Keçmiş şöbə müdirindən Ramin Bayramlıya sərt İTTİHAMLAR - "TƏBİB-in əmrini sübut hesab etməyib..."
19-06-2021, 13:29
51

Keçmiş şöbə müdirindən Ramin Bayramlıya sərt İTTİHAMLAR - "TƏBİB-in əmrini sübut hesab etməyib..."

Uzun müddət TƏBİB-də şöbə müdiri vəzifəsində çalışan Xəyalə Həsənova bu qurumun rəhbərliyindən şikayətçidir. Hesab edir ki, TƏBİB tərəfindən ona qarşı haqsızlıq edilib. Belə ki, şikayətçi uzun müddət Tibbi Ərazi Bölmələrini İdarəetmə Birliyi" (TƏBİB) publik hüquqi şəxsin İnsan resurslarının idarə olunması şöbəsinin müdiri vəzifəsində çalışıb. Lakin bir müddət sonra-2020-ci il dekabrın 30-da səhhətində yaranan problemlərlə əlaqədar xəstəlik vərəqəsində olarkən o, qanunsuz şəkildə işdən çıxarılıb.

Yaranmış vəziyyətlə əlaqədar Yenisabah.az-a müraciət edən Xəyalə Həsənova işdən çıxarıldıqdan sonra Azərbaycan Respublikasının Əmək Məcəlləsinə zidd olaraq əməkhaqqının da gecikdirildiyini diqqətə çatdırıb:

“Əməkhaqqımı natamam şəkildə 1 aydan sonra, əmək kitabçamı isə 2 aydan çox müddət keçdikdən sonra ala bilmişəm. TƏBİB-in fəalliyətə başladığı ilk gündən bu qurumun struktur, ştat, işə qəbullar, idarəsinə verilmiş xəstəxanaların yeni qaydalara uyğun idarə olunması və s. kimi məsuliyyətli və ağır işləri görmüşəm. Pandemiya və müharibə dövrlərində gündüzlərlə yanaşı, gecələr də işləmişəm və xalqıma xidmət göstərmişəm. Bunu həmin dövrdə TƏBİB-də və üst qurum olan İcbari Tibbi Sığorta üzrə Dövlət Agentliyində işləyən hər kəs təsdiq edə bilər. Bütün bunları deməklə bildirmək istəyirəm ki, ölkəsi üçün dayanmadan çalışan gənclərin kiminsə istəyi ilə sifarişlə işdən çıxarılması, zənnimcə, bu qədər asan olmamalıdır. Həmçinin cənab Prezident dəfələrlə çıxışlarında qeyd etmişdir ki, xüsusilə pandemiya dövründə çalışan işçilərin səbəbsiz şəkildə işdən çıxarılması yolverilməzdir. Bütün bunlara baxmayaraq, 30.12.2020-ci ildə xəbərim olmadan işdən çıxarılmışam”.

Həmsöhbətimizin sözlərinə görə, o, əmək müqaviləsinə xitam verilməsi haqda əvvəlcədən heç bir məlumat almayıb. Nəticədə xitam prosesinin qanunsuz olduğunu ilə əlaqədar Dövlət Əmək Müfəttişliyi Xidmətinə müraciət edib:

“Dövlət Əmək Müfəttişliyi Xidməti tərəfindən araşdırma aparılıb və TƏBİB-in qanunvericiliyi kobud surətdə pozması müəyyənləşdirilib. Lakin Dövlət Əmək Müfəttişliyi Xidməti tərəfindən mənim işə bərpa olunmam barədə göstərişə TƏBİB tərəfindən əməl olunmayıb. Məhkəməyə müraciət edəcəm dedikdə isə TƏBİB rəhbərliyi mənə, “Get nə edirsən et, TƏBİB- ə qalib gələcəksən?”,-dedi. Məsələ ilə bağlı Bakı Şəhər Nəsimi Rayon Məhkəməsinə müraciət etdim. Bəli, hakim Cəmilə Musayeva bu qədər sübutlar qarşısında mənim qanunsuz işdən çıxarıldığımı qəbul etdi, amma əsassız şəkildə məhkəmənin iddia müddətini ötürdüyümü əsas göstərərək iddianı rədd etdi. Lakin müddət ötürülməyib. Əlavə olaraq qeyri-iş günlərimdə işlədiyim əvəz günlərimin haqqının verilməsi barəsində də iddiam məhkəmə tərəfindən qanunsuz olaraq rədd edilib. Hakim əsassız olaraq işəgötürənin, yəni TƏBİB-in əmrini sübut hesab etməyib və iddianı rədd edib. Bu məsələni də Müfəttişlik xidməti araşdırmış və ödənilməli olduğunu bildirib”.

