yerinə keçmək istəyir - İDDİA
Əməkdar müəllim vəfat edti - FOTO
Fəttah Heydərovun yerinə namizəd o oldu
"Deputat Eldar Quliyev tez-tez əxlaqsızlıq yuvalarına gedir" — Partiya sədrindən ŞOK İDDİA
Azərbaycanda daha bir vəzifəli şəxs koronavirusdan vəfat edib
Prezident İlham Əliyev və birinci xanım Mehriban Əliyeva Balaxanı qəsəbəsində aparılan abadlıq işləri ilə tanış olublar
Müzamil Abdullayev  Ulu Öndəri minnətdarlıq hissi ilə xatırlayır- Sabiq nazir  dövlətə, dövlətçiliyə bağlı şəxsiyyətdir
Mehriban Əliyeva Yuxarı Gövhər Ağa məscidinə “Qurani-Kərim” aparıb
Prezident ailəsi ilə Cıdır düzündə - FOTOLAR
Mehriban Əliyeva Yalçın Rzazadənin ailəsinə başsağlığı verdi
Azərbaycanda baş redaktor vəfat etdi
Prezident Əhməd İsmayılovu yeni vəzifəyə təyin etdi - SƏRƏNCAM