Avqustun 31-dək qüvvədə olan qadağalar
4-08-2020, 11:54
460

Avqustun 31-dək qüvvədə olan qadağalar

COVID-19 infeksiyasına yoluxma dinamikası nəzərə alınmaqla avqustun 5-dən 31-i saat 00:00-dək sərtləşdirilmiş xüsusi karantin rejimi Bakı, Cəlilabad, Gəncə, Masallı, Mingəçevir, Sumqayıt, Yevlax şəhərləri və Abşeron, Bərdə, Goranboy, Göygöl, Xaçmaz, Salyan rayonunda tətbiq olunacaq.

Gündəlik Bakı-nın xəbərinə görə, bu, Operativ Qərargahın məlumatında əksini tapıb.

Sərtləşdirilmiş xüsusi karantin rejiminin tətbiq olunduğu 13 şəhər və rayonda aşağıdakı məhdudiyyətlər qüvvədədir:

• həftəsonları qeyd olunan tarixlərdə bütün ictimai nəqliyyatın hərəkəti:

8 avqust saat 00:00-dan 10 avqust saat 06:00-dək;

15 avqust saat 00:00-dan 17 avqust saat 06:00-dək;

22 avqust saat 00:00-dan 24 avqust saat 06:00-dək;

29 avqust saat 00:00-dan 31 avqust saat 06:00-dək;

• nəzdindəki ərzaq mağazaları və apteklər istisna olmaqla, iri ticarət mərkəzləri və «Mall»ların fəaliyyəti;

• ictimai iaşə obyektlərində müştərilərə yerində xidmətlər;

• muzey və sərgi zallarının fəaliyyəti;

• bütün təhsil müəssisələrində tədris və təlim-tərbiyə prosesinin fəaliyyəti (imtahan, müsabiqə, müsahibələr və müxtəlif arayış və sənədlərin verilməsi ilə bağlı vətəndaş müraciətlərinin qəbulu istisna olmaqla);

• açıq havada idman yarışlarının və oyunları da daxil olmaqla bütün kütləvi tədbirlər, o cümlədən mədəni-idman tədbirlərin keçirilməsinin dayandırılması;

Eyni zamanda Azərbaycan Respublikası Nazirlər Kabinetinin 19 iyun 2020-ci il tarixli Qərarı ilə fəaliyyətinə icazə verilən və qadağan edilən iş və xidmət sahələrinə dair qaydalar qüvvədə qalır.

2020-ci il 31 avqust saat 00:00-dək ölkə üzrə tətbiq olunan xüsusi karantin rejimi çərçivəsində aşağıdakı məhdudiyyətlər qüvvədədir:

• ölkə ərazisinə yerüstü və hava nəqliyyatı yolu ilə giriş-çıxışın dayandırılması; (xüsusi və çarter reysləri istisna olmaqla)

• xüsusi təyinatlı, o cümlədən təcili tibbi yardım, qəza-bərpa, xilasedici, habelə yük daşıyan avtomobillərin hərəkəti istisna olmaqla, sərtləşdirilmiş xüsusi karantin rejiminin tətbiq olunduğu şəhər və rayonlara giriş-çıxış və ölkənin digər şəhər və rayonlarından yerustü və hava nəqliyyatı ilə sərnişin daşımalarının dayandırılması; (Naxçıvan Muxtar Respublikası istisna olmaqla)

• ASAN Xidmət və “DOST” xidmət mərkəzləri istisna olmaqla, digər dövlət orqanlarında vətəndaşların yerində qrup və fərdi qaydada qəbulunun dayandırılması;

• tədbirlərin təşkili üzrə xidmətlərin, o cümlədən bu sahədə müştərinin evində və ya digər məkanlarda ad günləri, toy, nişan və bu kimi mərasimlərin təşkilinin qadağan olunması;

• iri ticarət mərkəzlərinin və “Mall”arın nəzdində olan uşaq və digər əyləncə mərkəzləri, kinoteatrlar, ictimai iaşə məkanlarının fəaliyyətinin dayandırılması;

• əyləncə məkanları, o cümlədən uşaq əyləncə məkanlarının (bulvar və parkların ərazisindəki daxil olmaqla) fəaliyyətinin dayandırılması;

