Qazi Sahil Həsənli mənzil və avtomobillə təmin ediləcək
21-04-2021, 12:21
32

Qazi Sahil Həsənli mənzil və avtomobillə təmin ediləcək

Ölkəmizin ərazi bütövlüyü uğrunda aparılan hərbi əməliyyatlarda iştirak edərək xəsarət almış hərbi qulluqçularımızın hər birinə xüsusi diqqət və qayğı ilə yanaşılır. Həmin qazilərimizdən biri olan Həsənli Sahil Rauf oğlunun əlilliyinin qiymətləndirilməsi üçün ilk növbədə müvafiq işçi qrup tərəfindən onun əyani müayinəsi aparılıb.
Dövlət Tibbi-Sosial Ekspertiza və Reabilitasiya Agentliyindən "Report"a verilən məlumata görə, agentliyin, Müdafiə və Səhiyyə Nazirliklərinin, İcbari Tibbi Sığorta üzrə Dövlət Agentliyinin nümayəndələrindən ibarət işçi qrup tərəfindən aparılan əyani müayinənin nəticələri və Hərbi Həkim Komissiyası tərəfindən təqdim edilən Şəhadətnamədəki diaqnoz əsasında qanunvericiliyə uyğun olaraq Sahil Həsənliyə II dərəcə əlillik (müddətsiz) təyin edilib.
Yəni, əyani müayinənin nəticələri və diaqnoz məlumatları Sahil Həsənlinin aldığı xəsarətin (hərbi əməliyyatlar nəticəsində digər növ partlayışlarla və ya qəlpələrlə törənmiş zədələnmələr, partlayış travması, sağ bazunun yuxarı 1/3-nin travmatik amputasiyasına görə aparılmış yaraların birincili cərrahi işlənməsindən sonrakı güdülü) yalnız II dərəcə əlillik təyinatına əsas yaradır.
Sahil Həsənliyə əlillik Azərbaycan Respublikasının ərazi bütövlüyü müdafiəsi ilə əlaqədar təyin olunub. Qazimizə müvafiq sosial ödənişlər (təqaüd və müavinət) təyin edilib.
Sahil Həsənlinin də müharibə əlilləri üçün nəzərdə tutulan imtiyaz və güzəştlərdən istifadə, eləcə də mənzillə, avtomobillə təmin olunmaq hüququ var. Hələ ötən ay Sahil Həsənli mənzillə təmin olunmaq üçün qeydiyyata götürülüb və yaxın aylarda mənzillə təmin olunacaq. Avtomobillə təmin edilmək üçün də növbəyə alınıb və onun avtomobillə təminatı da həyata keçiriləcək.
Dəfələrlə məlumat verildiyi kimi, Vətən müharibəsi qazilərinin yüksək texnologiyalı protezlə təminatı işləri aparılır. Artıq 16 qazimiz həmin müasir protezlə təmin olunub və Sahil Həsənli də yüksək texnologiyalı protezlə təmin olunacaq. Bununla bağlı olaraq o, Protez Ortopedik İstehsalat və Reabilitasiya Mərkəzinə də dəvət edilib.
Sadəcə olaraq, yuxarı ətrafların yüksək texnologiyalı protezlə təmin olunması xüsusi yanaşma tələb edir.
Belə ki, güdülün, yəni amputasiya olunmuş ətrafın salamat qalan hissəsinin tam formalaşması və adaptasiyası, sonra elektron protezə uyğunlaşması üçün şəxs ilkin mərhələdə sadə protezlə təmin olunur. Hazırlıq müddəti bitəndən sonra yüksək texnologiyalı protezlə təminat həyata keçirilir.
Sahil Həsənli də həmin ilkin hazırlıq mərhələsi üçün sadə protez verilib və qısa müddətdən sonra qazimiz yüksək texnologiyalı protezlə təmin olunacaq.
Ümumilikdə, bütün müharibə əlilləri kimi, Sahil Həsənlinin də hüquqlarının təminatı daim diqqətdə saxlanır.

Oxşar xəbərlər

Xəstəxanadakı sevinci ilə məşhurlaşan qazi əlillik təyinatından narazıdır
Baş nazirdən QƏRAR - komissiya yaradıldı
Şəhid olmuş və xəsarət almış hərbçilərin sığorta ödənişilə təmin olunma qaydası AÇIQLANDI
Müharibə əlilinin haqqı tapdanıb... - MÜRACİƏT
Qarabağ əlili haqqını tələb edir... - GİLEY
Zakir Həsənov agentliyin sədrini təltif etdi
6500-dən çox şəxs əsassız olaraq əlillik müavinəti alırmış
I qrup əlillik üçün müraciət etdi, II qrupu da ləğv edildi - GİLEY
Qazilər avtomobillə növbədənkənar təmin olunur
Maaşından pul tutulanlara vacib xəbər - Aprelin 1-dən...
Aztəminatlı ailələrə sosial dəstəklə bağlı rəsmi açıqlama
Lerikdə vətəndaşı incidənlər kimlərdir? - GİLEY
İcbari tibbi sığorta haqları bu qaydada alınacaq
Həkimlərə daha 20 milyon manat ödəniş edildi
Şəhid ailələri və müharibə əlillərinin sosial təminatı gücləndiriləcək
Tibbi Sığorta Agentliyindən qəribə ŞİKAYƏT
7 mindən çox saxta əlillik təyinatı ləğv edilib
Müdafiə Nazirliyindən Tofiq Yaqublunun oğluyla bağlı - Açıqlama
Nazirlik hərbi xidmətdən tərxislə bağlı vətəndaşlara müraciət edib
Gədəbəy icra hakimiyyətinə İTTİHAM - "...şikayət məktublarının heç birini rayondan çıxmağa qoymur"
Sahil Babayevin işçilərindən ŞOK QƏRAR - FOTO
Yanvarın 1-dən maaşlardan bu qaydada pul tutulacaq – Detallı izah
Əlilin amputasiya olunmuş ayağı təzədən uzanmır, cənab Sahil Babayev-Abşeron  səhiyyəsində  Zakir Qaralovun qohumları at oynadır
DİQQƏT! Bu xəstəliyi olanlar pulsuz müalicə oluna bilər - SİYAHI
Tibbi Sosial Ekspert Komissiyası əlil ailəsini niyə incidir ?  ​
Nikaha daxil olmaq istəyən şəxslərin nəzərinə
Əsgərin intiharı ilə bağlı cinayət işi açıldı
“Amputasiya olunan ayağımı qardaşıma verəndə ürəyi dözmədi, öldü...”
Nazirlik əlillə bağlı iddialara aydınlıq gətirdi - “Pensiya alacaq”
Aprelin 1-dən bütün respublika üzrə tətbiq olunacaq