Ünvanlı sosial yardım: Hansı yeniliklər olacaq?
5-06-2020, 15:00
304

Ünvanlı sosial yardım: Hansı yeniliklər olacaq?

“Ünvanlı dövlət sosial yardımı haqqında” qanunda dəyişiklik edilməsi barədə qəbul edilən yeni qanun layihəsi Prezident İlham Əliyevin tapşırığına uyğun olaraq, sosial yardım proqramının şərtlərinin yumşaldılmasına və proqramın əhatə dairəsinin genişlənməsinə xidmət edir.
Əmək və Əhalinin Sosial Müdafiəsi Nazirliyindən (ƏƏSMN) verilən məlumata görə, sənəddə qanunun 5 maddəsinə 11 dəyişikliyin edilməsi və 10-cu maddənin yeni redaksiyada verilməsi əksini tapıb.
Nəzərdə tutulan yeniliklərdən biri budur ki, ailə tərkibində baş vermiş dəyişiklik və bu dəyişikliyə görə məlumat verilməməsi sosial yardım təyinatından imtinaya və ya ailəyə təyin edilmiş yardımın ödənişinin dayandırılmasına səbəb olmayacaq. Yəni ailənin tərkibində deyil, yalnız gəlirlərində baş verən dəyişiklik nəzərə alınacaq. Ailənin gəlirlərində baş verən dəyişiklik barədə məlumat verilməsi üçün müddət də uzadılır. Ailə bu barədə artıq 5 iş günündən 15 iş gününə qədər məlumat verə biləcək.
Həmçinin, sosial yardım təyin olunan ailənin özünüməşğulluğa cəlb edilməsi üçün mexanizmin yaradılması da layihədə yer alıb.
Eyni zamanda, “Ünvanlı dövlət sosial yardımın alınması üçün müraciət edilməsi, onun təyin olunması, verilməsi və bundan imtina edilməsi Qaydaları”nda dəyişikliklər layihəsi də artıq hazırlanıb. 
Bu Qaydalarda da ailənin götürdüyü kreditin onun gəliri kimi nəzərə alınmaması, ümumən götürülən kreditin ailənin sosial yardım hüququna maneə yaratmaması nəzərdə tutulub. Hazırda ailənin adambaşına düşən kommunal və rabitə xərclərinin cəminin orta aylıq məbləğinin ölkə üzrə təsdiq olunmuş yaşayış minimumuna nisbəti 10 faizdən çox olduqda sosial yardım təyinatından imtina edilir.
Bu istiqamətdə də dəyişiklik kimi, həmin nisbət 10 faizdən 15 faizə çatdırılır.
Daha bir yenilik kimi, ünvanlı sosial yardım üçün müraciət edərkən tələb olunan məlumatların sayı da əhəmiyyətli dərəcədə azaldılacaq. Yəni elektron informasiya bazalarından əldə edilməsi mümkün olan məlumatların vətəndaşlar tərəfindən ərizə-bəyannamədə göstərilməsi tələbi aradan qalxacaq. (Məsələn, ailəni təmsil edən şəxsin sosial yardım üçün müraciət edərkən onun özünün və ailə üzvlərinin pensiya, müavinət, təqaüd və s. ilə təmin edilib-edilmədiyinə dair məlumatları daxil etməsinə ehtiyac qalmayacaq.)
Beləliklə, həm ünvanlı sosial yardımın aztəminatlı ailələr üçün əlçatanlığı asanlaşacaq, həm də ünvanlı sosial yardım təyin olunmuş ailələrin özünüməşğulluq proqramı vasitəsilə kiçik biznesə çıxışına və gəlir imkanlarını artırmalarına şərait yaradılacaq.

Oxşar xəbərlər

Ünvanlı sosial yardımın alınması qaydası dəyişir
Neftçalada çətin durum hökm sürür - Sosial yardımın əlçatanlığı necə təmin edilir?
Ünvanlı sosial yardım alan ailələrin sayı 82 minə çatıb
Ünvanlı sosial yardım üçün müraciət zamanı bu məlumatlar tələb edilməyəcək
İşsizlikdən sığorta ilə bağlı şərtlər yumşaldılacaq
Deputatdan ünvanlı sosial yardımla bağlı TƏKLİFLƏR
Avqust ayı üzrə sosial yardımlar ödənildi
Birdəfəlik ödəmə ilə bağlı müraciətlərin qəbulu başa çatdı
Sosial müavinət və təqaüd kartlarının istifadə müddəti uzadıldı
“Uşaqpulu” ilə bağlı açıqlama: 7-8 yaşadək...
Bu gün ünvanlı dövlət sosial yardım ödənişləri veriləcək
Hökumətin antiböhran proqramı və ya sosial dövlətin Azərbaycan modeli -
“Dövlət bayrağı haqqında” qanuna dəyişiklik qəbul edildi
“Dövlət bayrağı haqqında” qanuna dəyişiklik qəbul edildi
Pensiya ilə bağlı ŞAD XƏBƏR
Qanunvericilikdə “əlil” anlayışı başqa sözlərlə əvəz olunacaq
Bələdiyyələrlə bağlı iki qanun layihəsi hazırlandı
Azərbaycanda büdcə qaydasının tətbiqi yanvara qədər təxirə salınır
Daha bir vəzifəli şəxs rüşvət alarkən tutuldu - RƏSMİ
Azərbaycanda pensiya və müavinətləri "yeyən" MƏMUR TUTULDU
Daha 10 min şəxs ödənişli ictimai işlərə cəlb olunub
2020-ci il dövlət büdcəsinə dəyişikliklər Milli Məclisin komitəsində müzakirə olunur
Vahid Ələkbərovun oğlu ehtiyacı olan ailələrə 10 milyon rubl ayırdı
5 nömrəli TSEK-də əməliyyat keçirilib - Nazirlik
Azərbaycanda bu şəxslər kommunal xərclərdən azad olundu
Aztəminatlı ailələrə sosial dəstəklə bağlı rəsmi açıqlama
Milli Məclisin növbəti iclasının gündəliyi açıqlandı
Azərbaycanda turistlərlə bağlı yenilik olacaq
"Bu gün bir sıra dövlətlər virusla mübarizədə Azərbaycan modelini öz ölkələrində tətbiq etməyə çalışırlar"
Şəhid ailələri və müharibə əlilləri üçün 800 ev tikilir