"Mən fəxr edirəm ki, azərbaycanlıyam və "Qarabağ"ı çalışdırıram" - Qurban Qurbanov
4-10-2019, 09:00
7 085

"Mən fəxr edirəm ki, azərbaycanlıyam və "Qarabağ"ı çalışdırıram" - Qurban Qurbanov

"Qarabağ"ın baş məşqçisi Qurban Qurbanov Avropa Liqasının qrup mərhələsinin II turunda səfərdə Lüksemburqun "Düdelanj" klubuna 4:1 hesabı ilə qalib gəldikləri matçdan sonra mətbuat konfransı keçirib. Qol.az-ın məlumatına görə, o, əvvəlcə oyunu şərh edib:
- Öncə futbolçularımı təbrik edirəm. Bizi hesabdan çox oyun maraqlandırırdı. Bizə intizamlı oyun göstərmək lazım idi. Vacib qələbə qazandıq. Hesab bizi aldatmasın. Bu komandanın gücünü gördük. Fikrimcə, "Düdelanj" APOEL-ə layiqli qalib gəlib. Möhtəşəm azərbaycanlı azarkeşlərə, qarabağlılara təşəkkür edirəm.
- Oyunda təxribat baş verdi. Hazırda Azərbaycanda bu müzakirə edilir. "Qarabağ"ın oyununda artıq neçənci dəfədir ki, belə hadisələr baş verir. Bu dəfəki təxribat daha böyük oldu. Avropa futboluna nə çağırışınız var?
- Əvvəlki hadisələrə heç fikir bildirmədən onların adını dilimə gətirmirdim. Həmişə belə halları qorxaqlıq adlandırıram. Azərbaycanlılar, qarabağlılar öz mədəniyyətlərini göstərməyə çalışır. Həmişə intizamlı olmağa çalışmışıq. Futbolçular hansı komandada olduqlarını bilir. Bu hərəkət qorxaqlıqdır. Mən fəxr edirəm ki, azərbaycanlıyam, "Qarabağ"ı çalışdırıram. Belə provakasiyaya getməməliyik. 15-20 dəqiqə oyun dayandı. Peşəkarlığı gözlədik, nizam-intizamı qorumağa çalışdıq. Uşaqlar paltardəyişmə otağında əsəbləşmişdi, pis olmuşdular. Onları oyuna kökləmək çətin idi. Sağ olsunlar məni eşitdilər, meydanda peşəkar davrandılar. Bəlkə də, gələcəkdə belə hərəkətlər olacaq. Hər dəfə bunu etmək ucuzluqdur. Nə qədər ucuz olduqlarını göstərirlər.
- Bildirdiniz ki, futbolçular əsəbi idi. Meydana qayıtmamaq variantınız da var idi. UEFA buna görə "Düdelanj"a texniki məğlubiyyət verəcəkdi.
- Qanunlara əsasən, meydana qayıtmalıyıq. Biz peşəkarıq, belə hallar tez-tez baş verə bilər. Biz qorxaq deyilik, meydandan qaçmağı bacarmarıq. Elə zəif deyilik. Məğlub olsaydıq belə, meydana qayıdıb, sona qədər mübarizə aparacaqdıq. "Qarabağ" olaraq, azərbaycanlı olaraq qaçmağı göz önünə almırıq. Meydandan qaçmaq bizə yaraşmaz. Sona qədər vuruşub mübarizə aparacaqdıq.
- Bununla bağlı UEFA-ya müraciət ediləcək?
- Bu işlə klub rəhbərliyi məşğul olacaq. Müraciətə ehtiyac yoxdur. UEFA belə məsələlərə reaksiya verir. Yəqin ki, UEFA sərt qərardan sonra daha diqqətli olacaq.
- Qara Qarayev niyə əvəzləndi?
- Ağrısı olduğu üçün sona qədər meydanda saxlamadım.
- "Qarabağ" yenə son saniyələrdə qol buraxdı.
- Bilmirəm, necə cavab verim. Hörmətlə yanaşıram. Daha ciddi olmalıyıq. Qalib gəlmişik, səfərdə 4 qol vurduq. Futbol elə bir şeydir ki, son saniyələrdə qol buraxa bilərsən. Buraxdığımız qol barədə danışmamalıyıq. Elə bir qanun yoxdur ki, hər oyun qol buraxmamalıyıq. Pis nəticələri yada salmayaq. İlk dəqiqələrdə də qol buraxa bilərdik. Ancaq bu oyunun sonlarında baş verdi. Qalib gəlmək istəyirdik və buna nail olduq.
- "Qarabağ"ın qrupdan çıxmaq şanslarını necə hesab edirsiniz?
- Əvvəlcədən hansısa fikir söyləyə bilmərik. Vacib 3 xal qazandıq. Favorit "Sevilya"dır. Qalan 3 komanda son tura kimi öz aralarında mübarizə aparacaq. "Düdelanj" zəif deyil. Bu rəqib qol vura bilir, mübarizə aparır. Son tura qədər mübarizə aparmalıyıq.

Oxşar xəbərlər

"Belə ucuz oyunlar ancaq ermənilərə məxsus ola bilər" - Qara Qarayev
“Qarabağ” Lüksemburqda darmadağına sevindi
"Çalışdıq ki, əski parçası yerə düşməsin"- Rəşad Sadıqov
“Qarabağ”ın oyununda erməni təxribatı
“Qarabağ” qələbəsinə görə yarım milyon avro qazandı
"Qarabağ" "Sevilya"ya belə uduzdu
Almaniya qəzeti Lüksemburqda keçirilən futbol matçındakı erməni təxribatından yazır
"Bizə qarşı tərbiyəsizlik edən ölkənin cavabını layiqincə verdik" - Əmrah Çelikəl
"Təxribatla bağlı Lüksemburq səfirinə tapşırıq verildi" - XİN
Moskva “Spartak”ından Qurban Qurbanova təklif?
"Qarabağ" - APOEL oyununun biletləri satışda
Lopeteqi "Qarabağ"ın futbolçuları ilə görüşdü
Fatih Terim "Neftçi" ilə oyun haqda danışıb
Rafael Ağayevə yeni vəzifə verildi
“Qarabağ” – APOEL matçına nə qədər bilet satılıb?
Lüksemburqun idman naziri "Qarabağ"dan üzr istədi
Bu uşaq "Qarabağ" - "Sevilya" matçından əvvəl etdiyi hərəkəti ilə gündəm oldu
Qurban Qurbanov və "Qarabağ" dünya rekordçuları arasında yer alıb
Avropa Liqasında gecənin bütün nəticələri: "Beşiktaş" son saniyələrdə...
Maksim Medvedev hamıdan öndə
Ərdoğan sərt və güclü bir liderdir
Azərbaycan “Qarabağ”ı gözləyir - UEFA reytinqində
“Qarabağ”ın yeni mövqeyi
“Azərbaycan özünü alçaltmayacaq”
Mehriban Əliyeva şagird və tələbələri belə TƏBRİK ETDİ
İlham Əliyev AŞPA-nı sərt tənqid etdi
Ermənilər Dağlıq Qarabağın azərbaycanlı icmasının rəhbərini terrorla hədələyib
"Bavariya" finalda PSJ-yə rəqib oldu
"Neftçi" "Qarabağ"la xal fərqini azaldıb
Azərbaycanda 4 gün ardıcıl qeyri-iş günü olacaq