Azərbaycanda 830 milyon mənimsədi: İndi Londonda futbol klubu alır
5-08-2021, 17:11
60

Azərbaycanda 830 milyon mənimsədi: İndi Londonda futbol klubu alır

Bir neçə il əvvəl “Beynəlxalq Bank işi” ilə bağlı həbs edilən və daha sonra azadlığa buraxılan “kredit oliqarxı” Nizami Piriyevin oğlu Nəsib Piriyev Londonda 560 milyon dollara futbol klubu alır. Virtualaz.org xəbər verir ki, Nəsib Piriyev “PAI Capital” firmasının icraçı partnyoru qismində “West Ham United” futbol klubunun səhmlərini almaq barədə təklifini təqdim edib və yaxın vaxtlarda bu firma klubun gələcəyinə dair planlarını açıqlayacaq. Bu haqda “Hammers News” yazır.
Nizami Piriyev Azərbaycan Beynəlxalq Bankından Qaradağda metanol zavodu tikmək üçün aldığı və faizləri ilə birlikdə 830 milyon dolları keçən krediti mənimsəməkdə ittiham olunaraq 2015-ci ildə DİN Baş Mütəşəkkil Cinayətkarlıqla Mübarizə İdarəsi tərəfindən saxlanılmışdı. Onun barəsində məhkəmə 3 aylıq həbs qətimkan tədbiri seçmişdi. Piriyev daha sonra SOCAR-la anlaşdı və onun “AzMeCo” şirkəti metanol zavodunu dövlət neft şirkətinə verdi, əvəzində kredit borclarının qaytarılacağına dair SOCAR-dan təminat aldı və həbsdən çıxdı. Piriyevin metanol zavodu fəaliyyətə başladıqdan qısa zaman sonra, xammal qismində təbii qazın təchizatının dayandırılmasına görə işini dayandırmışdı.
N.Piriyev həbs olunandan sonra onun oğlu Nəsib Piriyev Azərbaycan hüquq-mühafizə orqanları tərəfindən beynəlxalq axtarışa verilmişdi. Piriyevin barəsindəki axtarış qərarının daha sonra ləğv edilib-edilmədiyi məlum deyil. Hazırda onun adı İnterpol-un axtarışda olan şəxslər siyahısında yoxdur.
“Hammers News” Piriyevin “PAI Capital” şirkətinə müraciət edərək onun nədən “West Ham United” futbol klubunu almaq istədiyini soruşub. Şirkətdən bu suala maraqlı cavab verilib: ““PAI Capital” -ın icraçı partnyoru Nəsib Piriyev 1986-cı ildən başlayaraq “West Ham United” klubunun və İngiltərə yığmasının qızğın azarkeşidir”
Lakin nəşr azərbaycanlı biznesmenin təkcə çılğın azarkeş olduğu üçün bu futbol klubunu almaq istədiyini inandırıcı saymır. Xüsusən də İngiltərənin “Queens Park Rangers” futbol klubunun keçmiş rəhbəri Filip Birdanın bu sövdələşmədə iştirakı haqda məlumatların olduğu nəzərə alınarsa. Bildirilir ki, “West Ham United” azarkeşləri Filip Birdanın şübhəli imici haqda məlumatlıdır. Bəs “West Ham United” klubunun səhmlərini David Sallivan və David Qolddan almaq istəyən müəmmalı azarkeşin, yəni Nəsib Piriyevin barəsində nə məlumdur?
“PAI Capital” şirkətinin saytında Piriyev neft-kimya, neft və qaz, maliyyə xidmətləri, habelə istehlak və pərakəndə satış bazarları üzrə iş təcrübəsi olan sahibkar kimi təqdim olunur. O, həmçinin “PNN Group” və “AzMeCo” şirkətinin həmtəsisçiləri sırasında yer alır.
“Cənab Piriyev son 15 ildə Rusiyada, Mərkəzi Asiyada və Uzaq Şərqdə bir çox layihələri uğurla həyata keçirib. Bu layihələrə Azərbaycanda müasir metanol zavodunun tikilməsi də daxildir”,-şirkətin saytında deyilir.
Bundan başqa, “PNN Group” şirkəti özünün “Buta Fashion Group” törəmə şirkəti vasitəsilə Azərbaycanda məşhur geyim brendlərinin, zərgərlik məmulatlarının və aksesuarlarının, o cümlədən “Alfred Dunhill”, “DeBeers Diamond Jewelers”, “Nina Ricci”, “Brunello Cucinelli” və digərlərinin satışı və distribütorluğunu həyata keçirib. 2015-ci ildə isə “Buta Fashion Group” şirkətini satıb.
Bildirilir ki, 2019-cu ildən Piriyev “PAI Capital” şirkətinin beynəlxalq səviyyədə fəaliyyətini inkişaf etdirməklə məşğuldur.
Nəşr Piriyevin “West Ham United” klubunu almaq təklifinin müəmmalı olduğuna dair daha bir məqamı qeyd edir: biznesmen doğrudan da “West Ham United” klubunun çılğın azarkeşidirsə 2020-ci ilin mayında nədən Fransanın “Marcel” (“Olimpic”) futbol klubunu almaq istəyirdi? (Baş tutmamış bu sövdələşmə təklifi barədə o vaxt mətbuat yazıb,-red.)
Xatırladılır ki, Nəsib Piriyevin atası və Böyük Britaniyanın keçmiş baş naziri ilə maliyyə bağlantıları olan Nizami 2015-ci ildə Azərbaycanda seriya maliyyə cinayətlərində ittiham olunaraq həbs edilmişdi. Nəşr yazır ki, “West Ham United” fanatları artıq indidən Piriyevin sərvətini aydınlaşdırmağa çalışırlar, amma Google terminalında bununla bağlı aparılan axtarışlar nəticə vermir.

