Həbsdən çıxmış jurnalist Ağstafanın keçmiş icra başçısının "içəri"dəki kefindən yazdı
4-05-2021, 10:30
36

Həbsdən çıxmış jurnalist Ağstafanın keçmiş icra başçısının "içəri"dəki kefindən yazdı

Yenicə həbsdən azad olunan jurnalist Zaur Qənbərov Ağstafanın sabiq icra başçısı Nizaməddin Quliyev və onun müavini Ramiz Tatarovun həbs həyatı haqda maraqlı status paylaşıb. Jurnalist Gəncə İstintaq Təcridxanasında qeyri-rəsmi yığımlar haqda da qeydlər edib. Zaur Qənbərovun statusunu təqdim edirik:
 
-Alimpaşa Məmmədovun həbsindən sonra icra strukturu əməkdaşlarının həbsi yenə də davam edir. Ağstafa rayon Həsənsu kənd icra nümayəndəsi Vəliyev Vəkil həbs edilib.
 
Ümumiyyətlə vəzifəli şəxlərin həbsi onlarda heç nəyi dəyişmir. Necə azadlıqda, vəzifədə olarkən rüşvət, yeyinti hesabına eyş-işrətlərindən qalmırdılarsa, eynisi həbsdə də davam edir.
 
Bunu şahidi olduğum fakta əsaslanıb deyirəm.
 
Ağstafanın həbs olunan icra başçısı Nizaməddin Quliyev və onu müavini Ramiz Tatarov Gəncə şəhəri 2 saylı İstintaq Təcridxanasında (Gəncə türməsində) mənimlə birlikdə həbsdə idilər.
 
Öncəliklə Gəncə türməsində olan müəyyən məsələləri qeyd edim (orda verilən işgəncələrdən və yığılan rüşvətin hara getdiyini ayrıca yazacam). İndi rüşvət və yeyintinin nədən yığıldığını qeyd edim.
 
Aşağıdakılar qanunsuzluqlardır:
 
1. Məhbus yaxınları ilə görüş 70 manatdır;
2. Məhbus yaxınları ilə telefon danışığı dəqiqəsi 1 manatdır;
3. Məhbusa yaxınları pul gətiribsə hər 100 manata görə 10 manat pul tuturlar;
4. Məhbuslar tərəfindən təmir edilən supertəmirli otaqlar həmin məhbus Cəzaçəkmə Müəssisəsinə (zona) getdikdən sonra hər çarpayını növbəti gələn imkanlı məhbusa 500-1000 manata satılır;
5. Hamama 5 manat verməsən suyu gah isti, gah da soyuq buraxırlar;
6. 1 otaqdakı məhbuslardan hər ay 75 manat işıq və televizor pulu alınır. Təxmini 100-ə yaxın otaq var;
7. Sadə, təmirsiz otaqdan digər təmirsiz otağa keçmək 50 manatdır;
8. Zona getmək istəməyən məhbusun işləyən məhbusların otağına keçmək qaydası var. 65 nömrəli otağa. Əgər həmin işçiləri otağına keçib də işləmək istəmirsənsə ayda 100 manat verməlisən;
9. İşçilərin otağına keçmədən öz otağında qalaraq zona getmək istəmirsənsə həftədə 100 manat ödəməlisən;
10. Türmənin suyuna nəsə qatırlar, üzünə dəhşət yağlı ərp yığılır. Məcbur içməyə suyu mağazadan alırsan. Su 1 manatdır;
11. Pəncərədən başqa otaqdakı məhbusla danışırsansa 5 manat ödəməlisən;
12. Yemək qəsdən yararsız və kefiyyətsiz bişirilir. Yeyəndə mədə və bağırsaq xəstəliyi qaçılmazdı. Bu hesablanmış edilir. Məcbur ya evdən gətirtməlisən ya mağazadan almalısan. Yemək yeyilmədiyinə görə məhbus sayına görə deyil, çox az bişirilir. Bişirilməyən yeməyin yağı, makaronu, əti, kələmi və s. çiy halda içəridəki mağazaya qoyularaq məhbusa satılır. Məsələn dövlət tərəfindən verilən, lakin içəridəki mağazada satılan makaronun 1 kq-ı 1 manatdır;
13. Sovqatı otaqlara daşıyan işçi məhbuslar hər gün 6 manat rəhbərliyə pul ödəməlidir. O da sovqat yiyəsindən məcbur 1 manat yaxud 1 paçka siqaret almalıdır;
14. İçəridəki mağazada hər şey çöldəkindən 50 faiz bahadır. Məs: 50 qəpiklik filtirsiz siqaret içəridəki mağazada 1 manatdır;
15. Qanunsuz telefon işlətmək ayda 1000-2000 manat arasıdır;
16. Otaqda xarab olan televizoru, tefalı, qızıdırıcını, krantı və s. məhbuslar öz hesablarına bərpa etməlidir.
 
