“Buldozer Zülfəli”  Bakı Şəhər İcra Hakimiyyətinin yeni başçısı  ola bilər
10-08-2020, 19:24
1 762

“Buldozer Zülfəli” Bakı Şəhər İcra Hakimiyyətinin yeni başçısı ola bilər

Deməli  fizika müəllimi  Hacıbala Abutalıbov paytaxtın meri olandan sonra çoxları fikirləşdi ki, mən niyə olmayım, mənim ondan nəyim əskikdir. Və neçə illər ərzində radikal müxalifət qəzetlərinin manşetini “Gələn ay Hacıbala gedir...O vəzifəsi ilə vidalaşır...Filankəs Bakının meri olacaq”  tipli proqnozlar, əslində falabaxmalar bəzədi. Amma Hacıbala müəllim az qala bir qərinə paytaxtın meri oldu. 
Və sonda meriya quşu  Eldar Əzizovun çiyninə qondu. 
Paytaxtın meri olmaq istəyənlərdən biri də uzun müddət Bakı ŞİH-də Nəzarət və təftiş şöbəsinin müdiri  işləyən Zülfəli İsmayılov idi. İnsaf naminə qeyd etmək  lazımdır ki, qədim Bakının sökülməsində Zülfəli müəllimin xidmətləri çox olub. Əbəs yerə xalq ona yaxşı  mənada “Buldozer Zülfəli” demirdi. Harda bir qanunsuz tikili, hasar, daxma vardısa Zülfəli özünü yetirib xaraba qoyurdu. Özü də həmişə deyirdi ki, harda qanunsuz tikililər görürəm qaşınıram, oranı sökmək və yerini yaşıllaşdımaq istəyirəm. Doğrudan da edirdi. Bu adam deyirdi Bakını kəndə çevirəcəm qoy hər tərəf yaşıllıq örüş yeri kimi olsun. Bax  bu xidmətlərinə görə  Zülfəli İsmayılovun mer olmaq niyyəti başadüşülən idi.Amma sən saydığını say gör taleh quşu kimin çiyninə qonur. 
İndi Zülfəli müəllim harda gəldi, toyda-vayda deyir ki, mən mer olmağa Eldardan daha çox layiqəm, o azərbaycan dilində düz-əməlli danışa bilmir, maska taxmaq əvəzinə maska içmək deyir. 
Zülfəli İsmayılov ürəyini açıb-tökür, “Mən Bakının yolunda Fərhad kimi külüng çalanda Eldar heç meriyanın yolunu tanımırdı, o kimdir mənə söz desin, mən mer olmağa daha çox layiqəm” deyir.Lap möhkəm hirslənəndə nəsə “Tort” sözü də işlədir.  
Həqiqətən də Zülfəli müəllim millətsevərdir, qohumcanlıdır, el-oba adamıdır.
Qohumlarının dediyinə görə, Zülfəli harda süd-sümük qohumu varsa, hamısını yaxşı yerlərdə torpaqla, evlərlə, bahalı maşınlarla təmin edib.  
Heç  görəsən Eldar Əzizov bir yaxın qohumuna əl uzadıbmı, birinin yaralı barmağına  maz  sürtübmü ? Əlbəttə yox. 
Zülfəli müəllim təkcə söküntü, yaşıllıq-örüş məsələlərinə baxmır ee...əcnəbilərlə də əsl diplomat kimi tez dil tapır. Əbəs yerə dünyaca məşhur  Şeffer firması Zülfəli müəllimi Aərbaycanda səlahiyyətli nümayəndə təyin etməyib ki...
Arada Şeffer firması ilə umu-küsü-problem yarandıqda  o ən yaxın dostu olan,qeyri-rəsmi şəriki, kirvəsi, keçmiş baş prokuror Zakir Qaralova da zəng edib məsələni yoluna qoyarmış. 
Amma Zülfəli İsmayılovla Eldar Əzizovun arasında olan qalmaqal getdikcə böyüyür.Eldar Əzizov  son günlər  bizim fəxrimiz olan həmyerlimiz  Zülfəli İsmayılovu gözümçıxdıya salıb. Bu isə məcburi köçkünlərin kefinə əməlli-başlı soğan doğrayıb. 
Məcburi köçkünlər deyir ki, Zülfəli İsmayılov işgüzar adamdır, 70-ə yaxın məcburi köçkünə ayda 800 manat yadım edir,əsl xeyriyyəçidir, zəmanəmizin Hacı Zeynalabdin Tağıyevidir. Onun 
70-ə yaxın  kommersiya obyektlərində məcburi köçkünlər işləyir. Bu yüzlərlə adamın çörəkpulu qazanması  demək deyilmi?
 İstər Nərimanovda, istər Səbaildə, istər Yasamalda, istər Nəsimidə, ümumiyyətlə  Bakı şəhərinin bütün rayonlarında olan hansı obyektinin qapısını döysən görəcəksən ki, məcburi köçkün işləyir.Bunun nəyi pisdir?
Əgər Zülfəli İsmaylov hər ay öz gəlirindən 100 minlərlə manat məcburi köçkünlərə xərcləyirsə bunun nəyi pisdir?
 Atalar deyib ki əl tutmaq (Zülf)Əlidən qalıb. 
İstər öz sürücüsü,istər köhnə prokurorun sürücüsü istər bütün tikinti işlərini görən şəxslərin hamısının yüksək səviyyədə yaşamasının nəyi pisdir? Bunların hamısını Zülfəli müəllim təmənnasız edir. 
Nə üçün Eldar Əzizov Zülfəli İsmayılovu belə gözümçıxdıya salıb ? Düzdür Zülfəli də kiminsə qabağından çəkilən oğlan deyil. Amma...
Bax bu məsələ məcburi köçkünləri ciddi düşündürür. Qoy Eldar Əzizov da papağını qabağına qoyub bu barədə ciddi-ciddi düşünsün.