Oxşar xəbərlər

Beynəlxalq Bank Hacı İbrahim Nehrəmlini məhkəməyə verdi - Daha bir kredit qalmaqalı
Məhkəmə qərar verdi: Mübariz Mənsimov SOCAR-a 63 milyon dollar ödəməlidir
Məşhur klubun baş məşqçisi həbs olundu
Zamirə Hacıyeva İngiltərə Ali Məhkəməsindəki prosesi uduzdu, əmlakı həbsdə qaldı
DİN-in sorğusuna cavab verməyən “Neftçi” cəzalandırıldı
Azərbaycanın dövlət borcu açıqlandı
“Günay Bank”a yeni sədr təyin edildi
20 yaşlı erməni futbolçu Qarabağda öldü
Hikmət Hacıyev “Qarabağ”lı oyunçularla “İmarət”də futbol oynadı - Video
Tarixi qərar: Futbolda beş əvəzetməyə icazə verildi
Ali Məhkəmə aktrisa ilə teatr direktorunun çəkişməsi üzrə qərar verdi
London məhkəməsindən Mənsimov qərarı - 63 milyon ödəyəcək!
İllər sonra üzə çıxdı: Kürəkəni Putininin adından istifadə edərək...
10 milyonluq mənimsəmə - Həbs edilən direktor hakim qarşısında
Hacı İbrahim Nehrəmli məhkəməyə verildi
Oğlunun gözü qarşısında anasını BIÇAQLADI
Hacı İbrahim Nehrəmli məhkəməyə verildi - Borc iş adamını işə saldı
MY transferlər üçün kredit götürdü - 140 milyon
Deputat Ülvi Quliyevin oğlu Londonda 2 milyonluq borca düşüb - FOTOFAKT
Banklarda kredit verilməsi prosesi sadələşir
Sahibkarlara şad xəbər: 130 milyon manat kredit veriləcək
"Şərurlu İsfəndiyar" 5 milyona 2 “Lamborghini”, 2 “Ferrari” alıb - Zaminbank işi
Bakı klubu millimizin futbolçusunu 1 milyon manata satdı
"Unibank" Qarabağ qazisini çıxılmaz vəziyyətə salıb - VİDEO
COVİD-19-la mübarizəyə xərclənən vəsaitin məbləği açıqlandı
Cahangir Əsgərov İDEALın keçmiş sahibini NECƏ MÜFLİS EDİB... - ÇƏKİŞMƏ...
Daş 2 milyon dollara satışa çıxarıldı - FOTOLAR
Beş yaşlı uşaq əfv olunan atasını belə qarşıladı
500 min manatlıq mənimsəməyə görə tutulan bankir AZADLIĞA BURAXILDI
Sürücülərin NƏZƏRİNƏ: “Texpasport”la bağlı yenilik