• idman, sağlamlıq-bərpa üzrə xidmətlərin dayandırılması (bu sahədə tibbi xidmətlər istisna olmaqla);

• mədəniyyət obyektləri, eləcə də kinoteatrların, teatrların, idman zallarının fəaliyyətinin dayandırılması;

• dəfn mərasimləri istisna olmaqla dini ritual xidmətləri, eləcə də mərasim zallarında, çadırlarda və digər qapalı məkanlarda yas mərasimlərinin təşkili və keçirilməsinin qadağan olunması;

• toy məclislərinin təşkilinin qadağan olunması;

• bütün təhsil müəssisələrində tədris və təlim-tərbiyə prosesinin fəaliyyəti (imtahan, müsabiqə, müsahibələr və müxtəlif arayış və sənədlərin verilməsi ilə bağlı vətəndaş müraciətlərinin qəbulu istisna olmaqla);

• ictimai yerlərdə, o cümlədən küçələrdə, bulvarlarda, parklarda və digər yerlərdə şəxslərin 5 nəfərdən artıq qruplarda cəmləşməsinin qadağan olunması;

• bütün kütləvi tədbirlər, o cümlədən mədəni-idman tədbirlərin keçirilməsinin dayandırılması;

• ictimai iaşə obyektlərində qəlyan avadanlıqlarından istifadənin qadağan olunması;

• tibb müəssisələrində müalicə alan şəxslərin xəstə yaxınları tərəfindən ziyarətinin qadağan edilməsi;

• massaj və hamam xidmətlərinin göstərilməsi.

Oxşar xəbərlər

SMS və icaze.e-gov.az portalı ilə icazə ləğv olunub
Bu gündən avqustun 24-dək 13 şəhər və rayonda ictimai nəqliyyat işləməyəcək
Azərbaycanda daha bir məhdudiyyət tətbiq edilir
Azərbaycanda karantin rejimi bu tarixədək UZADILDI - RƏSMİ
Avqust karantinin son ayı olacaq?
Baş Nazir sərt karantinlə bağlı qərarı təsdiqlədi
İctimai nəqliyyatın fəaliyyəti ikigünlük dayandırılıb
Rayonlara gediş-gəliş bərpa edilir? - AÇIQLAMA
Sabahdan Bakıda ictimai nəqliyyatın hərəkəti dayandırılır – BNA
Azərbaycanda xüsusi karantin rejimi gücləndirildi - Bu gündən...
Sabahdan Bakıda ictimai nəqliyyatın hərəkəti dayandırılır
Bu gündən kafe və restoranlar açıldı
Rayonlara gediş-gəlişlə bağlı rəsmi açıqlama
 Azərbaycanda karantin rejimi yumşaldılır - HANSI QADAĞALAR GÖTÜRÜLDÜ?
ATV və Lider TV-nin yayımı dayandırılacaq
Sahil Babayev: "190 manat yaxın günlərdə veriləcək" - Video
Bu gecə Bakıda və bir sıra ərazilərdə postlar qurulacaq - DYP
Azərbaycanda restoran və “Mall”ların fəaliyyəti bərpa olunur
Şənbə-bazar şəxsi maşınların hərəkətinə icazə veriləcək - Açıqlama
Sabahdan məhkəmələrin fəaliyyəti tam bərpa olunur
190 manat məbləğində birdəfəlik ödəmənin verilməsi ilə bağlı qərar verilib
Azərbaycanda idman oyunlarına qadağalar aradan qalxdı
Evdən çıxmaq istəyənlərin 29 faizinə rədd cavabı verildi
BNA həftə ərzində daşınan sərnişinlərin statistikasını açıqlayıb
Avqust ayı üzrə bütün pensiyalar ödənildi
DYP 605 hərəkət iştirakçısı inzibati məsuliyyətə cəlb edib
Rayonlara giriş-çıxış məhdudlaşdırıldı - DİN-dən AÇIQLAMA
20 minə yaxın avtomobil postlardan geri qaytarılıb
Toyların keçirilməsinə icazə veriləcək? - Açıqlama
190 manatı alacaq şəxslərin siyahısı banklara göndərildi