Oxşar xəbərlər

Təftiş şöbəsinin müdiri Zülfəlinin özünü TƏFTİŞ eləmək lazımdır- Eldar Əzizov  Zülfəlini gözümçıxdıya salıb
Sabiq prokuror Ceyhun Şirinov ittihamdan öncə falabaxanlarla məsləhətləşir-Falabaxan söz verib ki, Zülfəli Bakının, Ceyhun isə Gəncənin meri olacaq
Prezident maraqlandı, meriya hərəkətə keçdi
Ramiz Mehdiyev Elşad Abdullayevi niyə deputat seçdirmək istəyirdi?
Prezident İlham Əliyev: Bəzi indiki dırnaqarası özünü lider adlandıran qorxaqlardan fərqli olaraq, Heydər Əliyev hər bir təhlükəyə, məhrumiyyətə getməyə hazır idi
Əli Həsənov və Abutalıbov işdən çıxarıldı - Sərəncam
Sietl merindən Trampa sərt cavab: “Bunkerə geri qayıt”
Antalyanın meri koronavirusa yoluxub
Goranboyun icra  başçı  avtobioqrafiyasını  təzələyir Mantyor, ofisiant, kankan, qum-çınqıl  satan icra başçıları
Goranboyun icra başçısı avtobioqrafiyasını təzələyir...
Parisdə koronavirus xəstələrini hotellərdə yerləşdirəcəklər
Sabunçunun icra başçısı operativ qərargahın qoyduğu qaydaları pozur - Video
İtaliyada güclü daşqın - VİDEO
Eldar Əzizovun icra başçısı olan kürəkəni binanın damını 90 min manata sökdürür
"26-lar" kafesinin sahibinin oğlu, “Gelandevagen”li Qasımov niyə bıçaqlanıb? - FOTO
Bizi çağırsalar nə deyək, ay Vəfadar  Bağırov?-PA-nın sektor müdiri Ramiz Mehdiyevin  kürəkəni  İlham Əliyevin  yaxın qohumudur
Rusiya da Azərbaycanın tətbiq etdiyi bu qaydaya keçdi
Rusiya da Azərbaycanın tətbiq etdiyi bu qaydaya keçdi
“Ramiz Mehdiyevin tayfası və mənim nəslim-tayfam...” – Kürəkəndən tost
Bakıda bu binaların dam örütüyü təmir olunacaq
Naftalan icra başçısı çətin durumda - Saxta arayış məsələsinə görə
Eldar Əzizov koronavirusa görə Bakı meriyasına təcili yardım çağırdı - Foto
Bakıda uşaq bağçaları açılışa HZIRLAŞIR
Abşeronda müəllimlər günü qeyd edilib
Biləsuvarda qaçıb gizlənən məmur kimdir?
Əli Həsənov: "YAP uzun müddət hakimiyyətdə qalacaq"
Qaçqın və məcburi köçkünlər  “KUPÇA”nı  yeyəcək ?- Sədr Rövşən Rzayevə göstərilən etimad LİMİTİ başa çatıb
Məşhur 91-lərdən birini Əli Həsənov necə "bomj"a çevirdi
"Əli İnsanov dedi ki, bu işlərin başında Ramiz Mehdiyev dayanır" - 15 ilin sirri
İcra başçısı ilə birgə saxlanılan müavinləri - FOTO