Bu sayı kifayət qədər uzatmaq olar.
 
Uzun sözün qısası pulun varsa həbsdə deyilsən, istirahət zonasındasan.
 
Həbs olunan icra başçıları və digər vəzifəli şəxslər çöldə yığdıqları milyonlarla yuxarıda qeyd etdiyim saxtakarlığa gedərək içəridə də kef edirlər.
 
Gələk Nizaməddin Quliyev ilə Ramiz Tatarova.
 
61 nömrəli otaqda idim. Qapıdan bir nəfər girdi. Həmin adam Gəncənin keçmiş icra baçısı Eyvaz Babayevin bacısı oğlu idi. Bildirdi ki, 24 nömrəli otağı dağıtdılar ki, bəs telefon işlədirsiniz. Amma telefon yox imiş. Həmin 24 nömrəli otaq supertəmirli otaqdır. 4 çarpayı var. Hər çarpayının qiyməti 500 manatdır. Məsələ başqa imiş. N. Quliyevi və R. Tatarovu Bakıdan Gəncə Ağır Cinayətlər Məhkəməsinə hökm oxunmaq üçün etap gətiriblərmiş, otaq da onlara hazırlanırmış. Elə də oldu. Həmin şəxslər 24 nömrəli otağa yerləşdirildi. Təbii ki, pulsuz yox.
 
Hər ay sözügedən məbləği ödəmək şərtilə.
 
N.Quliyev və R.Tatarov otaqdakı supertəmiri belə bəyənməyərək öz hesablarına otağı yenidən təmir etdirdilər. İkimərtəbəli çarpayıları çıxartdıraraq əvəzində divan, kreslo, yataq dəsti, böyük diaqonallı televizor, playstation, döşəməyə xalça və s. təşkil etdirdilər. Hətta kasıb məhbuslardan birini də (məhbusun öz istəyilə) özlərinə qulluqçu götürdülər.
 
Yəni həbs etsələr də adamlar keflərindən qalmırlar. Bunlar üçün başqa cəza növü düşünülməlidir. Yaxud digər məhbuslar kimi cəza çəkməyə məcbur edilməldirlər. (musavat.com)

Oxşar xəbərlər

Həbs edilən icra başçıları: Nizaməddin Quliyevin və müavininin işi məhkəməyə göndərildi
Həbs olunan daha bir yüksək vəzifəli məmur YAP-dan çıxarıldı
Sabiq icra başçısı və birinci müavininin məhkəməsi başlayır
Sabiq icra başçısının məhkəməsi başladı
Həbs edilən icra başçısının məhkəməsində qadın müavini də dindiriləcək
Həbs olunan daha bir icra başçısının oğlu müstəntiq təyin edildi
Həbs edilən sabiq icra başçılarının əvvəlki iş yerləri - Tamada, zootexnik, ofisiant...
Nizaməddin Quliyevin işdən çıxarılan kadrının yerinə TƏYİNAT
DTX-nın həbs etdiyi vəzifəli şəxsin yerinə təyinat oldu
Həbs olunan icra başçılarının taleyi: Onları nə gözləyir?
DTX-nın həbs etdiyi sabiq icra başçısı vəkilindən imtina etdi
Alimpaşa Məmmədovun vəzifəsi bu şəxsə TAPŞIRILDI
Həbs olunan icra başçısının köməkçisi dünyasını dəyişdi
Ağstafa icra hakimiyyətində YENİ HƏBS TƏDARÜKÜ... - İDDİA
Sabiq icra başçısının həbs müddəti daha 2 ay uzadılıb
İcra başçısı müavini və şöbə müdirini işdən çıxardı
Alimpaşa Məmmədov məhkəməyə gətirildi
Növbəti HƏDƏF ŞAİR ALXASOVDUR... - İDDİA
Ağstafa icra başçısının nümayəndəsi HƏBS EDİLDİ
Tutulan sabiq icra başçısı məhkəməyə gətirildi
Həbs olunan məmurlar: “Yatıb çıxanlar" da var, hökm gözləyənlər də... - İLGİNC ARAŞDIRMA
İcra başçısı hansı şəraitdə həbs olunub?
Gəncə Şəhər İcra Hakimiyyəti həbslərlə bağlı məlumat yaydı
Ağstafa başçısının Mehdiyev yolu: torpaqları zəbt edən, saxta diplomlu məmuru işdə saxlayır - Detallar
Həbs edilən sabiq icra başçısından XƏBƏR VAR
İcra başçısından yeni təyinat
İcra başçısı özünə iki yeni müavin təyin etdi - FOTOLAR
DTX-nin həbs etdiyi icra başçısı məhkəməyə çıxarılır
“Qara maskalı”lar icra başçılarını yenə “ziyarət edəcək”: - “Dövlətin qaydalarına əməl etmirlər”
Şəmkirdə əməliyyat: icra başçısı saxlanıldı