İcra başçısı həbs edilən rayonda bu məmurlara da cinayət işi açıldı
20-04-2021, 11:36
47

İcra başçısı həbs edilən rayonda bu məmurlara da cinayət işi açıldı

Kürdəmir Rayon İcra Hakimiyyətinin başçısı olmuş Ceyhun Cəfərov və digər vəzifəli şəxsləri tərəfindən qanunsuz əməllərə yol verilməsi faktları ilə bağlı Baş Prokuror yanında Korrupsiyaya Qarşı Mübarizə Baş İdarəsində ibtidai istintaqı aparılan cinayət işi üzrə istintaq yekunlaşdırılıb.
Bu barədə Baş Prokurorluğun Mətbuat xidmətindən məlumat verilib.
Aparılmış istintaq-əməliyyat tədbirləri ilə müəyyən olunmuşdur ki, Ceyhun Cəfərov 16 aprel 2014-cü il tarixdən 20 avqust 2020-ci il tarixədək həmin vəzifədə işləyərkən birinci müavini Tacəddin Novruzov, İcra Hakimiyyəti Başçısı Aparatının Ərazi idarəetmə və yerli özünü idarəetmə orqanları ilə iş şöbəsinin müdiri Natiq Kərimov və qeyriləri ilə qabaqcadan əlbir olan bir qrup şəxs halında təkrarən öz qulluq mövqeyindən istifadə etməklə müxtəlif tabe qurumlara məxsus olan külli miqdarda pul vəsaitlərini mənimsəmiş, rayon ərazisində fəaliyyət göstərən səhiyyə, təhsil və digər dövlət qurumlarından, bir sıra özəl müəssisələrdən külli miqdar təşkil edən pul vəsaitlərini rüşvət qismində almış, habelə həyata keçirilmiş tikinti işləri ilə bağlı verdiyi qanunsuz sərəncamlar nəticəsində torpağın üst münbit qatına ağır nəticəli ziyan vurulmasına səbəb olmuşdur.
İş üzrə toplanmış sübutlar əsasında Ceyhun Cəfərov, Tacəddin Novruzov və Natiq Kərimova Cinayət Məcəlləsinin 308.2 (vəzifə səlahiyyətlərindən sui-istifadə ağır nəticələrə səbəb olduqda), 311.3.1 (qabaqcadan əlbir olan bir qrup şəxs tərəfindən rüşvət alma), 311.3.2 (rüşvət alma təkrar törədildikdə) və digər maddələri ilə ittiham elan edilmiş və barələrində məhkəmənin qərarları ilə həbs qətimkan tədbiri seçilmişdir.
İstintaq zamanı, həmçinin, yol verdikləri korrupsiya hüquqpozmaları ilə bağlı cinayətkar qruplaşmanın digər üzvləri - Kürdəmir rayonunun Yaşıllaşdırma idarəsinin rəisi Emin Sadıqov, Mənzil İstismar sahəsinin rəisi Sərvər Məmmədov, Kommunal Müəssisələr kombinatının direktoru Məhəmmədəli Surxayev, rayon Mərkəzi Xəstəxanasının direktoru Eynulla Novruzov, həmin tibb müəssisəsinin baş həkimi Məhəmməd Musayev, eləcə də rayonun Təhsil şöbəsinin müdiri Mətləb Allahverdiyev və baş mühasibi Rəcəb Hüseynova 179.3.2 (mənimsəmə külli miqdarda törədildikdə), 313-cü (vəzifə saxtakarlığı) və digər maddələri ilə ittiham elan edilməklə barələrində həbslə bağlı olmayan qətimkan tədbirləri seçilmişdir.
Cinayət işinin ibtidai istintaqı zamanı vurulmuş maddi ziyanın bir hissəsinin ödənilməsi təmin edilmiş, xüsusi müsadirəni təmin etmək məqsədilə məhkəmənin qərarı ilə təqsirləndirilən şəxslərə məxsus olan daşınmaz əmlak üzərinə həbs qoyulmuşdur.
Cinayət işi üzrə ittiham aktı təsdiq edilərək baxılması üçün aidiyyəti üzrə Lənkəran Ağır Cinayətlər Məhkəməsinə göndərilmişdir.

Oxşar xəbərlər

İcra başçısının həbs müddəti artırılır
Məhkəmə həbsdəki sabiq icra başçısı ilə bağlı qərar verdi
Kürdəmir icra başçısı Ceyhun Cəfərovun aldığı rüşvətlər açıqlandı
Ceyhun Cəfərov məhkəməyə gətirildi
Saxlanılan icra başçısının ittihamları məlum oldu
Kürdəmirin icra başçısı Ceyhun Cəfərov və müavini saxlanıldı
İcra başçısı həbsindən əvvəl “əliəyriləri” belə asıb-kəsirdi - Video
Həbs edilən sabiq icra başçısından XƏBƏR VAR
Kürdəmirin İcra Hakimiyyətindəki əməliyyatın görüntüləri - Video
Cəlilabadın başçısı ilə birlikdə tutulanların ADLARI
Göyçayda rüşvət alan vəzifəli şəxslərin həbsi ilə bağlı RƏSMİ AÇIQLAMA
Azərbaycanda vəzifəli şəxs rüşvətə görə HƏBS EDİLDİ
Yüz minlərlə manat rüşvətə görə həbs edilən sabiq icra başçısından xəbər var
İcra başçısı və vəzifəli şəxslərin həbs müddəti uzadılır
Həbsdə olan sabiq icra başçısının məhkəməsinin vaxtı məlum oldu
Sabiq icra başçısının kimlərdən rüşvət aldığı MƏLUM OLDU
Sabiq icra başçısının həbs müddəti uzadıldı
Azərbaycanda iki milyon manatlıq mənimsəmə: Vəzifəli şəxsə cinayət işi açıldı - RƏSMİ
Lisey direktorunun həbsi ilə bağlı RƏSMİ AÇIQLAMA
"Cənnət Bağı"nın rəhbərinə cinayət işi açıldı
“Qara maskalı”lar icra başçılarını yenə “ziyarət edəcək”: - “Dövlətin qaydalarına əməl etmirlər”
Baş Prokurorluğun sabiq əməkdaşının cinayət işi məhkəməyə göndərildi
Daha bir icra hakimiyyətində əməliyyat keçirilir - Həbslər var
Dələduzluq edən "vəzifəli şəxs" SAXLANILDI
Daşkəsəndə həbs olunan vəzifəli şəxslərdən XƏBƏR VAR
“Azərxalça”nın rəhbəri HƏBS EDİLDİ
Özünü məmur kimi təqdim edib dələduzluq edən şəxs HƏBS EDİLDİ
Azərbaycanda vəzifəli şəxsin mülkinə həbs qoyuldu
Baş həkim həbs edildi
DTX-nin həbs etdiyi icra başçısı məhkəməyə çıxarılır