Azərbaycanda uroloq-cərraha qarşı 1 milyonluq məhkəmə iddiası
28-07-2021, 10:08
88

Azərbaycanda uroloq-cərraha qarşı 1 milyonluq məhkəmə iddiası

Böyrək daşı əməliyyatından sonra ikitərəfli beyin insultu keçirən paytaxt sakini Anar Gözəlov indi özünü idarə edə bilmir.
Onun xanımı, uzun illər “Lider” telekanalında aparıcı, ardından da bu ilin fevralınadək Nəqliyyat, Rabitə və Yüksək Texnologiyalar Nazirliyində mətbuat katibi çalışmış Günel Gözəlova beş verənlərə görə cərrah-uroloq Araz Bayramovu günahkar sayır. Bu üzdən, həkimi məhkəməyə verərək, 1 milyon təzminat tələb edir. (Azadliq.org)
İddianı Nərimanov rayon Məhkəməsində hakim Vüqar Quliyev araşdırır. İddiaçının nümayəndəsi qismində çıxış edən Günel Gözəlova deyir ki, həyat yoldaşı 2021-ci ilin fevralında əməliyyata girəndə böyrək ağrılarından başqa heç bir şikayəti yox idi:
“Əməliyyatdan sonra uzun müddət yoldaşımı bizə göstərmirdilər. Onu görəndə, sanki insan cildində deyildi. Keçmiş polis əməkdaşı, Prezident Qvardiyasında xidmət etmiş adam anlaqlı vəziyyətdə əməliyyata daxil olub, anlaqsız vəziyyətdə çıxdı. Araz həkimə güvənimiz həyat yoldaşımın əlil olmasıyla nəticələndi. Həyatımız darmadağın oldu. Yoldaşım məni tanımır, qışqırırdı...”
Gözəlovanın sözlərinə görə, qan analizlərinin nəticələri, əslində, həmin vaxt həyat yoldaşının əməliyyata hazır olmadığını göstərib. Amma onlar tibb işçisi olmadıqlarından bunu bilməyiblər. Həkimin özü isə buna diqqət yetirməyib və ya əhəmiyyət verməyib:
“Nəticədə sağlam adam əməliyyata girib, beyin insultu ilə çıxdı”.
Cavabdeh həkim məhkəməyə qatılmasa da, onu nümayəndəsi və vəkili Asif Mədətov təmsil edib.
Vəkil iddia ərizəsinə etirazını bildirib və Gözəlovun bu duruma düşməsində müvəkkilinin günahıolmadığını söyləyib:
“Bu haqda yazılı əsaslandırmamızı da növbəti iclasda təqdim edəcəyik”.
Hakim cavabdehin vəkilindən əməliyyatın diskini istəyib, çünki iddiaçı tərəfin dediyinə görə, belə əməliyyatlar normalda təxminən iki saat çəkir. Sözügedən halda isə əməliyyat 6 saata yaxın sürüb. Bu iddia ilə razılaşmayan vəkil Asif Mədətov əməliyyatın diskini məhkəməyə təqdim edəcəyinə söz verib.
Gözəlovlar ailəsi həkimdən Nərimanov rayon prokurorluğuna da şikayət edib.
Əməliyyat “Buta” klinikasında baş tutub. Klinikanın baş həkimi, cərrah Araz Bayramovun atası Eldar Bayramovdur.
Araz Bayramov ünvanına səslənən ittihamları təkzib edib. O bildirib ki, Anar Gözəlovun hazırkı durumunun – keçirdiyi beyin insultunun böyrək əməliyyatıyla əlaqəsi olmayıb:
“Xəstə klinikada yatdığı günlərdə daim yoxlanılıb. Axşam saatlarında bitən əməliyyatdan sonra xəstənin ümumi vəziyyəti keçirdiyi əməliyyata və aldığı narkoza tam uyğun olub. Gecə saatlarında xəstə yatdığına görə növbəti gün təkrar yoxlandıqda danışığında qeyri-adekvatlıq sezilib və dərhal nevropatoloqun göstərişi əsasında beyin kompüter tomoqrafiyası edilib. Beyində xroniki işemik insult ocaqların birinin yarımkəskinləşməsi aşkar olunub. Bu problemlə əlaqəli bütün lazımi tədbirlər və müalicələr edilib”.

Oxşar xəbərlər

Günel Gözəlova ərini əməliyyat edən həkimi məhkəməyə verdi
Elmar Vəliyevlə bağlı kritik qərar: Nə baş verir?
Cahid Şahbazov həkimdir, yoxsa?.. - Çəkişmə...
Əməkdar artist beyin əməliyyatından 1 il sonra efirdə - FOTO
"Əməliyyatdan üç-dörd gün sonra ağrılar başladı..." - GİLEY
Həkim ər-arvada qarşı ağır ittiham – Ölən xəstənin ailəsi şikayətçidir
“Anarı hələ də sevirəm” - Röya ağladı
Polis azyaşlının yanında atasını zorla maşına mindirib? - RƏSMİ AÇIQLAMA
“Şərurlu İsfəndiyar” bu xanımı məhkəməyə verdi
Yeni nazir mətbuat katibini də işdən çıxardı
Mehman Hüseynovu təhqir edən şəxs polisə çağırıldı
Bakıda polis dəmiryığana fiziki təzyiq göstərib? - AÇIQLAMA
Günel Gözəlova vəzifəsindən ayrıldı
Maskaya görə sürücünü vuran sərnişin həbs olundu - VİDEO (YENİLƏNİB)
Cahangir Əsgərovun xanımına “yox” deyildi
Hərbi Prokurorluq Hadruta ilk daxil olan komandir Ziya Kazımovun işini nəzarətə götürdü
“Deyir ki, get hara istəyirsən şikayət et” - Vətəndaş baş həkimin əlindən fəryad edir...
Məhkəmə “Lider TV” barədə qərar verdi
Niyaz Niftiyevin məhkəməsi yenə təxirə salındı
“Lider TV” barədə növbəti məhkəmə qərarı
Məhkəmə qarşısında arvadının başını kəsən şəxs müəllim imiş... - Dəhşətli qətlin TƏFƏRRÜATI
Ali Məhkəmənin hakiminın adı zavod qalmaqalında
Azərbaycanda polis əməkdaşı həbs edildi - SƏBƏB
Ali Məhkəmə “Lider TV” ilə bağlı qərar verəcək
“Royal Bank” maxinasiyaları: İşsiz qadının adına kredit ayrılıb, qadın illər sonra xəbər tutub...
Nazir Ramin Quluzadənin qaynını işdən çıxardı
Rəşad Nəbiyevdən yeni TƏYİNATLAR
Ziya Məmmədovun qardaşının məşhur şirkəti bu şirkətlə birləşdi - FOTO
Maskaya görə sürücünü vuran şəxs belə üzr istədi - VİDEO
Cinsiyyət əməliyyatı keçirən gənc oğlan həyatını itirdi