Gənc həkimlərin yarıdan çoxu imtahandan kəsildi
20-08-2020, 11:14
164

Gənc həkimlərin yarıdan çoxu imtahandan kəsildi

Bu il rezidentura pilləsinə qəbul üzrə imtahanda iştirak etmiş 122 həkim namizəd ictimaiyyətə və müvafiq dövlət qurumlarına müraciət ediblər.
Qafqazinfo”ya daxil olan müraciətdə qeyd olunub ki, avqustun 5-də rezidenturaya qəbul imtahanının birinci mərhələsində iştirak edən 1428 namizədin yarısından çoxu imtahan üzrə müəyyən edilmiş keçid balını (40 bal) toplaya bilməyib:
“Hazırda da davam edən COVID-19 pandemiyası ilə bütün dünya ölkələri kimi bizim ölkəmiz, səhiyyəmiz də mübarizə aparır. Gənc həkimlərimizin çoxu bu çətin şəraitdə koronavirus ilə mübarizə aparıb. Bu sınaqdan ən yaxşı şəkildə, uğurla çıxmaq üçün ölkəmizin bütün tibb işçiləri səfərbər olublar. Belə ki, 2020-ci ilin mart ayından başlayaraq hər birimiz işlədiyimiz müəssisələrdə gecə-gündüz xidmət göstərməklə COVID-19 pandemiyası ilə mübarizə aparmağa, ölkəmizi bu ağır bəladan qurtarmağa çalışırıq və daim çalışacağıq.
Ölkəmizin tibb sahəsində yaranan gərginlik və ağır şəraitlə əlaqədar olaraq, biz həkimlər üçün rezidenturaya qəbul üzrə bu il keçirilən imtahanlara tam hazırlaşmaq mümkün olmayıb. Bütün bu çətinlikləri nəzərə alaraq, rezidenturaya qəbul imtahanının birinci mərhələsi üzrə bu ilki keçid balının müəyyən qədər aşağı salınması üçün aidiyyəti qurumlara müraciət edirik.
Onu da nəzərinizə çatdıraq ki, 2015-ci ildə rezidenturaya qəbul imtahanının birinci mərhələsi üzrə keçid balı endirilib və ikinci mərhələyə 1000 namizəd buraxılıb”.
Qeyd edək ki, 122 rezident bu məzmunla Nazirlər Kabinetinə, Səhiyyə Nazirliyinə, Dövlət İmtahan Mərkəzinə və Milli Məclisə müraciət ediblər.
Dövlət İmtahan Mərkəzindən “Qafqazinfo”ya bildirilib ki, Nazirlər Kabinetinin 2017-ci il 8 fevral tarixli 41 nömrəli qərarı ilə təsdiq edilmiş “Azərbaycan Respublikasında rezidenturaya qəbul Qaydaları”nın 3.4-cü bəndinə əsasən imtahanların məzmunu, forması, aparılma texnologiyası, davametmə müddəti, keçiriləcəyi yer və günlər Mərkəz tərəfindən müəyyənləşdirilir.
Eyni zamanda həmin Qaydaların 3.3-cü bəndinə əsasən namizədin təhsil aldığı əsas (baza ali) tibb təhsili istiqamətindən asılı olaraq, imtahan aparılan baza və ixtisas fənləri Mərkəz tərəfindən Səhiyyə Nazirliyi ilə razılaşdırılmaqla müəyyən edilir. Adı çəkilən Qaydaların 3.2-ci bəndinə əsasən baza fənləri üzrə biliklərin qiymətləndirilməsi imtahanının nəticəsi “məqbul” və ya “qeyri-məqbul”la qiymətləndirilir. “Məqbul” nəticə əldə edən namizədlər 5 (beş) il ixtisas fənləri üzrə biliklərin qiymətləndirilməsi imtahanında iştirak etmək hüququ qazanırlar. Baza fənləri üzrə biliklərin qiymətləndirilməsi imtahanına əsas (baza ali) tibb təhsilinin III kursunu tam bitirmiş tələbələr də buraxılırlar. Baza fənləri üzrə biliklərin qiymətləndirilməsi imtahanından “məqbul” alan tələbələr isə ixtisas fənləri üzrə biliklərin qiymətləndirilməsi imtahanına yalnız rezidenturaya qəbul olunmaq hüququ əldə etdikdən sonra buraxılırlar. İxtisas fənləri üzrə biliklərin qiymətləndirilməsi imtahanına buraxılmaq üçün müsabiqə şərtləri Mərkəz tərəfindən Səhiyyə Nazirliyi ilə razılaşdırılmaqla müəyyən edilir.
Rezidenturaya qəbulun mərhələləri üzrə müsabiqə şərti müəyyən edilərkən həkim-mütəxəssis hazırlığı üçün müvafiq fənlər üzrə tələb olunan minimum bilik səviyyəsi nəzərə alınır. Əks halda, rezidenturada təhsil zamanı praktik vərdişlər əldə olunması üçün nəzəri biliklərin kifayət etməməsi həm rezidentura təhsili dövründə, həm də həkim-mütəxəssis kimi fəaliyyətə başladıqda bir çox problemlər (rezidentura təhsili dövründə peşə bilikləri və peşə bacarıqlarını mənimsəməkdə çətinliklər, xəstələrin diaqnostikası və müalicəsi zamanı həkim səhvləri və s.) yarada bilər. Eyni zamanda pandemiya şəraiti daha yüksək ixtisaslı, peşəkar, savadlı mütəxəssislərə ehtiyac olduğunu bir daha göstərdi. Yuxarıda qeyd edilənləri nəzərə alaraq ixtisas fənləri üzrə biliklərin qiymətləndirilməsi imtahanına buraxılmaq üçün baza fənləri üzrə biliklərin qiymətləndirilməsi imtahanı üzrə müsabiqə şərtinin dəyişdirilərək keçid balının azaldılması məqsədəuyğun hesab edilmir.