Xəyalə Həsənova məhkəmənin qərarı ilə razı olmadığını vurğulayıb:

“TƏBİB-in də, hakimin də sadə vətəndaşlara qarşı belə qərəzli yanaşması ilk deyil. Araşdırılmasını xahiş edirəm. Apelyasiya məhkəməsinə artıq müraciət etmişəm. Məsələni ictimailəşdirməkdə məqsədim ədalətli və qanuna uyğun şəkildə məsələnin həll olunmasında mənə kömək göstərilməsidir. Onların kimə və nəyə arxalandığını bilmirəm, amma mənim arxalandığım yalnız qanun, xalq və ədalətdir. Əminəm ki, onlar mənə kömək olacaqlar”.

Oxşar xəbərlər

TƏBİB-in şöbə müdiri vəzifədən getdi - YENİ TƏYİNAT
TƏBİB-də yeni təyinat
Rəvanə Əliyeva müdir vəzifəsinə təyin edildi - TƏBİB
TƏBİB sədrinin himayə etdiyi şöbə müdirindən təhqiramiz sözlər - FOTOFAKT
Ramin Bayramlı 20-yə yaxın şəxsi işdən çıxardı - FOTOLAR
TƏBİB vətəndaşlara müraciət etdi
Yaqut Qarayevaya yeni vəzifə verilib
“Semaşko"nun baş həkimi işdən çıxarıldı - YENİ TƏYİNAT
Xanım həkim Ramin Bayramlını məhkəməyə verdi - FOTO
20-yə yaxın tibb işçisi niyə vəzifədən azad edildi? - Rəsmi açıqlama
Oqtay Şirəliyev və Ramin Bayramlı peyvənd olundu - FOTO
“Sinovac” vaksini laboratoriyalarımızda yoxlanılacaq - TƏBİB
TƏBİB-dən karantin rejiminin sərləşdirilməsi ilə bağlı AÇIQLAMA
Xəstəxanada koronavirusdan ölən şəxslərin meyitləri dəyişik düşüb?
Azərbaycanda vaksin ilk öncə onlara VURULACAQ
“Qızıl Xaç”dan TƏBİB-ə tibbi yardım ianəsi
Ramin Bayramlıya vurulan koronavirus peyvəndi deyil - TƏBİB-dən AÇIQLAMA
Oqtay Şirəliyev və Ramin Bayramlıya vaksin vurulmayıb? - RƏSMİ AÇIQLAMA
Səlim Müslümovun qohumu olan Baş həkim işdən çıxarıldı (Foto)
Ramin Bayramlıdan yeni təyinat
Şirkət TƏBİB-i məhkəməyə verdi
Hamilələrə və körpələrə vaksin vurulacaq? - TƏBİB-dən açıqlama
TƏBİB-ə belə sataşan olmamışdı - Foto
Professora TƏBİB-də vəzifə verildi - Foto
Bəzi şəxslərə koronavirus vaksini vurulmayacaq - TƏBİB
Zakir Həsənov onları təltif edib - Adlar
Tibb işçilərinə vaksin məcburi vurulur? - TƏBİB-dən AÇIQLAMA
Salyan Rayon Xəstəxanasında ÖZBAŞINALIQLAR-BİR XANIMIN ƏLİNDƏ OYUNCAĞA ÇEVRİLİB
TƏBİB işdən çıxardığı həkimə məhkəmədə uduzdu
Nə vaxtadək maska taxacağıq? - TƏBİB-dən AÇIQLAMA