Büdcədən “Jurnalist binaları”nın tikintisinə nə qədər vəsait ayrılmışdı... - RƏQƏMLƏR
18-06-2020, 14:00
303

Büdcədən “Jurnalist binaları”nın tikintisinə nə qədər vəsait ayrılmışdı... - RƏQƏMLƏR

Hesablama Palatasının Kütləvi İnformasiya Vasitələrinin İnkişafına Dövlət Dəstəyi Fondu (KİVDF) tərəfindən yol verilən qanunsuzluqlar barədə Baş prokurorluğa göndərdiyi müraciətin nəticəsi artıq məlum olub. Baş prokurorluq yanında Korrupsiyaya qarşı Mübarizə Baş İdarəsinin araşdırmasına görə, KİVDF-nin sabiq rəhbərliyi dövründə yol verilmiş nöqsanlarla bağlı Cinayət Məcəlləsinin 179.4 (külli miqdarda mənimsəmə), 308.1 (vəzifə səlahiyyətlərindən sui-istifadə), 308-1.2 (külli miqdarda dövlət büdcəsi vəsaitini təyinatı üzrə istifadə etməmə) və 308-2.4-cü (dövlət satınalmalarını qanunsuz keçirmə) maddələri ilə cinayət işi başlanıb.

Baş prokurorluğun məlumatında o da qeyd edilib ki, jurnalistlər üçün dövlət vəsaiti hesabına inşa edilmiş iki yaşayış binasından mənzilə ehtiyacı olan jurnalistlərə ev verilməsinə maneçilik törədilməsi, həmin evlərin paylanılması qayda və şərtlərinin kobud şəkildə pozulması ilə bağlı daxil olmuş şikayətlər üzrə də hazırda Baş prokuror yanında Korrupsiyaya qarşı Mübarizə Baş İdarəsində araşdırmalar aparılır.

Hazırda hər kəsə maraqlı olan bir məqam var. Tikintisində və paylanmasında qanunsuzluqlara yol verilən jurnalist binalarına nə qədər vəsait xərclənib?

Modern.az-ın məlumatına görə, jurnalist binalarının inşası üşün ölkə başçısı müxtəlif vaxtlarda bir neçə sərəncam imzalayıb.

Prezident İlham Əliyevin “Azərbaycan mətbuat işçilərinin sosial müdafiəsinin gücləndirilməsi haqqında” 2010-cu il 22 iyul tarixli sərəncamına əsasən, mətbuat işçilərinin mənzil-məişət şəraitinin yaxşılaşdırılması və onlar üçün yaşayış evinin tikilməsi məqsədilə KİVDF-yə ilkin olaraq 5 milyon manat vəsait ayrılıb.

Daha sonra birinci binanın inşasına ayrılan məbləğ artırılıb.

2013-cü ildə jurnalistlər üçün 156 mənzildən ibarət 17 mərtəbəli yaşayış evi istifadəyə verilərkən mərasimdə iştirak edən ölkə başçısı ümumilikdə birinci binanın tikintisinə və ətraf ərazidə abadlıq işlərinin aparılmasına 22 milyon manatdan artıq vəsait sərf olunduğu qeyd edib.

Bakının Bibiheybət qəsəbəsində jurnalistlərə tikilən ikinci yaşayış binası isə 2017-ci ildə istifadəyə verilib. Prezident İlham Əliyevin dörd sərəncamı ilə həmin binanın tikintisinə dövlət büdcəsindən üst-üstə 16 milyon manat ayrılıb.

Belə ki, dövlət başçısının 2013-cü il iyulun 22-də verdiyi sərəncamla fondun hesabına büdcədən 5 milyon manat köçürülüb. Növbəti belə sərəncam 2014-cü il dekabrın 30-da verilib və fond 3 milyon manat alıb. 2015-ci ilin iyulunda isə bina ilə bağlı daha bir sərəncam imzalanıb və tikintinin başa çatdırılması üçün 5 milyon manat ayrıldı.

2016-cı il iyulun 21-də isə dövlət başçısı binaya maliyyə vəsaiti ayıran dördüncü sərəncamı imzalayıb: fonda yenə 3 milyon manat verilib.

Jurnalistlər üçün tikilən ikinci bina da 17 mərtəbəli, lakin əvvəlkindən fərqli olaraq 255 mənzillidir.

2017-ci il iyulun 20-də isə Prezident İlham Əliyev jurnalistlər üçün tikilmiş ikinci binada Milli Mətbuat Günü münasibətilə mənzillərin paylanması mərasimində iştirak edib. Ölkə başçısının həmin gün imzaladığı sərəncama əsasən, üçüncü binanın tikintisi üçün 2017-ci il dövlət büdcəsində nəzərdə tutulmuş Prezidentin ehtiyat fondundan 5 milyon manat ayrılıb.

Oxşar xəbərlər

Baş Prokurorluq: KİVDF-də qanunsuzluqlarla bağlı 4 maddə ilə cinayət başlanıb
Vüqar Səfərliyə kimlər “yoldaşlıq” edəcək? – “Bu işlərdə əli olan hər kəsin həbsi mümkündür”
Əli Həsənov həbsdən qurtulmaq üçün Ərdoğanla görüşmək istəyib - İDDİA
Vüqar Səfərlinin həbsinə TƏDARÜK GEDİR
Baş Prokurorluğun sabiq əməkdaşının cinayət işi məhkəməyə göndərildi
Daha bir vəzifəli şəxsin işi məhkəməyə göndərildi
Sabiq məktəb direktorunun işi məhkəməyə GÖNDƏRİLDİ
Korrupsiyaya yol vermiş şirkət rəhbəri həbs edildi
Azərbaycanda nazirliyin sabiq əməkdaşı həbs edildi
Eldar Həsənov apellyasiya şikayəti verib
Jurnalistlərin binasında yoxlama başladı - Vüqar Səfərliyə qarşı cinayət işi açıla bilər
Həbs olunan sabiq icra başçısını hansı cəza gözləyir?
“Neolit”in ərazisində ağacların məhv edilməsi faktı ilə bağlı cinayət işi başlanıb
Daha bir şirkət rəhbərinin korrupsiya əməlləri İFŞA EDİLDİ
Bələdiyyənin sabiq sədrinə cinayət işi açılıb
Azərbaycanda külli miqdarda rüşvət alan orkestrin bədii rəhbəri həbs edildi
Daha bir vəzifəli şəxs rüşvət alarkən tutuldu - RƏSMİ
Şirkət direktoruna cinayət işi açıldı
Bakıda məktəb direktoruna cinayət işi açıldı - Korrupsiya
“Korrupsioner məmurların əmlakları müsadirə olunmalıdır” - Partiya sədri
Azərbaycanda vəzifəli şəxslərin qanunsuz əməlləri ifşa edildi - RƏSMİ
Saxlanılan icra başçısının ittihamları məlum oldu
DTX-dən daha bir əməliyyat: Bir nəfər həbs edildi
Sex rəhbərindən rüşvət alan vergi müfəttişlərinin işi məhkəməyə göndərildi
Azərbaycanda iki milyon manatlıq mənimsəmə: Vəzifəli şəxsə cinayət işi açıldı - RƏSMİ
Ceyhun Cəfərov məhkəməyə gətirildi
Bələdiyyə sədrinə cinayət işi açıldı
“Jurnalistlərin binası” ilə bağlı araşdırma başlandı
Daha bir neçə vəzifəli şəxs rüşvətə görə həbs edildi