Bir neçə ay əvvəl  Bakının mərkəzində, daha dəqiq desəm məşhur  Nizami kinoteatrının  yanından keçəndə gözümə iri  hərflərlə  yazılmış   KABABZADA  reklamı  sataşdi. Düzü məəttəl qaldım. Onsuz da  son illər  ÇAYXANA əvəzinə ÇAY EVİ, KABABXANA əvəzinə  KABAB EVİ,  ŞƏRAB  EVİ  v.s  kimi  əcaib, doğma dilimizə  yad olan reklam lövhələri adamın əsəblərini yerindən oynadır. Bütün bunlar azmış  kimi KABABZADA nədir  görən... Maraq mənə güc gəldi  və  şəhərin mərkəzindəki obyektə daxil oldum. Böyük bir ictimai- iaşə obyektidir və əsasən müştərilərə kabab  verilir. Obyektin kimə məxsus olduğunu soruşsam da heç kim heç nə demədi. Fikirləşdim ki,  yaxşı  kababı başa düşdük, bəs KABABZADA nədir. Bir müddət  sonra  yenə həmin restoranın  yanından keçəndə  nəsə yemək üçün  daxil oldum və  söhbət zamanı bəlli  oldu ki, KABABZADA-nın sahibi  Qaçqınların və Məcburi Köçkünlərin İşləri üzrə Dövlət Komitəsinin  sədri  Rövşən Rzayevdir. El arasinda  erməni-budaq  cümləsi deyilən bir ifadə var. Deyəsən Qacqınkomun təzə sədri  dilimizə  erməni adları gətirmək istəyir.  Dilimizdə   –zade  şəkilçisi ilə  düzələn soyadaları var:  Əhməd-zadə, Vahab-zadə, Qulu-zadə, Həsən-zadə  və s. Bəlkə hörmətli  Rövşən Rzayev familyasını dəyişib xəbərimiz yoxdur. Görünür məsələ daha ciddidir. Cənab komitə sədri soyadını dəyişmək  və izi itirmək istəyir. Olsun. Bundan sonra bəzilərinə cənab Kabab-zadə  deyərik. P.S. Bir şey çox maraqlıdı. Qaçqınkomun elə bil alnına eyni taleh yazılıb. Keçmiş sədr Əli Həsənov da, indiki Kabab-zadə də eyni  “zümrə”dəndir. Növbəti yazıda Rövşən Rzayevin kurasiyasında olan 111  JEK və orada çalışan, adı olub işdə tapılmayan “ordu”dan bəhs  edəcəyik.