Tələbələrin köçürülməsi prosesi başlanılır
12-07-2021, 10:08
103

Tələbələrin köçürülməsi prosesi başlanılır

Bu gündən tələbələrin ölkə daxilində və ya xaricdə yerləşən ali təhsil müəssisələrindən köçürülməsi, ixtisasının və (və ya) təhsilalma formasının dəyişdirilməsi, eləcə də ölkəmizdə yerləşən orta ixtisas təhsili müəssisələri tələbələrinin (təhsil forması üzrə), magistratura səviyyəsində təhsilalanların köçürülməsi üzrə elektron sənəd qəbuluna başlanılır.
Təhsil Nazirliyindən bildirilib ki, transfer.edu.az portalı vasitəsi ilə həyata keçiriləcək sənəd qəbulu iyulun 26-dək davam edəcək. Portala müraciət edən şəxslər köçürülmək istədiyi təhsil müəssisəsini seçmək imkanına malikdir. Bunun üçün təhsilalanlar tələb olunan məlumatları daxil etməklə, köçürülmə meyarlarına uyğun gəlib-gəlmədiyini müəyyən edə bilərlər.
Tələbələrin bakalavriat səviyyəsində bir ali təhsil müəssisəsindən və ya ixtisasdan digərinə köçürülməsi zamanı tələbənin qəbul olunduğu və köçürülmək istədiyi ixtisaslar Dövlət İmtahan Mərkəzi tərəfindən müəyyən olunmuş eyni ixtisas qrupu daxilində olmalıdır.
Qeyd edək ki, ali təhsilin magistratura səviyyəsində tələbələrin bir ixtisasdan (ixtisaslaşmadan) digərinə köçürülməsinə yol verilmir. Həmin səviyyədə təhsil alan tələbələr yalnız təhsilalma formasını dəyişmək, I tədris ilində eyni ixtisas (ixtisaslaşma) üzrə bir ali təhsil müəssisəsindən digərinə köçürülmək hüququna malikdirlər.
Bununla yanaşı, Dövlət İmtahan Mərkəzi tərəfindən keçirilən qəbul imtahanlarında tələbənin topladığı bal qəbul olunduğu ildə köçürülmək istədiyi ali təhsil müəssisəsində müvafiq ixtisas üzrə minimal keçid balından az olmamalıdır. Həmçinin, tələbənin qəbul olunduğu və köçürülmək istədiyi ixtisaslar Dövlət İmtahan Mərkəzi tərəfindən müəyyən olunmuş eyni ixtisas qrupu daxilində olmalıdır.
Bir ali təhsil müəssisəsindən digərinə köçürülən, ixtisasını dəyişən şəxslər (dövlət sifarişi əsasında təhsil alanların eyni ixtisas üzrə köçürülməsi istisna olmaqla) təhsillərini yalnız ödənişli əsaslarla davam etdirirlər. Təhsilalma formasını dəyişən və ya köçürülən (dövlət sifarişi əsasında təhsil alanların eyni ixtisas üzrə köçürülməsi istisna olmaqla) tələbələr təhsil alacağı qrup üçün müəyyən edilmiş məbləğə uyğun təhsil haqqı ödəyirlər.
Akkreditə olunmayan xarici ölkə ali təhsil müəssisələrinin tələbələrinin Azərbaycan Respublikasının ali təhsil müəssisələrinə köçürülməsinə və ya bərpa olunmasına yol verilmir. Tələbənin təhsil aldığı ali təhsil müəssisəsinin dünyanın ən yaxşı ali təhsil müəssisələrinin reytinq siyahısında olması da nəzərə alınan göstəricilər sırasındadır. Xarici ölkə ali təhsil müəssisələrində qiyabi təhsil alan tələbələrin ölkənin ali təhsil müəssisələrinə köçürülməsi aparılmır.
Bu zaman II və III ixtisas qruplarında müəyyənləşdirilmiş “tarix və coğrafiya müəllimliyi”, “tarix müəllimliyi” və “tarix” ixtisasları öz aralarında, eləcə də II ixtisas qrupunda müəyyənləşdirilmiş “beynəlxalq münasibətlər” və “regionşünaslıq” ixtisasları isə III ixtisas qrupuna daxil olan digər ixtisaslarla (mədəniyyət və incəsənət ixtisasları istisna olmaqla) uyğun hesab edilir.

Oxşar xəbərlər

Bu gündən tələbələrin köçürülməsinə başlanıldı
Bu tarixdən tələbələrin köçürülməsinə başlanılacaq
Tələbələrin köçürülməsinin qaydaları AÇIQLANDI
Avqustun 17-dən tələbələrin köçürülməsinə başlanılır
Tələbələrin köçürülməsi başa çatdı
Tələbələrin köçürülməsinin nəticələri məlum olub
Sosial həssas qrupdan olan tələbələrin qeydiyyatı sabah yekunlaşacaq - Diqqət!
Hansı tələbələr dövlət imtahanından azad olunacaq? - RƏSMİ
Baş Nazirdən təhsillə bağlı daha bir QƏRAR
Müəllim işləmək üçün imtahan verən şəxslərdən COVID-19 sənədi tələb olunmayacaq
Bu tələbələr dövlət hesabına təqaüd ALACAQ
Müəllim olmaq istəyənlərin NƏZƏRİNƏ
Xaricdə doktorantura təhsilinə sənəd qəbulu başladı
Yuxarı siniflər və universitetlər açılır
Yuxarı siniflər və universitetlərdə ənənəvi tədris qismən bərpa olunur
Ali məktəblərdə imtahanlar bu qaydada keçiriləcək
Magistraturaya qəbul olmaq istəyənlərin NƏZƏRİNƏ - ŞƏRTLƏR (YENİLƏNİB)
Magistraturada dərslərin başlaması ilə bağlı RƏSMİ AÇIQLAMA
Ali məktəblərə sənəd qəbulu başa çatdı
Magistraturaya imtahan vermək istəyənlərin NƏZƏRİNƏ!
Səfərbərliyə cəlb olunan tələbələrin imtahanları ilə bağlı RƏSMİ AÇIQLAMA
Bu gündən ali təhsil müəssisələrinə sənəd qəbulu başlayır
Bu gün V-IX siniflərdə ənənəvi tədris qismən bərpa olunur
Ali məktəblərdə dərslərin keçirilməsi qaydası məlum oldu
Bu şəxslər ali məktəblərə imtahansız qəbul olunacaqlar
Ali məktəblərdə boş qalan yerlərin siyahısı dərc olunub - Diqqət!
Təhsil haqqını ödəyə bilməyən tələbələrə ŞAD XƏBƏR
Bu abituriyentlər üçün yenidən imtahan KEÇİRİLƏCƏK
Abituriyentlərin nəzərinə!
Təhsil Nazirliyi peşə təhsili müəssisələrinə daxil olanlara müraciət edib