Oxşar xəbərlər

Gənc həkimlərin yarıdan çoxu imtahandan kəsildi
Martın 1-də keçirilən buraxılış imtahanı üzrə ballar 100 ballıq şkalaya keçirilib
Həkimlərə verilən əlavə ödənişin müddəti bu tarixədək UZADILDI
Azərbaycan BMT-nin COVID-19-la mübarizə qətnaməsinin tərəfdarlarından biri oldu
“Jurnalistika” ixtisasına qəbul qaydaları açıqlandı - Detallar
DİM: Bəzi ixtisaslara qabiliyyət imtahanları keçirilməyəcək - Diqqət!
"Yenidən imtahan keçirilməyəcək" - DİM
Məşhur fenomen imtahandan kəsildi – FOTO
Evdə müalicə alan 3500-dən artıq COVID-19 xəstəsi pulsuz dərmanlarla təmin olunub
Nazirlər Kabineti həkimlərlə bağlı qərar verdi: Oktyabrın 1-dək uzadıldı
Koronavirusa görə 39 sahə məntəqəsinin ikinci monitorinqi keçirilib
"Azercell"in Müştəri və Səyyar Müştəri xidmətləri işini fasiləsiz davam etdirir
TƏBİB “Semaşko”yla bağlı açıqlama yaydı
Təhsil Nazirliyi MİQ imtahanında iştirak edən namizədlərə müraciət etdi
Sınaq imtahanı pulsuz oldu
Dağıstanda 3 tibb mərkəzi tikiləcək: Hökumət 2 milyard ayırdı
Koronavirusa qarşı peyvəndlər əhaliyə hansı qaydada paylanacaq? - ÜST AÇIQLADI
Müddətsiz əmək müqaviləsi üçün müsahibələr onlayn keçiriləcək
İşə qəbul imtahanlarında ən yüksək nəticə göstərən namizəd - Foto
Qəbul imtahanlarının vaxtı açıqlandı — RƏSMİ AÇIQLAMA
Sentyabrın 15-dən ali məktəblər distant qaydada fəaliyyətə başlayacaq
Rəşid Mahmudov: “Koronavirus oyuncaq deyil, ona qalib gəlməyin bir yolu var...”
İmtahanlarda zal nəzarətçisi olmaq istəyənlər! - Müsahibələr başlayır
Bu gün 3 523 nəfər MİQ imtahanında iştirak edəcək
"Bakcell" adı hallanan toyla bağlı MƏLUMAT YAYDI
DİM abituriyentlərə müraciət edib
Bakıdan rayonlara gediş-gəlişlə bağlı VACİB XƏBƏR - Hələ 5-6 ay...
Azərbaycanda televiziyalar fasiləsiz işləyəcək
“Çoxu Türkiyənin ABŞ-ın vacib ticarət tərəfdaşı olduğunu unudur” - Tramp
Bu gün 41 şəhər və rayonda qəbul imtahanları keçirilib — Yenilənib